"يا الهفوف انتبهي لخلي اللي لامنه ضحك مال كل ثقيل متزن"

Part 30

قام محمد بفرح مسك على جبينه بدا يتلفت : ياولد انا بحلم ولا بعلم يااارب اللهم لك الحمد قسم بالله تعبت لين الاقي هالجواب اااهخ ي غيم كيف انك ذوبتيني بحركاتك وجرائتك معاااي والله مايعدي هالاسبوع الا ونتي حلالي توجه لعند البحر

"جيتك ضايق ومهموم وجيتك
الحين ونا كلي حياه ردتلي روحي
من بعد مانطقت بحبها لي"

نرجع للبنات كانت غيم منفسه من هيام وكيف خربت عليها هاللحظه غيم وهيا تفتح باب الشاليه: هههففف مايخلون الواحد يستانس
ناظرها متعب صوت عليها : وين كنتي ي ابوي
غيم بتوتر : ها اا لا بس كنت عند البحر
قاطعتهم سحر وهي تصوت على اخوانها : ابو غيث جاي
تنهدت غيم وتوجهت مسرعه مستغله انشغال ابوها
متعب عقد حواجبه : وليه جاي

ضحكت سحر : شكلك نسيت بنتي وتين
رفع متعب حواجبه بتفاجئ : اوووه كيف نسيت من هالنتفه
ضحكت سحر وناظرت بعبدالله : قم الله يسعدك جيبها من عنده
سحر : ايه وترا قلت له انكم مشغولين فعشان كذا قلت يجيبها بدون مايسلم وكذا
متعب : ماعليه مافي مشكله ياخذ راحته
متعب بتذكر : ايييه تذكرت.. بلغي ام هيام اني كلمت ابو هيام وقده على وصول

سحر : تمام ببلغها
عند عبدالله اللي كان مبتسم كان فاتح ايدينه لوتين يستقبلها انحنى لها ولمها : هلا هلا هلا باللي اشتقنا له
عطته وتين بوسه على خده وحضنته : اشتقت لك عموو
عبدالله وهو شايلها : مب أكثر مني اي والله
وتين : ابي بسة هيام مشتاقه لها حتى اني علمت الكل ان عندنا بسه
ضحك عبدالله وابو غيث
عبدالله مسك خدها : من عيوني ونا عندي غيرك ادلعه
ابتسم ابو غيث : يله تامرونا على شي
عبدالله رفع يده له : ابد سلامتك وانتبه للخط بهالوقت
ابو غيث : ابشر.. يله فمان الله
عبدالله : استودعناك ربي
توجه عبدالله بإبتسامه للشاليه نزل وتين على الارض كانت وتين تركض بسرعه لامها مشتاقه لها حضنتها سحر : هلا بروحي وقلبي اشتقت ي روحي انا

زمت وتين شفايفها بزعل: ونا بعد اشتقت لكم
ابتسمت سحر : يله ي ماما ندخل عندهم
صفقت وتين الله شاليه ومسبح متحمسه ابي اسبح
ضحكت سحر مسكت يد وتين وتوجهوا لعند البنات
ركضت وتين من لمحة البنات صارخوا لمن شافوها
فتحت الجوري يدينها: وتينيييي اههخ اشتقت لك
عطتها وتين بوسه : ونا بعد اشتقت لك ونتي أكثر وحده
جلستها بحضنها مسكت خدودها : مو اكثر منييي
ورد مسكت على خصرها : هههه عشتوا وليه تحبينها اكثر مننا
وتين وهيا حاضنه الجوري : لانها تحبني اكثر شي بالحياه
ضحكت ورد : اي واضح

قاطعهم تصويت متعب عليهم : وصلوا وصلوا فزت خوله وتوجهت مسرعه لعند متعب : هاه وينه
ناظروا للباب اللي انفتح دخل خالد وسلطان
ضحك خالد : تفضل يا مخرب اللحظات والوناسه
سلطان : مالي دخل اسال اللي صوب الكوره بوجهي ايمه خطير

ضحك خالد ضرب كتفه : رح رح عند امك تراها ميته خوف عليك
توجه سلطان لعند خوله رفع يده وسلم بصوت عالي : سلام عليكم
تقدمت خوله مسرعه هيا والبنات عنده وحضنته : بسم الله عليك ضربت كتفه خوفتني عليك انت واختك
سلطان وهوا حاضن امه عقد حواجبه : اختي مافهمت
ابتعدت خوله من حضنه : اختك سديم جاها طاحت علينا من لما شافتك