Balas (Anak ni Randy)

BALAS: 17

Chapter 17: Love, muanha ko?

-

"Randy.. Randy Banale, Angkol."

Nikalit ug kunot iyang agtang ug murag nakuyawan pa siya.

Pangutan on na unta ni Rhea ang Papa ni Areon kung kaila ba siya base sa iyang reaksyon pero naunhan siyas Mama ni Areon.

"Ngano diay Pa kaila ka?"

Mura kinig natauhan ug nitan aw sa kaatubang na mga pagkaon. "Wala. Wala ko kaila." Tubag pang bahin niini.

Pero ang mga tawong kauban niini kay di kumbinsido pero gisagdaan nalang nila.

Nagtiwas silag kaon ug daghan pang naestoryahan. Naay tambag about sa ilahang duha as a mag uyab.

"Pilay edad diay nimo dae?"

"18 kol."

"Taga asa gani? Diri raman kas La Victoria no?"

"Oo.. taga Carillo ra."

Human ato naa sila nagtambay sa sala. Gitan aw sa ni Rhea iyang relo sa pulsuhan. Alas nuebe na kapin, gabie na.

"Ara day oh Rhea.. naa mi cake basin ganahan ka magkaon. Naa puy tapioca," naay gibutang sa lamesa sa sala ang Mama ni Areon. Isa ka platong chocolate cake ug tapioca na naay gatas. Murag lami.

Nagtapad silang Areon sa paglingkod sa isa ka sofa. Ang Mama pud niya kay nilingkod sa atbang. Iyang Papa naa pay gibuhat ug wa siya kabalo unsa.

Usahay mapatan aw si Rhea sa TV nga ga on. Salida nga pang gabie kanang gubat gubat ug giganahan pud siyag tan aw kay gubat man sa mga Amerikano. Ganahan biya siya masundalo.

"Hoy, kaon na.." gitawag siyang Areon. Humanag kab ot ang cake ug gihatag sa iya na gidawat pud niya. "Favorite man guro ni nimong cake diba? Katong sa Balasan una natong meet katimaan pa ko nagbitbit kag cake ato tapos nakipag ila ila ko nabuhian nimo." Oo kahinumdom pa siya ato.

Napasiplat pud siya sa Mama ni Areon na busy kakatan aw sa TV. Abi niyag naminaw sa giestorya ni Areon. Kaulaw raba!

"Lage aynag sabi maulaw tas imong Mama," senyas niya. Gikataw an ra siyang Areon.

Gitilawan na niyag sugod ang cake na gihatag sakto napalingi na iyang Mama ni Areon sa iyaha. "Lami ra day?" Pangutana ani.

Wa sa siya nitubag kay ginamnam pa niya ang lasa. Nakaingon siyag familiar lage ang lami? Murag nakakaon napud siya ato sauna. Nitando sa siya sa Mama ni Areon para tubagon ang niaging pangutana ani.

"Lami no? Haha wa lage ko gamahay na orderon na worth it ra. Na order man ko na atong taga Carillo.. oo diay taga didto man ka day no? Naa mana didto gideliver na nila ganina."

"Taga Carillo te?"

Na shock siya sa nadungog. "Di kaha..?"

Naana siyay ideya kung asa ni gikan. Kung taga Carillo man..

"Unsa gani ngalan ato Ar? Naa man tos box.. nalimot ko oyy," ana iyang Mama.

"Passeng's Sweets?" Di sure na tubag ni Areon,".. murag mao to. Ngano man kaila ka?" Tan aw ni Areon sa iya.

Nidako gamay iyang mata. What a coincidence. Passeng's Sweets gyud ang tawag sa ilang product. Aplyedo na nila Karen ang Passeng ug magdeliver silag bisag unsang sweets.

"Mm.." tando ni Rhea,".. silingan namo na Ante. Magdeliver gyud na silag sweets. Nakaabot pud diay diri wa ko kabantay ganina na duol raman mig balay."