عند خوله اللي وهيا تسولف وتضحك مع خوات زوجها فجأة
جاها اتصال من اختها تهاني
انقلب وجهها خوله والكل لاحظ
كيف انصدمت من رن الجوال
سحر : بسم الله وش فيك ي بنت انخطف لونك من دق جوالك
عبير : مين اللي دق ي خوله
خوله : لا مافي شي ي حبايبي بس اختي
دقت وصدمتني بهالوقت برد عليها وواجيككم
تقدمت خوله تبتعد عنهم
سحر : مسكينه تكسر
خاطري مع خواتها
واخوها اللي مابقوا شي ما سووه
فيها وكرهوا اللي حوالينها فيها
عبير : اخ يربي الله يعوضها
ان شاء الله المفروض يكونون السند لها بذات اخوها المعتوه لانه الوحيد
سحر : اي والله الله يعوضها عنهم
خوله حطت ببالها الف شي وشي لان اختها تهاني ماتسال عنها ولا تدق عليها كثير لاهي ولا الباقين
ردت خوله : هلا والله بام سيف....
تهاني : الله يا الدنيا اخواتك واخر من يعلم بنقلك ي خوله صدق
دنيا عجيبه وتصدمك باقرب الناس لك
خوله : سبحان الله طول منا عندكم ماهمتكم يوم قررت ابتعد حنيتوا
تهاني بشمأزاز : ايه من اللي خذا قرار النقل
خوله : ابو محمد
تهاني : اي واضح
خوله : تهاني انتي دقيتي علي
الحين عشان تساليني هالاساله ودقيني
بالكلام ولا وش وضعك
تهاني بأستهزاء : لا بس ابغا انشد وش صار معك ووش هالقرار اللي نزل عليك فجاه
تهاني بضحك : لايكون عشان جارتك ام تركي ترا ماقلت الا الحق انك انتي وعيالك ماتصلحون تناسبوهم
ولا ياخذون منكم وحبيت اقول لهم
الصدق عشان ما اكون ظالمه ويدعون علي
خوله : انتي صاحيه انتي داقه علي عشان تسمعيني هالكلام السم انتي ايش من بشر انتي واللي عندك
سويتي ذا كله عشان ماياخذون الجوري وياخذون بنتك يالله الحين استني حوبتي وحوبت بنتي اللي
قطعتي بنصيبها حتى لو ماقبلت فيه ولا بغته انتي قطعتي بنصيب بنتي وتبيني استقبلك واعلمك بكل صغيره وكبيره تصير بحياتي لانتي ولا نوره ولا اخوي الوحيد محمد اللي
قلت يمكن هوا بيطلع مختلف
من بينكم طلع ارداكم والحين لعد اشوفك تتصلين على هالرقم ولا اعرفك ولا تعرفيني
تهاني : ابركها من ساعه
عند بطلنا سعود
وصل سعود لبيته تقدم يسلم على امه
العنود : ها عيوني انت وين ابوك
سعود : ايه تراه بلغني اقولك انه بيتغدا مع اخوياه عازمينه
العنود : تمام على خير جعله عافيه عليهم
سعود :يمه ببلغك بشي
العنود : قول ي عيوني
سعود : ابوي جا عندي للمكتب ومدح شغلي وعطاني شهر اجازه
العنود : ما شاء الله ي وليدي لانك كفو ووثق فيك وعرف انك خلاص صرت قد المسؤوليه وبتصون الشغل وتكبره بعدين لاغاب هو وتصير المدير
سعود : على خير ان شاء الله.... ايه وترا بقضي هالشهر بالجنوب عند خويي عمر قد وعدته ان الاجازه عنده
العنود بابتسامه : ونا كم عندي سعود ها
العنود حطت ايدها على خده : روح ي يمه واستانس وانبسط جعل مايبسط غيرك انا سعادتي ي عيالي من سعادتكم خذا كفها وباسها
سعود : الله لا يحرمني منك ي بعدي انتي
العنود : ولامنك ي روحي
سعود :يلا انا بروح غرفتي اغير ملابسي واجهز شنطتي عشاني ماشي هاليومين
العنود : تمام ي روحي انت ولامنك خلثت ملابسك انزل تغدا وتقهوا معي مسويه انا ود حياتي حلا التشيز بالمقلوب خذينا الوصفه من هالتيك دلتني عليها ود سمله عليها
سعود : ابشري ي كلي
طلع سعود وتوجه لغرفته ارتمى على السرير بتعب
وبدا يتذكر كلام ابوه له وكيف ربي رحمه من هالتتعب كله والشغل اللي صدع فيه قام وتوجه لجوره المياه الله يكرمكم
خذاله شور عالسريع وبدا يبدل ملابس خذاله لبس بيت مريح
ونزل تحت لامه لقى العنود وود بالمطبخ يضحكون ويرقصون على الاغاني ويرددون ورا الاغاني ويلطخون بعض بالكريمه
ود بضحك : ماما خلاص خلصنا الكريمه
العنود خذت من الكريمه ولطخت انفها
ضحك سعود وهو يشوفهم ويشوف استهبالهم مع بعض
ناظر للتيشز اللي كان لذيذ بشكل ومزين بفواكه من فوق كان صدق يشهي
كان بيمد يده ياكل ضربته ود على كفه
ود : لا باقي مو الحين باقي نتغدا يالغاليي هههه
سعود : ماتحمل اصبر شكله يشهيي
ود بغرور رجعت شعرها لورا : اكيد دام انا وماما اللي مسويينه
العنود : يلا بس تأخرنا على الغدا
تقدموا علر طاوله الطعام وبدوا ياكلون
سعود: يالبيه تصدقين يمه اني بشتاق بهالشهر لهالاكل
ود : ويت ويت ماسمعت وش شهر لايكون بتسافر بدوننا
سعود : راح الجنوب اقعد مع خويي
ود : اها اشوا
أنت تقرأ
"يا الهفوف انتبهي لخلي اللي لامنه ضحك مال كل ثقيل متزن"
General Fictionروايه تجمع بين محبوبين من الرياض والجنوب يلتقون وباول لقاء لهم......❤️🔥 -اعتذر لقد تم توقيفها- #حُب#جراءه #حزن #ضحك #صدف#عائليه
