لا تحاول فك رموزي وتفسير غموضي

part 5

شوي وحست احد حجب عليها الشمس رفعت راسها شافت شخص واقف أمامها طويل القامه حنطي البشره شعره اسود وكثيف نازل على جبينه تعطيه عمر 19لابس لبس رياضه ابيض واسود وحاط السماعات الكبار على رقبته وحاط يداته في جيوب بلوفره
وعليه ابتسامه خفيفه حلوه
نطق وقال:سلام
قالت بهدوء: وعليكم السلام
قال :عادي اجلس معك
قالت بهدوء:تفضل
قال بشويه مرح:بكون صريح معاك هاذي الحديقه ماحد يجيها الا أصحاب هاذي الحي
وانت اول مره اشوفك كلنا نعرف بعض بس انت من وين؟
ردت بهدوء:انا من هذا الحي
قال باستغراب :طيب وين بيتكم ؟
لفت وراها واشرت على بيتهم كان بعيد شوي يعني مو باين كله
رد بحماس:اهاااا انتم جيرانا الجدد ؟تخيل من خمس سنوات ماحد سكن جديد في حينا
لاكن الاسبوع الماضي سافروا جيراننا اللي قبلكم في البيت هم من الكويت رجعوا أرضهم
أومت برأسها وهي ما تدري وش تقول
قال باحراج :اي صح نسيت ما اعرف عن نفسي انا اسمي نياف نياف ال............. وانت ايش اسمك
ردت بهدوء:اسمي رعد ال..............
نياف: تشرفت يا رعد
رعد بهدوء:لي الشرف
طول الوقت وهي تتكلم ما رفعت نظرها تناظر تحت بس
نياف:انت كم عمرك ؟
رعد :١٧
نياف: ما شاء الله العمر كله بس تصدق عطيتك١٤ ١٣
ابتسمت بدون ما ترفع راسها
وقالت بهدوء:وانت؟
ابتسم نياف وأخيرا تكلم وقال:كم تعطيني؟
رفعت راسها تناظره بس عيونها مو باينه وقالت: ١٩؟
نياف :صح عليك كيف عرفت ؟
رعد بابتسامه للشخص المرح اللي قدامها:كذا خمنت
ابتسم من ابتسامتها اللي تجذب
قال نياف:طيب يا رعد تدرس صف كم؟
رعد:ثالث ثانوي
قال نياف : بالله ؟نفسي انا في ثالث ثانوي
ناظرته باستغراب
تكلم قبل لا تتكلم:اي انا ما درست بدري وانا صغير عشان كذا صرت متأخر
طيب انت في أي مدرسه
رعد :في المدرسه القريبه من الحي اسمه مدرسه .............الاهليه العالميه
أنصدم نياف وقال:نفسي يعني انت تدرس في نفس مدرستي الله وناسه
ابتسمت من حماسه وسكتت
نياف : طيب يا رعد عادي تدخل شلتي
تردتت وصارت تناظر الأرض يمين ويسار
ما تدري تقوله وش لانه شافته انسان طيب ومرح ما حبت تكسر خاطره قالت:اااءءء انا
نياف بسرعه:ترا والله بتستانس معانا وبتفلها واخوياي بعد بيستانسون
رعد بابتسامه:خلاص اوك
فرح وقال:خلاص اجل متى ما جات الفرصه المناسبه بعرفك عليهم حنا كلنا 5 وانت السادس في الشله
ابتسمت وسكتت
شوي قامت ونطقت :انا بروح البيت تاخرت
قام معاها وقال : وانا بعد برجع خل نروح مع بعض
هزت راسها ومشيوا مع بعض لين وصلوا عند بيتها وقفت وقالت: هذا بيتي ...تفضل
نياف :زاد فضلك مره أن شاء الله الحين بروح البيت وأشر على بيتهم وقال:هذاك بيتنا لا احتجت شي بتلقاني هناك (كان بيتهم في الاتجاه المقابل لبيت رعد يعني مقابل بيت رعد بيت وبجانب البيت بيتين وبعدها بيت نياف »»اتمنى فهمتم(: )
نياف:الا كم رقمك خليني اسجله عندي ؟
رعد :**********
سجل رقمها ومشى لوح بيده لها وقال: مع السلامه
رعد:مع السلامه
ودخلت البيت وقفات الباب بإحكام بعدها ودخلت على طول للمطبخ شربت لها مويه
ناظرت الاغراض الموجوده ما تدري وش تسوي غدا لنفسها قررت انها تطلب من المطعم
طلعت فوق لغرفتها تروشت وصلت الظهر
الي توه إذن وطلبت من المطعم شوي وجاها اتصال ناظرت الرقم شافته غريب ردت وقالت:الو مين معي ؟
...........:هلا انا نياف..... وقال بمزح ...لايكون نسيتني
ضحكت بهدوء:لا شدعوه
نياف :أجل اخلص ترا انا تحت بيتكم
قالت باستغراب:ليه في شي؟
نياف :وشو ما ودك تروح المسجد تصلي
ضربت جبينها بورطه وقالت:اااءء
نياف:اخلص انت بتكون معي لا تستحي ولا تتعذر يلا بسرعه الصلاه لتقوم
قالت:,خلاص جاي
قفلت منه وناظرت نفسها بالمرايه شافت نفسها لابسه تيشيرت ابيض وبنطلون زيتي
ركضت للدولاب وطلعت لها ثوب ابيض رجالي (وش بيكون يعني🌚)
ولبست سروال وفنيله والثوب وتلثمت بالشماغ وطبعا حطتت العقال ولبست الجزمات (الله يكرمكم) وتعطرت بعطر رجالي فخم ونزلت وبيدها الساعه والجوال والمفاتيح نزلت ركض اول ما وصلت للباب مشت بهدوء فتحت الباب حطت الجوال بجيب الثوب نزلت لقته واقف ومتكتف انحرجت لأنها تاخرت ونظراته تحكي كأنه يقول كان ما جيت احسن قفلت الباب وراها بالمفتاح وحطتت المفتاح بجيب الثوب وبيدها الساعه توها ما لبستها
وكل هذا تحت استغراب نياف لان ماله داعي يقفل الباب (على باله أن عنده أهل ساكنين في البيت)
نياف :,ليه قفلت بالمفتاح ؟!
ناظرته وهي تلبس الساعه وقالت:وليه ما اقفله؟
نياف :احس ماله داعي وهلك موجودين
رعد: من قال ؟
نياف:مو انت ساكن أنت وأهلك ؟
ابتسمت بغبنه تحت الشماغ من كلمه (اهلك)قالت:انا اهلي مو هنا اهلي في ديره
ثانيه
نياف:اها احسبهم عندك ما شاء الله بيتكم كبير ما توقعت انك لوحدك ساكن
رعد بكذب:لا هم بيجون بعد فتره لما يضبطون أوضاعهم
سكت نياف ما حب يزعجه بالأسئلة
قال نياف بحماس:بعد شوي بعرفك على ثلاثه من اخوياي
ابتسمت من حماسه
وصلوا المسجد توترت لان كل الأنظار عليها لأنها جديده وغريبه شوي بياض ناصع وعيونها غريبه لونها شوي (لون عيونها كحلي غامق مثل التوت البري) ووساع دائريات برموش كثيفه
قصير القامه ونحيف وباين أطراف شعرها تحت أذنها من وراء
والناس ناظروها شوي وخلاص الكل انشغل في نفسه واللي لازال يناظر
توجهو للصفوف الاماميه صلوا وهي أساساً صلت وانتهت بس خافت أحد يشك وهي مو ناقصه من اول يوم
اول ما خلصوا الصلاه قاموا توجهوا لخارج المسجد هو يمشي وهي تمشي معه نا تدري وين مشوا لمكان تحت الشجر ناظرته وقالت:الحين وش نسوي ؟
ابتسم وهو يناظر وراها وقال:ننتظر اللي وراك
لفت وراها شافت شابين جايين باتجاههم  كانوا كذا مدرعمين اول ما وصلوا وقفوا كأنهم مسكوا بريك
قالو مع بعض:سلامو
ردو نياف ورعد السلام
قال١:لا تقول يا نياف أن ذا هو خوينا الجديد ؟قال٢:يا خبل اكيد هو ما تشوفه كيوت كذا ونفس المواصفات
قال نياف باحراج :الله يفشلكم كذا اول لقا بينكم انتم والولد خلوكم ذوق شوي
رعد باستغراب ناظرت نياف:امداك تعلمهم وتوصفني ...ضحكت بهدوء من وجهه المنحرج وكملت.....عسا وصفك خير بس ما سبيتني!
ضحك باحراج: وقال لا خير خير لا تخاف.....
وناظرهم ...هذا سعود وهذا نواف (١» سعود ٢»نواف)
نواف:هلا كيفك
رعد :بخير الحمد لله
سعود :أرحب تشرفنا فيك يا رعد
رعد ضحكت بهدوء يلا يلا تطلع ضحكتها وناظرت نياف وقالت:حتى اسمي؟
نياف : هههههههههههه اي
سعود :تصدق يا رعد أن آخر واحد دخلناه شلتنا ذا التيس اللي قدامك؟.....وأشر على نواف....
نواف ناظره بطرف عين:اذا انا تيس أجل انت وش ؟خروف
نياف حط يده ع وجهه باحراج ورعد بس تضحك بدون احد يسمعها تحت الشماغ.
سعود كمل:دخل الشله وكنا ندرس في ثاني متوسط يعني من أكثر من أربع سنوات ما دخلنا أحد
رعد ناضرت نياف وقالت:أجل ليه دخلتني انا بذات؟
نياف بابتسامه:عشانك انت مختلف
ابتسمت وسكتت وهم أنظارهم على عيونها بس اللي تسحر الواحد
مشوا كلهم مع بعض نطق نياف:باقي ثلاثه اثنين  بتشوفهم اول يوم دراسه لانهم مسافرين وواحد بكره لانه بيجي من السفر بكره
همهمت كاجابه اول ما وصلو بيت رعد كان اول واحد بطريقهم شافوا مندوب المطعم وقف عند الباب راحت له وأخذت الاكل وحاسبت راح المندوب ناظرتهم شافتهم واقفين يناظرون نياف وجهه معفوس وسعود ونواف كأنهم مستغربين
قالت :,تفضلوا ادخلوا تغدوا معاي
ردو بردود مختلفه:زاد فضلك .. تسلم... مشكور
لوحت بيدها وقالت :اشوفكم على خير مع السلامه وتشرفت فيكم
وفتحت الباب ودخلت وسكرت الباب اول ما شافتهم مشوا
نواف:غريبه جايب له غدا لحاله
نياف تنهد وقال:لا غريبه ولا شي الموضوع.....وقالهم إن ما عنده أحد وأنه قالهم كلام غلط في البدايه

بوقف هنا وبكره بكمل وترا بارت بكره مره حماس واكشن راح يكون أول دخولها للمدرسه في البارت الجاي
رايكم بالبارت وعلقوا وصوتوا
مع السلامه دمتم في رعاية الله وحفظه