عبير : وش عاد سويتي مع اهلك
خوله : تنهدت بضيق وتلاشت ملامح الابتسامة ونزلت فنجالها.... جيتي على الجرح ي عبوره
ايديني مربطه يعني هم جزء كبير
من عائلتي بعد امي وابوي
فمدري شسوي كنت بين نارين
عيالي وزوجي واهلي تنهدت بألم
فقررت اني اعدل وابتعد عنهم وطلبت من
ابو محمد نجي نسكن هنا او مكان بعيد
عبير : لاوالله ماخليكم تروحون بعيد سلامت وبيت عمك موجود
خوله : الله يسعدك ي عيوني
جت سحر وجابت الشاهي
وهاذا الشاهي خلص لايكون فاتني شي
خوله بضحك : لالا اجلسي
عند خالد واخوانه
عبدالله خالد فز متعب مجهز لنا شبه النار قم
خالد : الله يعز ارضه ابيها من زمان
تقدموا عبدالله ومتعب يطلعوا للحوش
شافوا بناتهم وعيالهم كيف ملتمين ويسولفون....
خالد : اللي يناظر بناته كيف تأقلموا معاهم
وتعودوا عليهم بهالسرعه توجهوا لمتعب اللي كان لابس ثوبه البني وعاصب على راسه وجالس يقلب بالجمر لاحضهم متعب هلا والله حياكم
خالد : الله الله وش هالتظبيطات يبو خالد
متعب : يلا شويات ويخلص احلا شاهي
خالد تنهد بفرح :اييييه الحمدلله مبسوط مره لو ادري ان راحتي وراحه عيالي وزوجتي وبناتي هالمكان جيت من زمان...
متعب : يا خالد خلااص خلك بواقعك
خالد : اي والله
متعب : وهاذا الشاهي خلص....
خالد : عشت عشت يبو خالد
متعب : جعل معه العافيه جلس متعب وخذا البيز ومسك ابريق الشاهي بدا يصب لهم
خذا خالد فنجاله وبدا يشرب
خالد : يوووه ي متعب جعل يديك ماتمسها النار
خذا عبدالله وذاق الشاهي : لا إله إلا الله اخخ ما اخترتك عبث قسم بالله انك كفو
متعب : كفوك الطيب
خذا متعب فنجاله وتكا على التكايه ايه ي بو محمد وش بتسوي
خالد : بوش
متعب : وش وضع السكن بتسكن ببيت ابوي ولا بتسكن بالحي
خالد : والله اني مدري بشوف لقرار عيالي وزوجتي
متعب : على خير بس ان كان ودك تسكن هما شوف كيف بيت ابوي كبير ويوسعنا كلنا بالاخير القرار قرارك
خالد :يصير خير ان شاء الله
عبدالله : باقي لي شوي واتخرج وافتك من شر هالجامعة
خالد بدا يضحك وناظر بمتعب : بدأ يلمح يعني افهموها ههه
متعب بضحك :تستاهل تستاهل بس انت انجح وييسرها ربي....
أنت تقرأ
"يا الهفوف انتبهي لخلي اللي لامنه ضحك مال كل ثقيل متزن"
General Fictionروايه تجمع بين محبوبين من الرياض والجنوب يلتقون وباول لقاء لهم...... 💗 #حُب#جراءه #حزن #ضحك #صدف#عائليه
