لا تحاول فك رموزي وتفسير غموضي

part 7

السلام عليكم
لا تلهيكم الروايه عن الصلاه
صلوا على رسول الله
يلا نبدا (:
(ملاحظه:انا قد قلت لكم في أحد البارتات السابقه إن شله نياف خمسه ورعد السادسه
انا غلتط شله نياف سته ورعد السابعه
وفي هذا البارت بتتعرف على اخر واحد من الشله)
نياف بصراخ اقوى:سلموا على بعض
ارتعبوا شوي وسلموا على بعض كل واحد من راس خشمه
شوي ودخل عليها نواف وسلمان وسعود دخلوا مدرعمين اول ما شافوا راكان ركضوا سلموا عليه وكل واحد هو اللي يبي يسلم الاول
بعد ما سلموا
راكان ناظر نياف وقال: ذولا (اشر على سلمان وسعود ونواف) للحين ما اعقلوا؟
نياف بيأس: شوفه عينك ولا يمكن اصلا
نواف:شف من يتكلم بس تراك غبت اسبوعين عننا بس اللي يسمعك يقول سنه كامله
سعود:مسوي فيها العاقل نسينا ايام الاندومي تحت السرير
راكان بقق عيونه وقال:ورع بتسكت والا اسكتك بطريقتي؟
رعد ناظرت نياف وقالت:الحين وش نسوي
سلمان:اييي صح نسيت ما اقولكم بعد شوي كل المدرسه بتصف طابور وبيرتبونا
الشباب:اوك
نياف ناظر راكان وقال:بتنزل كذا والا بتبدل ؟
راكان:لا بجلس كذا ملابسي تمام
كان لابس تيشيرت لون بيج وبنطلون اسود لبس جزماته (الله يكرمكم)لون اسود ابيض
وكل الشله لابسين بدلات
شوي وجاء واحد يركض ركضضضض يمشي 3000 واول ما وصل مسك بريييك وقال بابتسامه غبيه :هاي
الشباب متعودين عليه قالوا :هلا
وسلموا عليه إلا رعد تناظر وعليها ابتسامه استغراب
سلمان:اقول شفت خوينا الجديد
.........:وينه لا ما شفته
راكان جلس يضحك بشماته
نياف متفشل:ناظر تحت الله يفشلك
نزل رأسه تحت وشاف كائن صفير يجننن وكيوت
بقق عيونه وقال :ذا خوينا؟
راكان :بالله ما كأنه في الابتدائي؟
..........:لااااععع يجنن سووو كيوووت
وضمهااا بقوووه وقال:يا الله حتى ضمتك تجنننن
سعود:صدق؟هاته ....وسحبها وضمها
سحبها سلمان وقال:خل نشوف... وضمها
سعود : والله ضمته كيوت زيه
سحبها نواف من سلمان وقال:خلاص يكفيك دوري
سلمان : والله انك صادق يا سعود
نياف سحب رعد لانه حس بإحراجها وهزاهم
وراكان متكتف وعليه أبتسامه سخرية
نياف :رعد هذا ياسر ياسر هذا رعد
ياسر:,ما يحتاج اعرفه
رعد ابتسمت:تشرفت فيك ياسر
ياسر مبتسم:لي الشرف يا سيد كيوت
ضحكوا سعود وسلمان ونواف
رعد:احم احم يلا ترا تأخرنا
نياف:اي صدق حنا اخر ناس يلا
الشباب:,يلا
نزلوا تحت وصفو طابور
وجأوا الاستاذه يقسمون الطلاب.
ما عليكم من صف اول وثاني
صف ثالث ثانوي بدأ بتقسيمهم
وجلس بنادي واحد واحد ويقول اي قاعه
تسريع الأحداث الشله تقسموا ما صاروا مع بعض
رعد، نياف ،راكان»»قاعه أ
ياسر، نواف»» قاعه ب
سلمان ، سعود »»قاعه ج
بعد ما عرفوا صفوفهم جلسوا يتمشون لان مافيه دوام اليوم
ياسر مبوز ومتكتف ويمشي ويضرب الأرض:ااهه قهر كان ودي اصير ما سيد كيوت
ضحكوا ورعد ابتسمت على اسمها الجديد
سلمان:اي والله قهرررر
سعود :ليتهم يخلونا مع بعض كلنا
نواف:انتم حظكم لاباس أما أنا بجلس مع من
مع ياسسسر يا ويلي ولاه بس
ياسر يانظره بطرف عينه:اقووول يحصلك تكون معي بعض الناس تتمنى نظره مني
نواف:اقول اسكت يا شيخ بس قال ايش قال نظره انت اذا احد جلس دقيقه معك كره ابو الدنيا
ياسر طير عيونه:انااا.....قاطعه نياف ....
نياف: هيييي انت واياه خلاص اسكتوا صجيتونا..... ناظر رعد ابتسم وقال....الا رعد وش رايك في مدرستنا ؟
رعد ابتسمت طبعاً عليها الشماغ ومتلثمه:تجنن صراحه
ياسر:رعد شيل اللثمه ليه حاطها ابغى اشوفك.
نواف :بصراحه ما الومه لما يحطها بتصير عيون الناس عليه
ياسر بفظول:ليه وش فيه؟
سلمان:جميييييل حيل
سعود:ملامحه جذابه ومختلفه.
ياسر :حمستوني اشوفه
رعد :لا عاد زودتوها
ياسر :شيل شيل اللثمه
رعد استحت:لا ماله داعي
ياسر :اقول... .ومد يده وشالها
وصارت نظراته كذا*o*
ياسر :ما ما ما شاء الله تبارك الله
اول مره اشوف احد زيك
طبعاً راكان كان ساكت وما تكلم ولا حتى ناظر
يقالك مو مهتم
هو صح جاه فضول يبي يشوف ليه المدح ذا كله بس كابر ولا ناظر
رعد حطت اللثمه على طول
ياسر:بصراحه صدق ما الومك لما تحطها
رعد ساكته ما تدري وش تقول (من لما تعرفت على الشله وهي كلامها قليييل وترد بجواب مختصر)
نياف يبي يغير الموضوع:اااا وش رايكم نروح كوفي؟
راكان:كوفي الحين ؟الساعه قريب ١٢ خل نروح نتغدا
نياف :أجل بناخذ اغراض المطبخ
يلا نروح السوبر ماركت
راحوا وجلسوا يتقضون
رعد تمشي مع نياف وقالت:الحين ليه ما ناكل من المطعم مو اختصار واسرع؟
نياف انعفس وجهه:لااا اكل المطعم ما نحبه وممنوع أحد من الشله يأكله وانت صرت من الشله يعني اكل المطاعم ممنوع اذا تبي شي تعال قلي متى ما بغيت وايش ما تبي انا بسويه لك
رعد هنا عرفت ليه ذيك اليوم لما شافها معها اكل المطعم انعفس وجهه
سكتت ما حبت تعلق
خلصوا تسوق ورجعوا كلهم لشقه راكان ورعد؟؟
استغربت ليه حطوا الاغراض كلها في المطبخ
نياف شاف استغرابها وحب يوضح لها:رعد احنا كل سنه نجتمع عند راكان يعني ناكل ونجلس ونطبخ نجتمع في شقته كل سنه كذا
رعد باستغراب:ليه هو بالذات؟
ياسر:لانه رأيس الشله طبعاً
رعد بققت عيونها واشرت على راكان:ذااا رأيس الشله ؟!
راكان بحددده:ليه لا يكون مو عاجبك أن شاء الله ؟وعفكره ذاا له اسم ترا
رعد ما كلمته ولا عطته وجه لفت ضهرها وكلمت نياف:عبالي انت رأيس الشله والله
راكان عصب لأنها اسفهته( اسفهته»»اهملته أو ما اهتمت فيه)
قرب منها ولفها ما كتفها ومسك فكها وهو يصر على أسنانه:انا لما اكلمك غصب عليك تناظرني وتكلمني..... وصرخ....فااهممم
رعد كانت تناظره بهدوء ولا تحركت ولا تكلمت
راكان يبي يتكلم
قاطعه نياف اللي بعد راكان عن رعد وقال:هيي راكان مو اول يوم مشاكل وحصل خير ولا تسوون هواش من اول يوم خلاص لازم تتحملون بعض
والتفت نياف لرعد وقال:,اسف رعد على اللي صار...قاطعته رعد وهي تتكلم بهدوء
رعد:نياف انت مالك دخل...... والتفت ومشت للباب وفتحته وقبل لا تطلع ناضرت نياف وكملت.....ويا ليت ما تتدخل بيني وبين أحد ....
وعطت راكان نظره غريييبه ما لها تفسير وطلعت وسكرت الباب وراها
راكان يتكلم بصراخ شوي وموجه كلامه لنياف:
تدافع عنه أجل هااا ولا وتعتذر له من اصلا وبعدين انت ما شفت أسلوبه اشلون
انا ذا الخكري مو مرتاح له في شلتنا اول ما شفته وهو رافع خشمه
نياف لا زال تحت الصدمه من كلام رعد قال بهدوء: راكان اسكت مالي خلقك
وطلع هو الثاني من الشقه
راكان طير عيونه اول مره نياف يقوله كذا صرخ:هييين انا اوريه الخكري اجل خرب نياف علي انا اوريه
وطلع هو بعد من الشقه
أما الرباعي جالسين يناظرون بسكوت
ياسر:اضن خلص العرض
سلمان:اي اضن
سعود :ليه كذا؟
نواف :راكان يكبر المواضيع وما يحب أحد يسفهه ورعد ما يدري
ياسر:أجل من اول يوم كذا الله يستر من الجاي بس
سلمان:للحظه حسيت نفسي مزهرية
سعود:لا تحس تأكد
ياسر:اقول وش نسوي الحين ؟
نواف:وش بنسوي مثلا ؟بننتظر هنا ليين ما يجون
جلسوا يتفرجون التي ڤي واللي على جواله

بوقف هنا ترقبوا البارت الجاي
صوتوا وعلقوا التعليق مهم ويحفزني اكتب بارت باسرع وقت
دمتم في حفظ الله ورعايته