"يا الهفوف انتبهي لخلي اللي لامنه ضحك مال كل ثقيل متزن"

Part 23

غيم : هاي وين ماما وعماتي
الجوري : توي شايفتهم يسولفون بالمجلس
جا وقت المغرب والبنات باقي يسولفون كانوا يحللون كل ثانيه يجلسون فيها مع بعض
ومايبون يفوتون ولا حتى لحظه ولا كان يفرقهم الا النوم
هيام : بنات وين عمي عبدالله لي مده ماشفته
قمر : طالع مع اخوياه
هيام : اها
قمر : ايوه شفت.... قاطعهم دخول وهوا مسرعه ويصرخ عبدالله
صرخوا البنات من دخوله
هيام : يماا بسم الله شفيك خوفتنا
عبدالله بحماس : يله يله ي بنات امشوا مطر هيا نطلع
بدوا البنات يصرخوا
قمر :  امانه
عبدالله بالله اخلصواا ولا طلعت لحالي هيا ابها كلها مطر
ركضوا البنات يصعدون لغرفهم يلبسوا
قمر : وتلوموني في حب عمو عبدالله
الجوري : قسم بالله انه يجبر الخاطر بعدين لحظة كيف ما انتبهنا للمطر
غيم : منجد. كيف فاتتنا هاللحظه
قمر : بلا سواليف ويلا نلحق على المطر
نزلوا البنات فيهم حماس الكون كله متوجهين لسيارة عمهم 
سديم ناظرت غيم وهمست لها : شكل خطتنا بتفشل
غيم : عادي ي بنت الخطه اصلا اننا مانحتفل فيها ههه
سديم : مجرمه هههه
شغل عبدالله السياره وبدوا يلفون بشوارع ابها الحنونه كان المطر قوي وعبدالله يصور المطر والبنات نفس الشي
هيام : شفتوا كيف اليوم يوم ميلادي ونزل مطر اللهم اجعل ايامي كلها خير
سديم : شفتي كيف
هيام : شكل في وحده هنا يبنسحب عليها
سديم ضحكت :  والله مامعك طفره شينه
هيام : تخيلي اني قد شريت لبسي من زمان يمكن قبل شهر لونه بيبي بينك يجننن مره مره حلو
سديم : عادي البسيه اي يوم وتصوري فيه
ضاق صدرها هيام وهزت راسها بالموافقه
عند عبدالله اللي كانت الجوري جنبه وتصوره مع المطر وهوا يستهبل ويحرك شعره مع الاغاني
بدا المطر يخف ويصير مثل الهتان 
الجوري : عمو
قصر عبدالله على المسجل : عويناتي شتبين
الجوري المطر خف نبي ناخذ قهوه ونروح نتمشى على رجولنا
عبدالله : ابشروبي بدا يقلد طريقه كلامهم  بس لاتقولون بعدين عمي عبدالله هوا نزلنا بالمطر وتعبنا
قمر : لالا ماعليك
عبدالله :شتبون كوفي
لفت الجوري على البنات ها وش تبون
سديم : عادي اي شي على ذوقك ي عمي بس تكون حلوه
الجوري : ايه حتى انا محتاره خلاص الكوفي على ذوقك 
عبدالله : تم
توجه عبدالله للكوفي المفضل عنده كيان توجه للدرايف ثرو
لف عليهم طلاباتكم ي بنات بسرعه
قمر : ابي ايس دريب
عبدالله : ايس مع هالبرد ي بابا
قمر : عادي انا احبه
عبدالله : بكيفك
سديم : ابي كورتادو
الجوري:  ونا ابي سبانش لاتيه حار سكر وسط
غيم : ابي كورتادو زي سديم
الجوري : ونتي ي هيام وش تبين
هيام : اممم مدري محتاره
الجوري اسمعي مني جوك حالي
هيام : اي عادي
الجوري : اجل خذي نفسي بيعجبك
عبدالله خلاص كذا
الجوري : ايه ايه
بدا عبدالله يعطي الطلبات للباريستا : واحد ايس دريب واثنين سبانش لاتيه وثلاثه كورتادو
الجوري غيم صوري بما انك عند الباب وهوا ياخذ الطلب سريع قبل مايعطيه
غيم : تمام  تمام
خلص الطلب مده لعبدالله وصوروه البنات وصوروا القهوه الجوري عمو بسوي معك ترند بليييز
عبدالله : ياليل ترنداتك هات وش
الجوري بثبت الجوال فوق وانت تمد لنا القهوه
سديم : اي يجنن ي عمو بليز سوه
عبدالله : يله اخلصوا علي نبي نلحق على الممشى قبل الزحمه
الجوري مارح نطول والله
ثبتت الجوري جوالها فوق وجاب عبدالله حامله الاكواب ومدها للجوري اللي راكبه جمبه حطته الجوري على التكايه حقت السياره بدوا البنات يمدوا يدينهم وياخذوا القهوه
اخذت الجوري وعبدالله قهوتهم وحطوها بحامله الاكواب اللي بالسياره خلص التصوير وخذت الجوري جوالها قرب عبدالله والبنات منها يشوفون الفديو
هيام : الله يجنن مره حلوو
قمر : والله كيوت بشكل
الجوري : كيف ي عمو
عبدالله : لالا بدعتي خلاص كذا نحرك
الجوري : ايه ايه
غيم : عمي عبدالله يبي يفتك قاعد يسلك لنا
عبدالله : هههه اشغلتوني انتم وترنداتكم والمطر راح
الجوري : ايه عمو وقف وقف هنا بالممشى ذا يجنن حق تفريغ للطاقة السلبيه
ضحك عبدالله : اصلا معنى غيره يله ان شاء الله نلاقي موقف
سفط عبدالله السياره ونزلوا البنات...
حضنت سديم يد عمها وبدوا يتمشون بين نسيم ابها والمطر الهتان كان جو قادر انه يلامس القلب من حلاوته
كان عبدالله وجمبه بنات اخوانه ويتمشون
قمر : غيوم تعالي صوريني عند الشجر ذا
غيم : تمام جايتك
هيام : ونا بعد جايه معكم ابي كم صوره
عبدالله : انتبهوا طيب
قمر : مارح نبعد كثير
سديم شدت على يد عبدالله
ابتعدت عن البنات سديم وهيا تسحب بعبدالله
عبدالله عقد حواجبه : شفيك ي بنت
سديم بابتسامه : تعال بقول شي بما انك خربت علينا
عبدالله باستغراب : خربت وش
سديم : شوف يوم ميلاد هيام اليوم تمام بس احنا اتفقنة مانسوي لها اليوم ونخرشها اننا سوينا شي اي كلام وهيا تجهز وكذا اتفقنا اننا نجيب كيكه صغيره ونحتفل فيها وحنا واقفين وبعدين نصدمها ثاني يوم بالتضبيطات
عبدالله بضحك : مجرمين
سديم : ف دامك طلعتنا اليوم نبيك بكره يالطيب تصرف هيام
عبدالله : شسوي فيها
سديم : مدري عنك ابعدها من البيت
عبدالله : يالذكيه اكيد بتعرف انه عشان يوم الميلاد
سديم : لا ماعليييك انا بخلي قمر تطلع معك ولا الجوري فهمت
عبدالله : اها خلاص قدام ازهلوها
سديم ضربت كتف عبدالله : ترا مانتهى الموضوع لكذا باقي نبي  شي
عبدالله : وشو
سديم بضحك : نبي كيكه ماتنشاف عشان ننفذ الخطه
عبدالله : طيب هاسمعي
سديم : هات
عبدالله : بروح انا الكافي اللي بالشارع الثاني واجيب كيكه واكتب عليها وانتم اقعدوا استنوني هنا لين ما اجيبها
سديم بحماس : خلااص تم
راح عبدالله للكافي
قمر : هي وين رايح عمي عبدالله
سديم :يقول ماعجبه الكورتادو بيروح ياخذ من عند الكافي ذاك
قمر : اها
بدت تبتسم سديم ارسلت لغيم وقمر
ناظروا الاشعار وقروا الرساله
ناظروا ببعض وضحكوا
هيام كانت تصور ستريك وتستغل المطر والأجواء الحلوه
لمحت سديم عبدالله وهوا معا بوكس صغير عرفت انه سواها لمن تقدم بدت غيم تصور وقمر تشغل لهيام اغنيه عبدالمجيد عبدالله
غنو لحبيبي وقدموا له التهاني تقدموا لهيام بدوا يرددونا وصل عبدالله وفتح الكيكه الكوريه الصغيره
H.B.D
هيام
غنوا البنات بصوت عالي مع الاغنيه وهيام ضحكت وابتسمت
هيام : الله مره شكرا
الجوري : اعذرينا كانت طفره ولاقدرنا نسوي الا كذا
هيام: انتم اكبر هديه ي عيوني انتم
قمر وسديم يرقصون باستهبال ويرددون ورا الاغنيه
في عيد ميلاده عساها مية عام
ضحكت عليهم هيام وتقدمت تحضنهم :مره شكرا ي عيوني
سديم : كل عام ونتي بخير ي هيوم
هيام : ونتي بخير
عبدالله مسك على خصره : عشتوا شهالقعده الرومانسيه يلا تاخرنا على اهاليكم خلونا نرجع
ضحكوا البنات ورجعوا وهما بالسياره كانوا يناظرون هيام اللي كانت عند الباب ومتكيه براسها واضح انها كانت تبي شي احلى وافخم لانها تجهز له من شهور هاليوم حتى امها علموها البنات بالخطة كانت مستغربه هيام ان حتى امها ماسوت لها شي
ناظروها البنات وبدوا يضحكون
سديم همست لغيم : كسرت خاطري
غيم : ماعليه بتنبسط بكره ببلغ امها تدق الحين وتغير جوها
قاطعت عبير سرحان هيام ودقت عليها ردت هيام هلا ماما
عبير : هلا والله بالي صاروا عمرهم ١٨ كل عام وانتِ يخير يعيوني اخ ي هيوم ماني مصدقه عيوني كيف كبرتي بسرعه كذا احس ان توني درستك اولى ههه يالله كيف الايام تمشي بسرعه
هيام ابتسمت : ونتي بخير ي روحي ماقصروا البنات احتفلوا فيني قبل شوي
عبير : الله يسعدهم... ايه وينكم انتم خونه اشوفكم مصورين هالاجواء ولا تاخذونا
هيام بأبتسامه :  طلعه سريع سريع
عبير : ماعليه ي عيوني امزح معاكم استانسوا وانبسطوا وحنا شوفينا نتقهوى ومبسوطين مع عمانك
هيام : جعلها دايمه احنا اصلا راجعين
عبير : ايه تمام تمام.. يله ي روحي مع السلامه تبين شي
هيام : لالا سلامتك
عبدالله : كيف الطلعه
الجوري : الله يسعدك قسم بالله تجنن مره مرة
قمر : منجد احس فرغت كل الطاقه السلبيه مع المطر
وصلوا للبيت نزلوا دخل الكل الا غيم كانت ساهيه بالجوال
نزلت وهيا تضحك وتسولف بالجوال
فتحت الباب بدون تنتبه تعثرت بعتبه الباب وطاحت وانكبت قهوتها
غيم :اييي الله ياخذ العدو كيف ماانتبهت كانوا خالد ومحمد جالسين بالحوش فزوا خالد محمد من ناظروها طاحت تقدموا مسرعين لها وشالها محمد من كتفها
محمد : بسم الله عليك جاك شي
غيم :لالا
نفضت ملابسها غيم وشكرت محمد دخلت  مسرعه ومتفشله من الموقف الخايس فتحت غرفت هيام
غيم : هياااااام
هيام : خير ي بنت وش صاير
غيم :تخيلي طحت قدام خالد ومحمد اخخ تفشلت
هيام : والله فشله صدق ماعليه تصير ي غيوم لاتتضايقي
غيم : لا يفشل تخيلي ان كل ما نتقابل بس اصابات
هيام : ماعليه ي غيوم عاديي
عند الجوري : بنات اسمعوا نبي شي يسوا لهيوم
قمر : ازهلييي
سديم : انتي اصلا مادريتي اتفقت مع عمي عبدالله ياخذها بكره ويصرفها
قمر : كفووو
الجوري : امانههه الحمدلله اجل كل شي تمام.. تعالوا نبلغ امي وعماتي
نزلوا مسرعين تحت عند خوله كانت جالسه مع سحر وعبير يتقهوون بالصاله
سحر : بسم الله شفيكم ي بنات
خوله ناظرت الجوري : وشفيكم
الجوري : هيوم يوم ميلادها اليوم
خوله بصدمه : ياللي ماني بقايله ليه ماعلمتيني
الجوري : اصبريي ي ماما.. اتفقنا اننا نسوي لها اي كلام اليوم ونبين لها ان مارح نجيب ونسوي لها الا كيكه صغيره بس
واحتفلنا فيها تونا بالممشى
عبير بضحك : بناتك مجرمات ههه
قمر : قسم بالله بتكون رده فعل للتاريخ
عبير : كنت بخرب عليكم لو ماقلتوا لي واعطيها هديتها
قمر تنهدت: الحمدلله اننا علمناك
جو غيم وهيام
غيم : وااااو حلا القرفة حلاي المفضل من سواااه
سحر : انا جعل معه العافيه
غيم خذت صحن وخذت لها قطع كثير : انا هنا استاذنكم بروح اسوي لي قهوه واروق لحالي
ضحكت سحر : بالعافيه ي روحي
خوله : منجد ي بنت مره خطير الحلا اهنيك
ضحكت عبير : خوخه شكل الدور جاي عليك بتزيدين كم كيلو نفسي
خوله : يلا ماعليه فداها
عند غيم اللي سوت قهوتها وركبت سماعاتها وجلست بمكان شوي معزول بالحوش وكان مظلم شوي نزلت أغراضها وخذت لها فرشه صغيره فرشتها وجلست
غيم : الحين اقدر اجهز لهيوم ونا مروقه
عند البنات اللي تفرقوا اللي راحت تنام واللي تسوي الاسكن كير حقها واللي خذت لها شاور واللي ناموا هههه
بدت غيم تشغل اغنيتها المفضله ل اصاله اللي كانت عنوان روقان غيم ومايكتمل روقانها الا بهالاغنيه
شغلتها غيم وبدت تردد مع اصوله
            كبير الشوق لو تدري  الوله له عهد وله حقوق
              على من حن وتوله... سهر ليلة ومسك زامه
             اعرفك يا بعد عمري  جنابك في السما من فوق
              واشوفك يا معالي الحب،  وغير الحب ما رامه