لا تحاول فك رموزي وتفسير غموضي

part 11

السلام عليكم
لا تلهيكم الروايه عن الصلاه
صلوا على رسول الله
يلا نبدا (:

سالم واقف والا زال مصدوم
راكان: هههههههههههه تحسب ما اقدر اجيبك يا كللللبب ؟هاه تكلم وين لسانك اللي تسب في هاه
سالم:كيف عرفت؟

راكان:وانت تحسب انك تقدر تنخفي علي مثلاً
انت تقدر تتخبى من اي احد الا انا
سكتت منك كثير خوف من أن تحصل مجزره بين قبايلنا ويحصل ثار كنت متغاضى لاكن خلاص صبري قضى
الحين اللححيين أبيك تطلع سيف...وصرخ ...يلاااا
سالم خاف شوي خايف أن راكان يتهور ويضربه بالمسدس
سالم يصرخ على رجاله:ااا روحوا جيبوا سيف بسرعه.
احد رجاله:طال عمرك يعني نسلمه إياه وخلاص ؟انت قول لنا ايش نسوي
راكان:جرب بس تخلي أحد رجالك يقرب لنا والله إن ماعاد يهمني شي حتى لو آخرها سجون وقصاص انا بائع الحياه وانت أحسك غثيتني يعني لو اقتلك هنا ما بيهز لي شعره
سالم اللي فعلا خاف ويكلم رجاله :لااا لا تسوون شي ..وانت يا راكان ترا والله اذا اذيتني اهلي ما بيخلونكم اا........
قاطعه راكان:اقول اسكت اسكت بس ولا تقعد تبربر علي انت لو انك واثق بأهلك ماكان خفت الحين ويلا طلع سيف لا اطلع الرصاصه على راسك

عند«سيف»
كان جالس يفكر وهو واثق في راكان
شوي ودخل عليه اثنين من الرجال فكو الحبال بدون ولا كلمه
سيف:هييه يا كلاب وين ما خذيني انتم
الرجال ما نطقو ولا كلمه
مسكوه من أكتافه واخذوه لبرا وهو يصرخ عليهم لانه ما توقع أن راكان وصل بذي السرعه
سيف بصراخ:انتم ما تسمعون وين ما خذيني ياا......ما كمل جملته الا وشاف راكان قدامه
سيف مبتسم بصدمه: راكان ؟
راكان:ما قلت لك احتزم؟
سيف:وربي كفو يا ولد العم جعلني فداك
راكان ناضر سالم : سالمووه وووجع جعلك ما تسلم من جهنم خلهم يجيبون سيف وبدون بلا حركه .....ويكلم الرجال.....وانتم اي حركه والله إني لافرغ المسدس في راس ذا الخسيس
سالم الي مقهور من كلام راكان وفي نفس الوقت خايف:لا تسوون شي بنشوف وش النهايه
راكان:هههه تحسب ذي النهايه؟!
اتركوا سيف يلا
تركوا سيف وهو توجه لهم
وراكان لا زال ماسك سالم
راكان توجه للسياره سياره سالم ولا زال ماسك سالم والسلاح مصوب عليه ركبو سياره سالم راكان قدام يسوق وسيف ركب سالم ورا وجلس معه ماسكه عشان ما يسوي حركات اطفال على قولة راكان
اخذ المفتاح من سالم وحرك وهو يناظر الرجال يشوف تحركاتهم حرك السياره بسررعه ومشى من المكان لسيارته
سيف:وربي كفو يا راكان بس بصراحه ما توقعتك بذي السرعه المكان مره بعيد
راكان: افا والله انا لو تبيني أجيك حتى لو كوكب ثاني وربي لاجيك مو انا اترك ولد عمي
سيف بفخر :انشهد بالله انك المحزم المليان جعل عيني ما تبكيك
ابتسم راكان وقال:الا اشلون اخذك الحيوان ذا؟
سيف ناضر سالم وهو مبتسم باستفزاز: ابد هو درى من طريق واحد بالصدفه على أساس اني بكشت بالبر وقطعني بنص الطريق بس انا كنت متطمن وواثق ولا خفت ولا شي ادري انك اذا عرفت أو حتى شكيت ما بتتركني بس قلت إذا ما درى ايش اسوي
راكان:لا ما عليك خلك دائماً واثق ومتطمن
الا ماحد من اهلك يدري صح؟
سيف ؛لا وهذا اللي عاجبني
راكان: اي احسن

طبعاً سالم جالس كأنه مزهرية خايف يقول كلمه ويتكفخ .
وصلوا لسياره راكان نزلوا وركبوا سيارته وتركوا سياره سالم وهو طبعاً سكت

حركوا السياره ومشو للمدينه
راكان :هاه وش تبينا نسوي بذا؟
سيف:ما عليك عندي
سالم: هيه لا تسوون فيني شي سلامات
سيف متنرفز منه:أقول اسكت بس قال ايش قال لا تسوون فيني شي احمد ربك أن راكان للحين ما قتلك
راكان:وش ودك تسوي فيه؟
سيف:ودي انك توقف الحين ا
وانزل انا وياه واكفخه وأخذ حقي وابرد حرتي وبعدين نتركه يخيس هنا ونروح
راكان ضحك من خبث سيف، وان سالم طاح في خبث سيف ..أخبث شخص في العائله لاكن مو أشد خبث من راكان
راكان: هههههههههههه وربي كفو اسمع انا بوقف وانت كفخه وانا بعدك وبعدين بنتركه يلا
سيف : اوك
وقف راكان ونزل سيف وسالم كان خااايف مره لانه خلاص حس أن موته قرب ....................

بوقف هنا
هذا بارت تصبيري على ما اكتب البارت الجاي والله البارت هذا من زمان كتبته ولا نزلته لانه مره مره صغير وبعدين قلت خلاص بنزله والجاي بيكون اطول وافضل من هذا بكثير

بصراحه صارت لي ضروف وما قدرت اكمل
اعذروني
مع السلامه دمتم في حفظ الرحمن ورعايته

وع فكره تخمينكم لاسم البطله كلها خطأ 😂