لا تحاول فك رموزي وتفسير غموضي

part2

بعد يوم طويل من العمل في المقر والبحث والتخفي قام الجميع بالذهاب لبيته
ما بقى في المقر سوى بطلتنا وأبوها ذئب كانت الساعه 10م
كانت جالسه على الكنبه وأبوها جالس بجانبها
قالت بهدوء : وش قال لك AFJلما اتصل عليك؟
ذئب:استفسر عن مهمه رقم 121 (مهمه المفتاح).
قالت: طيب بنترك المفتاح معانا إلى متى؟
ذئب:بنهددهم فيه وبناخذ احد رجالهم رهان وبنحاول نكتشف اي شي عنهم
قالت: ومتى بنسوي هذا كله؟
ذئب بابتسامه:وانتي ليه متحمسه كل هالحماس؟
ضحكت بهدوء وقالت: طبعاً بتحمس انا نا اصدق على الله متى امسك شي عليهم عشان نقرظهم
ضحك وقال بشرود:صعب صعب وجدا بعد مو بسهوله بنقدر فيهم بنتعب كثير لاكن باذن الله بنقدر عليهم حتى ولو كان صعب ومتعب
قالت بتأييد وحماس : طبعاً احنا ما بنستسلم لهم ابدأ مهما كلف الأمر
ذئب:ادري بك حتى لو متت انتي بتكملين اللي بديت فيه 
ردت بثقه طاغيه : طبعاً لا تخاف وان شاء الله عمرك طويل
ذئب:الحين تاخر الوقت قومي نامي لان بكره ما تدرين يمكن يجينا مهمه أو شغل
ردت :اوك وانت بعد نام
قام وقال: تمام قومي
قاموا ودخلوا كل واحد غرفته ونام ذئب
اما هي لبست لها شي مريح وانسدحت على السرير وبدت تفكر *يا ترى هذه السنه وين بدرسها مش معقول بدرس هنا لان اخر ترمين درستهم هنا اكيد بننقل...اوك عادي اصلا باقي اسبوعين من الدراسه يعني باقي وقت طويل*
(ملاحظه: اذا حطيت ذي النجمه** معناها تفكر وتتكلم مع نفسها اوك ؟ واذا حطيت ذول الاقواس () معناها انا اللي اتكلم يعني الكاتبه)

نامت وهي تفكر كالعاده......

ثاني يوم صحت الصباح وأخذت لها شور وفطرت وجلست تشتغل على اللاب وجا فريق العمل واشتغلوا كان شغلهم عباره عن تعقب ومراقبه الأعداء خوف من أنهم يهجمون عليهم أو أنهم يرسلون شي مثل الممنوعات
طبعاً كل فريق العمل سعوديين أو أكبرهم لاكن فيه الأجانب اللي معهم ويساعدونهم وبعض الرجال أيضاً اللي ينفذون المهمات.......
صار الوقت بعد العشاء والكل غادر المقر الا بطلتنا وذئب لأنهم ساكنين فيه
كانت ماسكه اللاب وانامل أصابعها تتحرك بين مفاتيح الكمبيوتر بسرعه خياليه وكان كل تركيزها على شاشه اللاب جلس ذئب بالكنبه المقابله لها ينتظرها تكمل شغلها عشان يفتح معها موضوع اول ما خلصت قفلت اللاب وتنهدت وقالت: اووووف واخيرا ..ناظرت ابوها.. وقالت: اسفه يبه ما اقدر اترك الشغل الحين والا ما كان خليتك تنتظرني
ذئب بحنيه:لا عادي انا لو انتظرك عمري كله ما عندي مشكله
ردت بابتسامه:يابعد قلبي يا يبه ...هاه وش كنت بتقول؟اكيد إن عندك موضوع مهم دامك انتظرت ذي المده
ذئب:اي عندي موضوع مهم
ردت بهدوء:خير اللهم اجعله خير.
ذئب:بنروح السعوديه
ارتخت ملامح وجهها بعد ما كانت مشدوده
وقالت:هذا الموضوع المهم ؟!
رد ذئب:لا مو كل الموضوع كذا ... احتمال اتركك هناك وارجع
ناظرته بصدمممه وقالت :يبه انت من جدك؟
اكيد تمزح
رد بهدوء :لا والله ما امزح وترا باقي صدمه ثانيه
ردت : وشو بعد اصدم عيشتي
ذئب بهدوء وترقب لرده فعلها: بتدرسين هذه السنه بمدرسه عيااال!
بققت عيونها على الاخر بصدمه هي صح دائما تتنكر ك ولد بس ولا مره درست في مدرسه عيال دائما تدرس مدرسه بنات و المشكله ان ابوها الي طلب كذا
قالت ولازلت مصدومه:يبه تمزح صح من جدك انت يبه اول شي بنرجع السعوديه وثاني شي بتتركني لحالي وثالث شي والاعظم بدرس بمدرسه عيال وش ذا مو مصدقه ذا كله
رد بهدوء: يا بنتي يا بنتي انا اضمن لك هناك الامان بعدين اذا حبيتي كبنت ما تضمنين نفسك وعيال الحرام كثار في كل مكان عشان كذا انتي تقدرين تتنكرين وتكملين دراستك انا ادري انك قدها
قالت :طيب ليه ما ادرس هنا واشتغل معكم هنا ليه ارجع السعوديه ؟
قال بهدوء: المافيا شكت فيك وامس رسلوا عده صور لك وانتي في مقرهم وهم شاكين فيك انك معنا وقريبا بيكتشفونك عشان كذا لازم ترجعين السعوديه....
قام طلع ظرف فيه عده صور التقطتها الكاميرا
وقال: ارسلوهم لنا وهددونا كأنهم يدرون انك منا وانك جاسوسه عليهم هذا وهم ما يدرون انك انتي اللي دمرتي مقرهم وقتلتي الكثير من رجالهم
هزت راسها باوكي وهي ساكته ما تدري وش تقول لأنها إذا جلست ورفضت السفر للسعوديه بتشكل خطر على نفسها وعلى طاقم العمل اللي معها
قالت بهدوء:خلاص مالنا الا هذا الحل...بس كيف بعيش وانت مو معي وكيف بعيش مع اولاد؟
ضحك وقال:ما انتي اصلا طول عمرك مع اولاد وبعدين انا بكلمك يومياً بتطمن عليك وبرسلك بعض الاشياء اللي تقدرين تحلينها وانتي هناك
قالت :خلاص تمام يصير خير إن شاء الله
قال :قومي جهزي شنطتك لان بكره رحلتنا
قالت بصدمه:بعععد بكره بنسافر؟
ضحك على شكلها وقال:اي بكره عشان ندور بيت هناك وبعد اسجلك في المدرسه ناسيه أن باقي أقل من أسبوعين من المدرسه وبعد بنشتري لم اغراض جديده ذي أغراضك ما تنفع هناك
ردت باستغراب :ليه ما تنفع؟
رد:هذه الملابس اذا احد شافك فيها والله إن يهربون منك وينفرون ...شايفه ملابسك كيف كأنها ملابس عصابه
ضحكت وقالت : ولا يهمك بنشتري ثواب وشماغ وغتر اهم شي ترضى
ضحك وقال:كفو والله ابني رعد ... والحين قوم جهز شنطتك ونام بدري عشان تصحى بدري
قالت:متى الرحله
قال: ساعه ٩ الصباح
قامت وقالت اوك
راحت غرفتها تجهز شنطتها اللي نص ملابسها اصلا في الشنط لانها دائما تسافر. فكانت ما تستخدمها كلها
بعد نا اخذت كل شي يخصها انسدحت بتعب ونامت بسرعه
اما عند ذئب اجرا مكالمه سريعه ونام على طول
ا

وك بوقف هنا وبكره بكمل
لا تنسون التصويت والتعليق ودمتم في امان الله ورعايته