راحو دوام غلا و غلا خذت اجازه فتره و على طول قبلوها لانه مب دوم تأخذ وعقب راحو كوفي
مهره : يلا قولي
غلا : أنا ادري لو قلت لج ما بستفيد شي لانه بالنهايه انتي اخت هزاع بس ماقدر اسكت اكثر عن جي
مهره : غلوووي مب يعني انتي اختي و هزاع اخوي بوقف وياه لو هو غلطان والله يخسي أوقف وياه قولي شسالفه
غلا نزلت راسها : هزاع يخوني
مهره : هااااه هززاااااع
غلا : هيه هزاع من عقب ما ردينا من شهر العسل بفتره و هو كله يتاخر و دوم طالع و كل ما اساله يقولي فالدوام و فالدوام اي دوام هذا اللي طول اليوم إذا هو أصلا مب شفتات و غير جي هاك اليوم فونه كان يرن وهو فالحمام و فونه ما يسكت رحت شفت منو محطوط قلب وردي قلت يمكن انتي ولا امج يوم رديت عليها مهره لا صوووتج ولا صووت امج صوووت حرمه غريبه
مهره : مادري شقولج غلوي بس لااا تسكتين تكلمي لا تخلينه يخونج وانتي تعرفين و ساكته
غلا : ماااقدر ماقدر اتكلم بقوول حق منووو مهاري كلهممم ربع مابا افرق بينهمم
مهره : فكررري ف عمرج لو حملتي عقب تيبين ياهل و ما يشوف أبوه و يوم يكبر يعرف ان أبوه يخون أمه و أمه ساكته الحين انتي ف موقف لا تفكرين ف غيرج بس فكري ف عمرج و إذا ع احمد و حمدان هايل مستحيل جي يتفرقون عشان سالفه هم أصلا ما يخصهم فيها
غلا : مادري ماعرف شسوي
مهره : كلمي هزاع واجهيه لا تمين ساكته
غلا سكتت
مهره : إذا تميتي ساكته انتي بتتعبين طوول عمرج شوفي أنا شو ستوا فيني
يلسو شي و مهره حاولت تغير الموضوع و عقب راحو المول تمشو و تغدو و راحو بيت ام مايد شافو حمدان و مايد موجودين
حمدان : انتي ايههه تعالي تعالي ما نسيت حركه امس
مهره: بخاف منك يعني
حمدان : هيه عيل أنا تخليني اغسل صحون
غلا نقععععت ضحك
حمدان : جب انتي الثانيه ما يضحك
مايد : انتي وييين من فتره ما تين
غلا: كنت تعبانه
مايد وقف:سلامتج
العصر
ام مايد : غلوي انتي لين الحين يالسه ويانا اكيد ريلج رجع و يالس يدورج روحي له يمكن يبا شي
غلا: لا تحاتين بس الحين بيبدل و بيطلع ما ييلس فالبيت
ام مايد : متضاربه وياه
غلا: لا
ام مايد : عيل
غلا: مافي شي بس هالوقت هو يطلع
