"يا الهفوف انتبهي لخلي اللي لامنه ضحك مال كل ثقيل متزن"

Part 13

عند البنات اللي كانت جلستهم حنونه بشكل وكلها ضحك ومليانه مشاعر....
جت غيم بعد مده وبعد ما ارتاحت شوي
سديم :ارحبي ثم ارحبي ثم ارحبي
غيم ضحكت بخجل
ورد : قسم بالله توها تكتمل الجلسه ماكان ناقصها غير وجودك
قمر : اي والله
كانت تناطر بمحمد ومحمد صاد بنظراته عنها وهو في قلبه وده يحضنها ويقولها اسف ماكان قصدي
اتسبب بهالالم لك
سلطان اللي طول الجلسه يتامل  حب طفولته بس مخبي هالشي حتى بينهم يالاخوان ماقال شي لهم
كان يتامل بهيام اللي كان عندها ابتسامه تخلي الثقيل المتزن يميل
وشعرها الاسود اللي لين فوق كتفها
ونعومتها بما انها الوحيده عند عبير ودلوعه اهلها كان فيها رقه الأرض كلها وكياتت الارض كلها اللي
خلى سلطان يروح بعالم ثاني وشعرها اللي تبعده برقه من على وجهها
خالد : اي والله جعلها اخر الاوجاع يا رب.... يله ي ورد نبي فعاليات بدل هالاكل ماشاءالله
والجحش غيث خلص ام الكيك
غيث وهوا ياكل : شدخلك كانك ما خلصت ام ام الشبسات دز بس كانوا البنات يضحكون عليهم وعلى جلدهم لبعض
الجوري : بس ي اطفال ههه خلونا نستانس
سلطان : يا بابا انت وياه اهجدوا
ضحكت هيام برقه بنعومه ناظرها سلطان وضحك من ضحكتها
ورد : من عنيا ي خالد ضبط خذت ايبادها من جنبها فتحت ملف  pdf
عمر : وش ذا
قمر : اهااا عرفتها هاللعبه اللي بالتيك
ورد :  هاذي لعبه الكترونيه فيها اساله وهواجيس حرفيا
خالد : جوييي هات
ورد : تمام بدور
غيث : وش اشرحي طيب
الجوري بضحك استاذ غيث الغباء وراثي ولا بالفطره
ضحك الكل
غيث :مايضحك شسوي اذا مافهمت هاللعبه الخايسه
ورد بضحك لاتغلط على فعاليتي هيا عبارره عن اساله ونت تجاوب عليها بصراحه وبدون كذب
الجوري : طبعا ليه الكذب
ورد :يلا السؤال الاول ي غيث بس تجاوب بصدق
غيث : يلا اخلصي
ورد : هل يوم من الايام قد سرقت من محفظه ابوك فلوس
غيث : ههه هوا مايعتبر سرق  لانه ابوي
قمر : سبحان الله هههههههه
غيث : جد انا عن نفسي أشوفه اخذ مو سرق
الجواب ايه من محفظته اذا علق ثوبه
سديم : بعلم عمه سحر ههه
غيث : هههه بزره انتي
ورد : اووك الحين سلطان
سلطان : سمي هات
ورد وهي متحمسه وتقرا واو
البنات وششش
ورد:  السؤال حلو
قد حسيت او جربت مشاعر الحب
سلطان صدمها وصدم الكل  بجرائته وصراحته : ايه
هيام : اقلها مهد طيب مو كذا ههه
سديم : الله يابو الحب ههه ماتوقع حد يحبك
سلطان : وخير وشفيني تاملي جمال وجهي ووسامتي
سديم : ههه ثقه مو بمحلها اعرفك متحب الحب
سلطان :ماتدرين
سديم : الله ي الدنيا اذا طلعت تحب معد بثق باحد بحياتي هههه
سلطان ماسك ضحك ومسح على شاربه : ليه
سديم : لانك ماتحب هالاشياء تشوفها تضييع وقت
سلطان وهو يقول بقلبه اخ بس لو تدرين ان ما جاب راسي وخلاني اكسر هالقاعده من حياتي غير هيام
ورد : خير قلبتوها محاظره ونت اشرت على سلطان وهفت راسه بالايباد اخلص جاوب
ضحك الكل
سلطان : ذي من حارق رزها بشويش ترا المناقشه من أصول اللعبه ههه
ورد : قلدت كلامه بسخريه المناقشه من اصول اللعبه
ورد :جاوب طيب
سلطان : ههه طيب حسيت بمشاعر الحب لمن الدكتور مشاني باجاباتي التبن وجبت فل مارك طحت بغرامه الصدق
ضحك الكل
سديم بنبره ضحك هفته على كتفه : شفتوا قد قلت لكم....