لا تحاول فك رموزي وتفسير غموضي

part 16

السلام عليكم
اسفه على التاخير
لا تلهيكم الروايه عن الصلاه
صلوا على رسول الله
ويلاااااا نبدااااا(:
صحت رعد الصباح ناضرت لساعه جوالها شافتها ساعه7 ونص صباح ناضرت يمين ويسار شافت فيه اثنين متسدحين نايمين ما تدري من قامت على طول توجهت للمكان اللي فيه ماء (ملاحظه:الماء جابوا وايت طلبوا رجال يجيبونه وحطوه لهم)
غسلت وجهها وتوجهت للعيال اللي جالسين حول شبه النار
رعد:صبحكم الله بالخير
العيال:صبحك الله بالنور
رعد تناضر تشوف من مو موجود شافت أن سعود وياسر مو موجودين يعني هم اللي في الخيمه
نياف:هاه رعد كيف النومه؟
رعد :بصراحه مو حلوه نومه الأرض بس لاني تعبان ودايخ نمت على طول ولا حسيت بشي
نياف:وذولا  ما قاموا ؟تاخر الوقت وش فايده البر اذا اخرتها نوم البر يبي له قومه الفجر ماحد يجي البر وينام
سلمان:اي والله انت صادق
رعد  بشوي صراخ: اقووول تراني جيعان ابغا أفطر أفطر اكل اكل يلا وين الفطووور؟
نياف:ننتظر كلهم يصحون عشان نفطر مع بعض
رعد بتحلطم:يا الله اوهف
بعد عشر دقائق جو ياسر وسعود مع بعض
وقالوا:صبحكم الله بالخير
العيال :صبحكم الله بالنور
رعد:سلامات كان ما قمتوا احسن كان كملتوا نومه للعصر هاه ...وش فايده البر وإذا بتقضونها نوممه هاه ...حنا جيعانين ننتظركم وانتم في سابع نومه يا خيشه النوم انتم
نواف مصدوم :الا يا النصاب مسوي قمت من الفجر ....وناضر العيال.....تراه قبل عشر دقائق جاء
ياسر وسعود ناضروا رعد بحده
رعد ناضرت نواف:لا تقتل المتعه يا مسلم خلني استمتع ياخي
راكان:خلاااص قوموا نجهز الفطور ونفطر .....
ناضر المكان وكمل..... شكلنا بنغ واللهير المكان
نياف:ليه مو حلو ؟
راكان:الا حلو بس بنغير خلاص نشوف مكان احسن من ذا
العيال:اووك
قامو مع بعض وجهزوا الفطور اللي يسوي قهوه واللي يسوي شاي واللي يجهز المعلبات والي يسوي بيض واللي واللي واللي والخ.....
خلصوا الفطور وجلسوا حول الفطور وفطروا وكل شي
بعدها قاموا يلموا الاغرواض عشان يمشون من المكان وفعلاً مشوا واصلا راكان كان سابقهم يدور مكان بعد ما شاف من بعيد المكان رجع لهم وقالهم يتبعوه ومشوا وراه اللى أن وصلوا للمكان وكان احسن من المكان الأولي
حطوا أغراضهم وجلسوا

تسريع الاحد الاحداث لان ماله داعي اذكرها
سوو غدا وتغدوا وجاء الليل وناموا وجاء ثاني يوم وقرروا انهم يرجعون العصر وكان يوم السبت
سوو الغدا وتغدوا وجلسوا يلموا أغراضهم ومشو وكل واحد بيروح بيته عشان يحطون اغراض البر ويسلمون على أهلهم وقرروا كلهم أنهم يتعشون عند أهلهم وبعدها يرجعون للمدرسه للسكن
ورعد أصرت انها ترجع للمدرسه بس لنياف رأي ثاني ولززم انها تجي بيتهم وهي رفضت بس ما عطاها مجال لانه خايف يتركها لحالها في المدرسه

بعد ما سلموا العيال على اهلهم وخلصوا كل واحد توجهه للمدرسه وهو حاس بحزن وفرح لانه بيودع أهله وفي نفس الوقت متشوق لاخوياه معدا واحد اللي كان فرحان وحيل لانه اسبوع كامل ما بيقابل اهله أو بلاصح عدوينه

وصلوا المدرسه وكل واحد بعد الثاني إلى اكتملوا وكل واحد توجهه لشقته
عند نياف
دخل شقته بعد ما وصل رعد لغرفتها دخل وارتمى على الكنبه وطلع جواله وبدأ يتصل على واحد واحد من العيال ابتدأ من راكان
بعد ما اتصل فيهم وتطمن أنهم رجعوا توجه للغرفه فتح الباب وهو مطنش تماما أن له شريك في السكن لان نياف طول الوقت برا الشقه طول الوقت في شقه راكان ورعد ونادراً يدخل الشقه يدخلها وقت النوم أو وقت يبدل ملابسه ومن اول ما بدت المدرسه ما قد يوم صادف شريكه في السكن وهو ما اهتم اصلا

دخل الحمام ياخذ له شور ولبس ملابس مناسبه للنوم اول ما طلع من الحمام حس بأحد فتح باب الشقه ما اهتم لانه عرف أنه اليأس وتوجه التسريحه ينشف شعره شوي وانفتح باب الغرفه ودخل الياس وواضح أنه تعبان ومرهق ومعه شنطه  وكان لابس جاكيت طويل وواضح أنه جاء من سفر
نزل الكاب من على رأسه وابتسم وقال
اليأس: السلام عليكم
نياف: وعليكم السلام
اليأس توجه لنياف ومد يده يصافحه صافحه نياف ببرود عكس اليأس المبتسم
اليأس:كيفك نياف
نياف: الحمد لله
اليأس:كيف ايامك
نياف:بخير
اليأس:مافي الحمد لله على السلامه ؟
نياف:ليه انت وين كنت؟
اليأس تحطم داخلياً وابتسم ابتسامه مرييييره:ليه ما لاحظت اني مو موجود
نياف بدون اهتمام:انا أساساً ما اجلس في الشقه كثير ف ما لاحظت
اليأس:اهاا على العموم انا كنت مسافر
نياف بدون اهتمام: اها
توجه لسريره وانسدح ونام
أما اليأس عض شفته بقهر وبلع غصته ونزل جاكيته ودخل الحمام يتروش بماء باااارد لعله يهدأ شوي............

عند العيال الباقيين اللي ناموا وما يدروا وين ربي حاطهم من تعب الكشته.................................

صباح اليوم الثاني
قاموا كل الأبطال وجهزوا نفسهم بسرعه على شان ما يتأخرون وتوجهوا للساحه عشان الاذاعه وبعدها توجهوا كل واحد لصفه
دخلوا الثلاثي رعد وراكان ونياف لصف وجلسوا بمقاعدهم و هم يسولفون
بعد أقل من دقيقه من جلوسهم دخل واحد للصف اول مره يشوفونه في الصف وتوجه لمكان الشله وجلس بالكرسي اللي بجانب رعد وهو عليه ابتسامه وقال:السلام عليكم
ردو وهم مستغربين : وعليكم السلام
قال: كيفكم انا زميلكم في الصف
يتكلم وهو يناضر نياف بابتسامه عربييضه
العيال معدا نياف كان ساكت: الحمد لله
قال:اعرفكم على نفسي انا اليأس زميلكم في الصف وشريك نيااااااف في السكن
تعمد يمطت اسم نياف
راكان على طول ناضر نياف ونياف كان سااكن وعليه نضره بارده لا مباليه
رعد :اها تشرفنا
اليأس ناضر رعد وابتسم ابتسامه حنونه حستها رعد:الشرف لي يا رعد
رعد:انت تعرفني
اليأس هز رأسه بايه:اي طبعاً اعرفك انا اعرف كل شي في المدرسه واعرف كل الطلاب
رعد:اهاا
اليأس: ايه....وانت كيفك يا راكان.
راكان رد وهو رافع حواجبه ؛بخير
اليأس لا زال مبتسم
دخل المدرس وقطع عليهم وكانت الحصه رياضيات
واكثر شخص متفاعل مع الحصه رعد وراكان كان ينافسها

بوقف هنا ادري أن البارت اقصر من القصير بس حبيت انزله على شان تعرفون اني مستمره في الروايه وما نسيتكم🌚

المهم لا تنسون
تصويت +تعليق+انشروا الروايه
وتوقعاتكم للبارت الجاي
ووش تتوقعون علاقه اليأس بنياف وليه يتعامل معه بذي الطريقه الغريبه توقعوا خلونا نشوف من خمن صح.

مع السلامه دمتم في حفظ الرحمن ورعايته