لا تحاول فك رموزي وتفسير غموضي

part 15

السلام عليكم
سوري على التاخير بس والله مو بيدي

ما بطول عليكم ويلا اربطوا الاحزمه لننطلق بالبارت الحماسي هذا وووووو
يلا نبدا (:

عند نياف ورعد الي توهم وصلوا للسوبر ماركت ياخذون الاغراض حقت الاكل
نياف كان قدام تخشيبه كبيره فيها مكونات الطبخ
ورعد وراه معها السله أو العربيه
نياف مشغول في اختيار البهارات فكان يكلم رعد وهو يناضر العلبه
نياف؛رعد!وش رايك أخذ هذا والا هذا احس احترت
رعد بطفش لأنها ما لها في أمور الطبخ:ياخي نياف اي شي جبه لو تراب المهم نروح وترا كل الشله مشافيح ما يهمهم الا انهم ياكلون
نياف التفت يبي يقولها وش اختار:شكلي باخ......
ما كمل جملته وهو مبقق عيونه
كانت رعد راكبه في وسط السله وجالسه بطفش
نياف مصدوم:رعععد وجع وش تسوي بالسله انزل تراك فشلتنا
رعد بتحلطم:ياخي نياف والله تعبت من المشي وطفشت
نياف: رعد انزل ترا الناس قاعده تطالعك
رعد: عادي بيعقتدون اني طفل
نياف ابتسم: والله من ذي الناحيه صح كلامك بس فشله تراك كبير عاقل مو بزر
رعد:ياخي مالك دخل فيني ويلا خل ناخذ الاغراض ونروح البر تراي مره تعبت
نياف :يلا يلا بس وش نسوي فيك
رعد مبتسمه ابتسامه عريييضه
نياف اختفت ابتسامته:وش فيك تبتسم كذا؟
رعد لا زالت راصه أسنانها ومبتسمه وترمش بعيونها وهي مميله راسها
نياف رفع حاجب:وش عندك صاف اللولو كنك في دعايه سن سودان
رعد تمطت كلامها:نياااااف مو انا خويييك
نياف:اي
رعد:تكفى خل نفحط بالسله
نياف بقق عيونه وقال:يا ويلي ويلاه حنا يللله متحملين راكان اللي يعشق التفحيط والحين صاروا اثنين
رعد:يلا نياف امانه امانه يلا
وقامت جلست كذا على ركبتها وتمسكت بحافه السله تستعد للتفحيط
أما نياف شاف أنها مافي فايده هز رأسه بيأس وناضر يمين ويسار شاف ان مافي احد
لف شماغه وتلثم ودععسسس صار يفحط وهي تحاول ما ترفع صوتها بالضحك وهي مرره مستانسه
بعدين كملوا تسويق ورعد لا زالت في السله وصارت كل الاغراض فوقها
وصلوا للكاشير وهو استلطف حركاتها ويبتسم عليها شكلها حلو وطفولي
اخذوا الاغراض وركبوا السياره وانطلقوا للبر
دق جوال نياف وشاف الإسم (ركني الثابت الذي لا يميل) رد عليه:هلاا راكان أرحب
راكان:هلابك هاه يا ولد وينكم
نياف:تونا مشينا من السوبر ماركت وانتم؟
راكان:حنا مشينا من زمان شوي و نوصل
والعيال الباقيين في الطريق مشيوا من زمان
نياف:خلاص تمام انتم ضبطوا كل شي والخيام على ما نجي
راكان:تمام يلا مع السلامه
نياف ؛مع السلامه. وقفل منه
رعد :وش قال ؟
نياف:راكان وسعود شوي يوصلون والعيال قد مشوا قبلنا وحنا اخر احد
رعد: طيب كم مده الطريق ؟
نياف:ساعه ونص تقريبا
رعد اها اوك
ومشوا متجهين البر في المكان اللي هم حددوه

اول ما دخلوا للبر
ووصلوا للمكان كانوا يشوفون العيال من بعيييد
رعد:ذوليك هم؟
نياف:اي هم هاذي سياره راكان وهاذي سياره ياسر وهاذي سياره سلمان
رعد : نياف تكفى اول ما نقرب منهم فححط ابغى اعيش الجو
نياف:كيف ما فهمت وبعدين انت ما شبعت من تفحيط السوق
رعد : لا وانت ما عليك اول ما نقرب اسرع وبس
نياف سكت يبي يشوف وش آخرها