Thirteen Pets

Chapter 8: Surprises

Leary's POV

"Ang boring." saad ko habang wala sa sariling pinaglalaruan ang pagkain na nasa harap ko ngayon.

"It is boring. Wala bang thrill 'tong paaralan na 'to?" pagsasang-ayon sa akin ni Yseult.

"Wow 'te, sa daming nangyari sa paaralan na 'to na-boring ka pa?" pagbibiro ni Kuro. Marihin lang siyang inirapan ni Yseult.

Hindi pa ako nakakasubo, inunahan na ako ng pakshet na tunog ng ring.

. . .

"Alright class, Good Morning. Isn't it too fast? Two months have already passed, are you ready for tomorrow?"

Yeah, two months... at ang daming nangyari, sobrang dami.

Like...

TWO MONTHS AGO

"Kasey is my sister." saad ni Lacey na ikinagulat naming lahat.

"PUTA?!" pagmumura ni Craeji.

"Pinakyuhan mo 'yon, 'di ba?" tanong ko habang ang kamay ko ay nakatakip sa aking bunganga.

"Oo, e kasi inirapan niya patalikod si Lacey pagkatapos niya humingi ng sorry. 'Sensiya na Lacey... hindi ko naman alam na kapatid mo pala 'yon." paghihingi ng pasensiya ni Craeji,

"It's alright."

Tangina, rivals since birth yarne? Jusko, Hindi na ako magugulat kung may iba pang tinatago 'tong mga 'to e.

At ayon... meron nga.

ONE MONTH AGO

"Madame Raven is my Mother, not biologically though."  pachill chill na pag sambit nito na akala mo'y wala lang ang kaniyang binanggit.

"What?! I didn't know that!" mabilis na pagtayo at pagsigaw ni Knox.

"Me neither! what the hell, Seht?!" giit naman ni Lacey.

"Oh, I forgot to tell you guys. My bad."

"What the fuck dude?!" pagmumura ni Knox na ikinagulat namin ulit.

Napahawak ako sa ulo ko.

Again, I was left speechless and the room was filled with words that you don't wanna hear—mga murang malulutong.

Nalaman din namin ang alitan ni Knox at Madame Raven, maayos naman silang nag-usap ni Seht. Sinabihan din kami ni Seht na huwag ipagkalat ito sa kahit kanino.

At akala ko hanggang doon lang 'yon...

. . .

"Guys! May crush si Knox!" sigaw ni Lacey habang mabilis na tumakbo papuntang sofa kung saan ay nakaupo kami. Sa likod naman nito ay si Knox na namumula ang pisngi na humahabol.

"Really? Who who?"

"May crush itay natin?"

"HAHAHAHAHAHAHA!"

"Luh, anong tinatawa mo riyan? May alam ka Craeji, 'no?"

"Wala ah, si Knox kasi namumula yung pisngi HAHAHAHA!"

"Here, here! Guys!" excited na umupo si Lacey at ipinakita sa amin ang Cellphone na hawak hawak niya.

Nalito naman kami dahil nakapatay ito, napansin niya naman ang nakukuryos na mukha namin at tinignan ang hinahawakan niyang gadyet.

Mabilis na kinuha ni Knox ang cellphone.

"Wala nga e, kulit!" ani ni Knox sabay tumungo papuntang kuwarto niya. Malakas naman kaming nagtawanan.

"Me rin guys may crush!" sigaw naman ni Kaya.

"You told us so many times Kaya, we know na!"

"Oo na 'te, crush mo na yung Supreme student na 'yon. Ano nga ulit pangalan non?"

"Archilles Linox."

"Edi wow!" inis si Kaya e.

Oo, Supreme student si Archilles. ang crush ni Kaya. Rank 5.

Nalaman lang namin ito noong narinig ni Seht ang paulit ulit na kuwento ni Kaya tungkol sa crush na si Archilles. Nang marinig iyon ni Kaya mas lalo itong kinilig.

Nako, naloko na.

PRESENT

'Di ba? Ang daming plot twists.

Mahal na mahal ko ang mga kaibigan ko, kahit mga siraulo 'to.