لا تحاول فك رموزي وتفسير غموضي

part 9

السلام عليكم
لا تلهيكم الروايه عن الصلاه
صلوا على رسول الله
يلا نبدا (:
وصل راكان للمدرسه ودخل بدون احد يشوفه من ورا المدرسه لانه متعود وجلس يمشي بدون هدف ناضر ساعته شافها 12:15
الشمس كانت قويه شوي مشى للساحه وبقق عيونه لانه شاف عبد الله صديقهم من مجلس الطلبه مع رعد ولا يسولف ويبتسم معه
راح مسرع لهم ووصل وقال:رعدوه ووجع أجل خربت خويي علي والحين تسوي نفسك مو مسوي شي
ناظروه الاثنين باستغراب وقال عبد الله:
رعد انتم تعرفون بعض ؟
راكان:نا وإياه في سكن واحد وهو من اول ما جاء وهو رافع خشمه ومو شايف أحد حتى نياف غيره علي
عبد الله ابتسم:تقصد رعد؟لا بالعكس انسان طيب وش صار ووش سوى هو ؟
راكان :مو وقت الكلام الحين .....وناضر رعد.....
وانت يا بو حبه وربع وربي لا ما توخر عني انا والعيال والله ما تشوف خير يا الخكري
عبد الله عقد حواجبه باستغراب وعصبيه: راكان
وش هالكلام وش سوى هو ....ناضر رعد ....
وانت ليه ساكت؟. عيب يا راكان تقول ذا الكلام ما يصير من متى وانت كذا ؟
كان عبدالله يتكلم. هو منفعل
راكان انقهر زياده:حتى انت يا عبد الله غيرك علي حتى انت تهاوشني عشان خكري ؟
عبد الله صرخ بشويش: راكان اقصر الشر وش ذا الكلام عيييب
رعد قطعت حديثهم وقالت:بس خلاص
قربت من راكان وصارت أمامه مباشره وعيونها في عيونه:اوك اذا ما تبيني اكلم أحد من اخوياك عادي اقصر الشر وخلاص والعيال ما بقرب منهم
عطته ضهرها وقبل لا تمشي عطته نضره غريبه ومشت بهدوء
عبدالله:شفت أنه مو وجه مشاكل وكيف موادب مو مثلك غلطت عليه ولا قالك شي
والتفت عنه ومشى
وراكان لا زال واقف مصدوم من الثاني عبد الله ولازال مستغرب من نضرت رعد
مشى وهو مو حاس على نفسه إلى السكن وطلع الشقه دخل لقى نواف وياسر وسعود وسلمان
جالسين اول ما شافوه طفو الي معهم وناظروه دخل وقف شوي بعدين مشى وتكلم:سوو لكم غدا ونادوا نياف لا تخلونه بلا غدا وتغدوا ولا تصحوني ما ابي شي
وصل للغرفه واردف : وخذوا راحتكم في الشقه
ودخل الغرفه رمى نفسه على السرير بدون لا يبدل ملابسه حتى ونام
اما العيال ما استغربوا من حالته لانهم متعودين
نواف؛واحد منكم يساعدني نسوي الغدا واثنين ينادون نياف ورعد
سلمان :ما تحسون إن راكان بيعصب علينا ذا نادينا رعد؟
سعود:أجل نخليه وما نناديه؟عيب الرجال توه متعرف علينا وحنا تسحب عليه
ياسر:اي صح كلام سعود أجل انا بدوره وسلمان ينادي نياف تلقاه في شقته ونواف وسعود يجهزون الغدا
سلمان:انا نا قلت شي اكيد بنناديه بس اقصد أن راكان بيعصب علينا لانه مو طايقه ما ادري ع وش
نواف:بكيفهم.....بيتعود راكان عليه لأنه في النهاية شريكه في السكن...وانتم يلا كل واحد على شغلته
تفرقوا نواف وسعود مع بعض وسلمان وياسر توجهوا لخارج الشقه سلمان توجه لشقه نياف وياسر توجه يدور رعد خارج السكن راح للساحه وهو يناضر في كل مكان وجلس يمشي ويدور

عند «رعد»
كانت جالسه في اخر الحديقه لوحدها والكل يناضرها باستغراب ليه جالسه لوحدها كانوا قليل طلاب لان اخر الحديقه مافي كثير ناس