Balas (Anak ni Randy)

BALAS:3

CHAPTER 3: Ang Balas

-
NANGHAON nami human mangamay sila Mama didtos cottage. Murag mga batang nag-unahay mig panagan. Kinataw-anay pa. Bisan sila Lobot ug ang uban na mga baynte na edad apil-apil sa among mga disi-

"Mura man mog mga pahong. Nagdinaganay uroy mo!" Ingon ni Mama.

Nagnginisihay ra ming tanan ug nanulod na para mangaon. Gipang-hangak pa tanan. Nagsi-iyahayg panguhag plato. Huota lage. Giuna nakog kab-ot ang cake tapos spaghetti dayon tapos pancit, macaroni a little bit, tapos katong leche plan. Ug tungod kay basa ming mga mag-ig-agaw tanan sa gawas nalang mi namungko para mangaon. Kinataw-ay gyapon. Walay pake sa sorroundings.

"Bahak lage gikapyotan man noon kong bangkay ganina didto." Pagkwento ni Louie the macho. Macho-paay haha.

"Oi, wala biya ha." Tuk-an² gud si Marjon 'bangkay' ug kinatawa. Plus gakaon pag mga litson.

"Di na gyud ko mukuyog nimo didto. Patyon man guro ko nimo," si macho-paay.

"May noon to para mawala naka macho-paay," sabat ni Queeni.

"Utro paka di kabalo mulangoy. Baho pa gyug ilok!"

Nagpakyuhanay ra sila.

"Paghilom gud maulaw ta." Nagsenyas pasiyag manghilom mi. Naa man guy gwapo pikas cottage..murag type napud ni niya.

Napatan-aw kong Jeann sa akong atubangan. Perting kaon hakog kaayong bayhana. Matuk-an tuk-an na siya mayngani naaiyang manghod na lalaki tigtunol ug coke.

"Hoy, itom hakog kaayo ka. Di mahilisan ana. Gipang-hamo hamo ang letson!" Nagkatawa kos giingon ni Jelia kay Jeann. Mao diay tawag namo sa iyaha 'itom' bagay ra pud sa iya itom kaayo.

"Lage awang nawong!" Tudlo ni Brena.

"Bhu...ot!" Puno ang baba niyang tubag.

"Mga buang, excited lang gyud na musalom utro...ug magpatabon ug balas." Ingon ko dayon nitindog para mubalik sulod sa cottage. Manguha kog utrog pagkaon.

This time panit ug unod na sa letson ug gamayn'g kan-on na para paniudto. (Pangiyodtu)'

Wa sa mi gipabalik ug ligo kay kantahan sa namo akong manghod ug happy birthday daw. Parang mga tanga no? Humana noon mig pangaon pero karon pa pakantahan. Gutom naman gud kaayo.

"P*nis nadidad~ p*nis nadidad prosperu anyos p*nis sidad- ayyy hehe sorry gud!" Tanan nanan-aw kay Lobot sa iyang gikanta. Mayngani gisigahan dayon siyag mata sa iyang Mama.

"Buang ka lobota ka! Wa pay Christmas oi!" Siko nako sa iya. Giatay, iyang p*nis lt.

"Sige sugod nata ha?" Nagsugod nag palakpak sila Mama ug ang ubang mama pa sa mga buang.

"HAPPY BIRTHDAY TO YOU...HAPPY BIRTHDAY TO YOU...HAPPY BIRTHDAY! HAPPY BIRTHDAY! HAPPY BIRTHDAY TO YOU...! HAPPY BIRTHDAY JOHN LEQ!" Napatabon sa nawong akong manghod sa kaulaw. Kadaganon na unta siya pero mayngani napugngan nila Macho-paay.

"Happy birthday John!"

"Yiee, happy birthday salamat sa letson. MBTC!" Gituslok-tuslok pa ni Jessel akong manghod.

"Asus! Nawong lang gyud kag macaroni!" Jamela.

"Yati ra!"

"Happy b-day, John!" Jelia.

"HBD!"

"HBD and MBTC!"

"Unya na regalo!"

Kanya-kanya silag greet. Magkatawa nalang kos diri sa kilid sa mga nawong sa inahak. Nawong kaayog kumbira liwat nako char.

Nagluparan na sila balik sa dagat. Pagkaduol nako sa akong manghod gihapak dayon nakong tangkogo.

"Dako na among dodong ohh...10 na yieee pede na manguyab pero pisot pa lage. Patuli sa ha," hunghong nako.

"Yawa ra!"

"Hala Ma, Pa! Niingog yawa si dodong. Bastos kaayog baba birthday pa unta niya." Sumbong nako.

"John!" mama.

Nagkatawa nalang ko ug nitalikod na. Nangab-ot sa'kog cake ug balik dayon nigawas na. Bag-o pa ko mubalik gihiwian pa nako akong manghod. Nanungog!

Bitbit ang cake nangita kog cr. Sige kog ingkit, tan-aw sa palibot. Nasa unahan paman gud 'tong cr.

Didto ra nako naalala na maagian man diay nako ang cottage atong mga bata ganina na nakaigo nako. Pero mayngani nakalagpos kog tarong. Wa guro ko nakit-an busy pud silag pangaon ug pangaligo.

Wa pa ko kaduol sa cr pero naa koy nasugatan na pamilyar na lalaki. Nihunong ko ug gihulat na maduol siya. Nitambol ug maayo akong hart. Yawa, katong igop sa bus. Ngano naa ni siya diri? Ug nganong igop kaayo siya? Nganong igop kaayo siya sa personal?

Muiwas na unta ko para mudagan paingon sa kuan...sa cr. Y*wa nilutang nako. Hapit nako wa kailang cr ohh...

"Ah, hi?" Ingon niya. Napapaak kos ngabil nako ug dali-dali na miingkit ug cake na gunit nako.

"K-Kaon?" Agda nako. Pero bisag ako nakalitan pud ngano naingon nako 'to.

Nikatawa lang siya, "..sige salamat."

"Ah diba ikaw 'tong baye dawng giingon sa'kong manghod?"

"H-Ha?"

"Katong galabay daw sa iyang tsinelas sa dagat. Nihilak man gud siya."

"A-Ah..."

"Ako nalay mangayo ug sorry. Ingon si Junry katong iyang kauban ba na nakablue ganina," katong katapad sa laking tag-iya sa tsinelas iyang gi-mean.

"Naigo daw ka nila sa tangkogo tapos pagkahuman niduol daw ka ug dayon gilabay ang tsinelas sa akong manghod, si Dennis."

"Mga buang man gud 'tong mga bataa. Nagdula wala kakita na naay tawo. Awa kasala na noon. Pasensya na diay kaayo sa akong manghod. Ah, ako diay si Ar-ar...Areon." Nabuhian nako akong cake. Saluon unta niya pero nibagsak nas balas na gitindugan namo.

Sige kog panglad-ok sa nahitabo karon. I can't believe this! Patay oi. Huhu, ngano naa mani sa akong atubangan karon kaning gwapoha ganina na naa sa bus. Pero unsa daw? Ar-ar? Areon iyang ngalan? Yawa kanindot ba. Mas ni-igop pa siya.

Yawa mag-unsa ko?

Naapa iyang kamot na makipag-hand shake daw. What should I do? Dawaton ba nako? P-Pero...u-ulaw!

Bag-o pa siya makaistoryag utro nagdali dali nakog talikod ug nidagan ko pabalik sa among cottage. Halos makuyapan ko sa kakulba. Di ko makahinga ug tarong sa kakusog sa pitik sa'kong dughan. Grabe, di ko expect yawa.

Siya lage 'tong naa sa bus ganina na gwapo kaayo. Pero? Wala ba ko niya naalala? Naalala unta ko niya. Nitutok siya nako diba?

Hayst, patay oi ulaw kaayo. Wa ko kabalo kung unsaon 'to ganina. Pagdagan nalang ang akong mahimo.

Akong cake pa gyud nahulog.

Kaihion man pud diay unta ko no? Yawa lage kaayo oi. Kakilig!