مر اسبوع مرور الكرام وكلن عايش حياته بهدوء ، بهذي الفتره طلعت مايا من المستشفى للبيت وتقبل النايف واقع أن فواز متزوج باستثناء خليفة المعترض وغير متقبل لزواجه
\\\\\\\\\\\\\\\\\\\\\\
الظهر
بيت البارود
طلع من جناحه ونزل تحت ، شاف أمه واقفه والمبخرة بيدها تبخر الصالة
جاسم قبل راسها : ها يالغالية وش تسوين
أم جاسم بابتسامة : أبد يا عين امك .. قاعده انظف البيت
جاسم : الله يقويك
أم جاسم : أنت رايح وين
جاسم يعدل غترته : رايح بيت جدي .. عازمني على الغدا من الاسبوع اللي طاف بس تعذرت منه واليوم بروح له بعون الله
أم جاسم بتفهم : أي خير يا ابوي .. أنتبه على نفسك
جاسم : ابشري .. تبين شي على بدربي
أم جاسم مسحت على كتفه برفق : لا يا ابوي .. رح ربي يوفقك
طلع من الحي اللي ساكنه وماهي الا لحظات وصل للحي اللي يعيش فيه محمد
أخذ جواله بيتصل فيه وما هي الا ثواني ويتضح صوت محمد
جاسم : اطلع .. أنا برا
محمد بعجلة : زين هذاني طالع
دقيقة وجاء محمد وركب جنبه : السلام .. شلونك يالخوي
جاسم يحرك سيارته : بخير ما عليّ خلاف
محمد بسرعة : وقف يا رجال لا تروح
التفت عليه بعقدة حاجب : وش اللي ما اروح .. تنتظر أحد أنت
محمد : أنتظر العيال يطلعون .. باخذهم معي يتذابحون مع عيال عمانهم
جاسم : يا وجه استح .. بعقلك انت
قبل ما يتكلم محمد ، شافهم وهم جايين صوبهم و يتهاوشون ، ركب عبدالله الاول وراح جاسم وجنبه زياد و ورا محمد يزن ، حرك جاسم السيارة وهو مستغرب هدوئهم
جاسم عينه بالطريق : شلونكم يا عيال
يزن زياد : بخير
رفع نظره لـ المرايا وكبح ابتسامته على اشكالهم متنكدة
التفت على محمد بهمس : شفيهم عيالك منفسين
محمد بنبرة ساخرة وصوته وصل للي ورا : هم من متى مب منفسين .. قشرين مدري على من طالعين
تكلموا زياد ويزن بصوت واحد : طالعين عليك
محمد التفت على ورا يطللعهم بصدمة : على من قالت طالعين يا اسود الوجه أنت واخوك
ضحك عبدالله بأستمتاع : لأول مره اتفق معهم بذي النقطة
محمد بوعيد : لو اني مب بالسيارة توطيتكم
أنت تقرأ
يا زماني لا عاد تأسرني الدنيا قستني وقست سنيني
Poezjaتحكي عن بنت تهرب من ولد عمها إللي هو طليقها وتلتقي بالصدفة في بطلنا وتبدأ الأحداث التشويقية للكاتبة : شموخ الرواية سعودية
