بعد سبوع رجعو من المزرعه و اللي يداومون رجعو لروتينهم المعتاد
الساعه ثلاث ونص و مهره بعدها نايمه فجاه الباب تبطل بالقو فزت
مهره : بسم الله غلوي ليش جي داخله ف معسكر نحنا خوفتيني
غلا : لا والله بس تعرفين الصبح تحشريني متى بترجعين اباج ف موضوع
مهره تلحفت: طلعي طلعي برع خليني اكمل رقادي بعدين بقولج
غلا سحبت اللحاف : ماشي الحين بتقولين يعني الحين بتقولين
مهره : اففف قولي حق ماما اني موافقه ع سهيل و قولي حق ريلج يقوله السالفه
غلا : حلفي انتي بس و ليش مب انتي تقولين
مهره : لاني استحي ف انتي قولي
غلا : منووووو يستحي انتي ؟ ماصدق
مهره : اوهوووو خلاص طلعي برقد
غلا : مالت عليج
و طلعت راحت الصاله شافت مايد و امها يالسين
غلا : بقولكم شي
مايد : شو
غلا : مهاري موافقه ع سهيل
ام مايد يببت
مايد : ليش ما يت هي تقول
غلا : اونها تستحي
مايد : أنا الحين بروح لها
ام مايد ؛ خلها اكيد نايمه لين الصبح واعيه
غلا : يلا أنا بروح
راحت غلا و مرت الايام و يا يوم خطبه مهره
مهره : الحين انزل على طول ولا اتريا ولا شوه
غلا : لا صبري يوم بزقرج تعالي
مهره : اوكي
نزلت غلا تحت و شوي يو اهل سهيل و دخلو ام سهيل و خواته الصاله و خوانه و أبوه الميلس و بعد الرسميات و جي بدو ام سهيل و ام مايد يسولفون وغلا تضيفهم
ام سهيل : غلا اكبر وحده
ام مايد : لا مايد عقب غلا عقب مهره و عقبها حمدان
ام سهيل : السموحه منج ام مايد يعني أنا سمعت سالفه من سهيل و ابغي اتأكد
ام مايد : قولي فديتج عادي
ام سهيل : سهيل يقولي ان شي جي كان في خربطه بين غلا و بنت ثانيه
ام مايد : السالفه ي ام سهيل ان أنا يوم ربيت مهره فالمستشفى بالغلط بدلو بينها و بين وديمه اللي حذال غلا و ما عرفنا إلا بعد 15 سنه و الحمدلله البنات تعايشن عادي وكلهم بناتي حتى امون الصغيره
