♎️Chapter 18
ဖုယွမ်ကျိုးခမျာ "ငါ့ကိုယွိဖေးကနမ်းသွားတယ်" "ငါနည်းနည်းပျော်သလိုပဲ" "ယီးမလို့ ပျော်နေရမှာလား..ရှောင်ဖေးကယောကျ်ားကြီးဟ"....အစရှိသည့် ကသောင်းကနင်းအတွေးများဖြင့် အစားကိုအလွန်အကျွံစားလိုက်မိချေသည်။
ယင်းက သူ့ကိုချဥ်းကပ်ရန်သုံးသည့် ရှောင်ဖေး၏နည်းလမ်းပင်။
ဖုယွမ်ကျိုး သူ့ကိုယ်သူစိတ်ပိုင်းဆိုင်ရာပြင်ဆင်ထားလိုက်သည်။
တိုင်းတပါးတွင် ပါးကိုနမ်းရှိုက်ခြင်းက အလေ့အထတစ်ခုပင်။ ရှောင်ဖေးက နိုင်ငံခြားတွင် အချိန်အတန်ကြာနေလာခဲ့၍ မလွဲမသွေ အသားကျနေခြင်းဖြစ်လိမ့်မည်။ ဒါကပုံမှန်ပဲ....ချီးပဲ...ဒါကတကယ်ကိုပုံမှန်ပဲဟ။
အရင်က သူယွမ်ယဲ့ထံမှလည်း အနမ်းခံခဲ့ရဖူးသည်။ ယခု ယွိဖေးထံမှ ထပ်ပြီးအနမ်းခံရပြန်ပြီ။ မနေနိုင်မထိုင်နိုင် တွေးမိတိုင်း သူတုန်လှုပ်ချောက်ခြားနေရပြီး ယွိဖေးမျက်နှာထားကိုသတိထားကြည့်နေရသည်။
ယွိဖေးက သူ့အားမချိုမချဥ်ပြုံးပြလာ၏။
"ဘာလို့လဲ...အားကျိုး...အစားအသောက်တွေကမကောင်းလို့လား..."
"ကောင်းပါတယ်..."
ယွိဖေးကပုံမှန်ဖြစ်နေမှ ဖုယွမ်ကျိုးမှာ ဖြည်းဖြည်းစိတ်လျှော့လိုက်ရပြီး ဆက်လက်စားသောက်နေလိုက်၏။
သူအတွေးလွန်နေခြင်းပင်၊၊ ရှောင်ဖေးက ရင်းနှီးကြောင်းပြရုံလေးသာ။ နောက်တစ်ခါ ယခုလိုထပ်မလုပ်ရန် အနှီသူကိုသတိပေးရမည်ဖြစ်ပြီး ဓာတ်ပုံကိုပါဖျက်ခိုင်းရမည်။
သူသည်ကား စားသောက်ရင်းတွေးနေမိလေရာ ယွိဖေး၏ယောင်ယောင်လေးတွန့်ကွေးနေသောနှုတ်ခမ်းများကိုမမြင်လိုက်ပေ။
ညစာစားပြီးသည့်နောက် ဖုယွမ်ကျိုးသည် ရှဲ့လင်အတွက် မုန့်ဝယ်ပြီး ရှဲ့လင်အတန်းပြီးသည်အထိထိုင်စောင့်နေခဲ့သည်။ ခဏအကြာတွင် သူ့ဖုန်းကအသံမြည်လာ၏။ ရှဲ့လင်က သူရှိနေသည့်နေရာကိုမေးနေပြီး ဖုယွမ်ကျိုးက ယွိဖေးနှင့်ကျောင်းဂိတ်ပေါက်တွင်ရှိနေသည့်အကြောင်းပြောပြလိုက်သည်။ မကြာမီ သုံးယောက်သား ကျောင်းဂိတ်ဝတွင်ဆုံခဲ့ကြသည်။
YOU ARE READING
အ်ိုမီဂါအဖြစ်မွေးဖွားလာပြီးနောက်အားလုံးကငါ့ကိုလိုချင်နေကြတယ်
RomanceTitle - After regenerating into an omega, everyone is dying to marry me Omega အဖြစ် မွေးဖွားလာပြီးနောက် အားလုံးက ငါ့ကို လိုချင်နေကြတယ် Description 💥 ဖုယွမ်ကျိုးသည် မိသားစုကိုသစ္စာဖောက်ခဲ့ပြီး စက်ဆုပ်ရွံရှာဖွယ်ရာလူသားတစ်ယောက်ဖြစ်လာခဲ့သည်။ သူသိလို...
