لا تحاول فك رموزي وتفسير غموضي

part 6

السلام عليكم
لا تلهيكم الروايه عن الصلاه
صلوا على رسول الله
يلا نبدا (:
بعد ما تغدت لبست لها شي مريح وانسدحت على السرير وجلست تشتغل ليين جات الساعه 3العصر قامت وجلست تتمطت جاها اتصال ناظرته لقته نياف يتصل ردت
رعد :الو هلا نياف
نياف:هلا وغلا كيفك؟
رعد : بخير وانت؟
نياف:بخير دامك بخير
الا اسمع عندك شي العصر؟
رعد:لا ليه؟
نياف:بمرك العصر انا والشباب وبنجلس نفرفر نبغى نستغل الاجازه
رعد :خلاص مو مشكله
نياف:أجل بنروح مع بعض المسجد وبعدها بنتمشى
رعد:اوك تمام
نياف :أجل مع السلامه شوي وامرك
رعد:مع السلامه
قفلت من نياف وعلى طول على الحمام (الله يكرمكم)تروشت وطلعت صلت(إذن وهي في الحمام) ولبست ثوب وشماغ...الخ نفس لبسها الظهر وأخذت جوالها مفاتيح البيت ونزلت تحت اول ما وصلت تحت رن الجرس عرفت أنه نياف أسرعت للباب وفتحته وقفلت الباب وراها بالمفتاح شافت نياف ونواف وسعود ابتسمت وقالت: سلام
ردو السلام
رعد:عسى ما تاخرت عليكم بس
نياف لا تونا جينا يلا نروح
مشوا وصلوا العصر وطلعوا للحديقه جلسوا وطول الوقت نواف وسعود مناقرات ونياف متفشل منهم ورعد بس تضحك عليهم ماقد شافت ناس بالمرح هذا دائماً شغل ومهمات يعني مافي مزح ومرح تضحك بشويش ما تتطلع ضحكتها بس باين من عيونها
فجأة وهم يتناقرون التفت لها سعود وقال:اقول رعد انت ليه دائما تتلثم؟
رعد ما تدري وش تقول:انا هذا شيمه...ابتسمت بغبا وقالت...تصدق مدري بس كذا احطها
نواف بلقافه:أجل وخرها نبي نشوف وجهك
نياف بفشله وهو يهاوشهم:اسكت انت وياه يا الملاقيف وش دخلكم فيه انتم براحته ما لكم دخل فيه
ردت رعد بابتسامه:لا عادي خلهم
بدت تشيل اللثمه وهم يناظرون مترقبين
اول ما شالتها صارت أشكالهم كذا*o*
قالت باستغراب:في شي غلط؟
نياف استوعب وتحمحم:لا ابد سلامتك
وناظر الشباب اللي لازالو مفهيين فيها
دزهم وقال:عيال هييي
نواف:ابك.... ابك هذا انسان والا ملاك.؟!
سعود:الا ملاك ونص شفت جميلين بحياتي بس مثل رعد لا ما شفت
نواف:اول مره اوفقك الرأي
رعد كانت مستحييييه ووجها صار لونه وردي
نياف حاط يده على وجهه بفشله وندم أنه عرفهم عليها
رعد :لا عاد شدعوه وانتم بعد حلوين
نواف:اي حلوين يا رجال عندك خلاص طاحت كروتنا
سعود:بصراحه ما الومه لما يحط اللثمه
رعد ناظرت نياف اللي بيموت من الفاشله ووجهه احمر ابتسمت وقالت: نياف
نياف: هلا ؟
رعد:ابغا كوفي قوم معي
نياف ع طول قام
سعود؛هييي خذونا معكم
نواف :اي
رعد :لا حنا بنجيب قهوه وبنجي ما بنطول
تبون وش نجيب لكم
سعود:ايس لاتيه
نواف:كابتشينوا
رعد :اوك ..يلا نياف
نياف:يلا
مشو وكان الكوفي بعيد لأنهم هم في اخر الحديقه والكوفي اول الحديقه
جلسوا يمشون وكلهم حاطين يدهم في جيوبهم
الكل صار يطالعهم خاصه رعد اللي جماله مختلف ما بين خليجي واجنبي تكلمت رعد:ليه
الكل يطالعني؟
نياف: عشانك مختلف وجديد ...ناظرها وكمل...
وجميل حييل
ابتسمت وسكتت
نياف: اسف على اللي صار قبل شوي اخوياي مشافيح اول مره يشوفون احد بجمالك
رعد بنفسها*الحين هو يبي يخفف ويعتذر يقوم يزيد الطين بلة ليه؟*تكلمت بصوت ؛لا عادي ما صار شي اخوياك لطيفين ومرحين مره وخفيفين دم احسدك عليهم الصراحه
ابتسم نياف وقال:رغم أنهم دمهم خفيف وأنهم زي الاطفال ويتناقرون كل شوي وكل الشله كذا بس اذا جاء وقت الضيق تلقاهم مافي ارجل منهم في وقت الحاجه صدق اخوياي ما قد شفت زيهم ولا راح اللقى اصلا
ابتسمت وقالت:والنعم فيهم
نياف:الله ينعم بحالك
وصلوا الكوفي أخذوا طلباتهم ورجعوا كالعاده لقوهم يتناقرون
نياف :بس يا ورع انت وياه الناس تناظر فيكم استحوا على وجيهكم
ما طقوا له خبر وهم يكملون مناقرتهم
ضحكت عليهم رعد وجلست مدت مشروباتهم
اخذوهم يشربون ويتناقرون
هز رأسه نياف باسى وعدم حيله منهم
ورعد تشرب من قهوتها وتتاملهم وتبتسم على تعليقاتهم على بعض
جاء المغرب صلوا وهي تلثمت عشان تصح صلاتها بعد ما خلصوا الصلاه
نياف:اليوم انا عازمكم على العشاء
نواف وسعود:ياس وأخيراً
رعد: انا برجع البيت
نياف:من جدك لا انت أساس العزيمه العزيمه بمناسبه انظمامك لشلتنا
رعد :لا نياف شدعوه ماله داعي ذا كله....
نياف يقاطعها:اقول رعد لا ترد عزيمتي ويلا مشينا بلا كلام
نواف يتلها من أكتافها (يتلها»» يسحبها)
وقال:اقول امش بس احنا ما صدقنا على الله احد يعزمنا
سعود:اي والله انك صادق خل نروح نطفر بنويف (نويف »» نياف بس بلهجه اخوياه🌚)
نياف :اقول اسكتوا بس شكلي بعشيكم من بقايا اكلنا
نواف وسعود:لا لا نمزح توبه
ضحكوا رعد ونياف ومشوا للمطعم تعشوا على حساب نياف طبعا ورجعوا كل واحد لبيته.
ثاني يوم العصر
كالعاده اجتمعوا على صلاه العصر وصلوا وطلعوا
نياف:الحين بنعرفك على خوينا الرابع
شوي وشافه يمشي باتجاههم قالوا كلهم وهو توه ما وصل:هلا هلا .أرحب.وحشتنا يا حمار
وصل شاب طويل حنطي البشره شعره بني محروق لابس ثوب وشكله حلو وجميل ابتسم بفرحه ولما وصل قال:هلا فيكم والله كيفكم حتى انتم وحشتوني يا حمير
كتمت ضحكتها رعد من الاسم اللي ينادون بعضهم به ومن وجه نياف المعصب والمنحرج
سلموا عليه بحراره ورحبوا وبعد السوائل عن الحال
قال نياف:رعد هذا خوينا اللي قلت لك عليه
.......:كيفك يا رعد شخبارك انا سلمان
رعد ابتسمت:وقالت الحمد تشرفت فيك وعاشت الاسامي يا سلمان
سلمان ؛لي الشرف والله
ناظر للشباب وقال : قسم أنه اجمل من اللي وصفتوه لي والله إنه مزززز
رعد خجلت وسكتت
نياف:الله يفشلكم احرجتوا الولد....انا اصلا ليه تعرفت عليكم؟!
سلمان :بسيطه لانك تحبنا
سعود طق كقه بكف سلمان وقال:صح عليك
سلمان:اي واضحه
نياف حط يده على وجهه بيأس أنهم يعقلون ولو شوي
تمشوا في الحديقه وصلوا المغرب ورجعوا بيوتهم وصلوا العشاء مع بعض كالعاده ورجعوا تعشوا ونامو......

ومرت الايام وهم نفس روتينهم........
جا اليوم المنتظر يوم السبت يوم تدخل المدرسه مثل ما قال لها نياف لازم الحظور يوم السبت وبعدها تقفل الابواب وتفتح يوم الخميس بعد الدوام والجمعه والسبت
كانت الساعه 8:33
جلست تنتظر نياف لانه قال بيمرها بسيارته جالسه في الحوش بعد ما قفلت كلللل شي في البيت وأخذت اغراضها كلها شنطتين كبار وشنطه صغيره وشنطه فيها اغراض المدرسه شوي وسمعت بوري سياره طلعت لقته نياف قامت تسحب شناطها وهو نزل يساعدها قال: صبحك الله بالخير
رعد:صبحك الله بالنور..وينك صارلي ساعه انتظرك
نياف:ا لا يا الكذاب ما جلست الا عشر دقائق وقلت ساعه
رعد : هههههههههههه كيف عرفت
نياف:خويي واعرفك
رعد ابتسمت من كلمه خويي
ركبوا السيارة ومشوا للمدرسه وكل واحد من الشله بيروح بسيارته

وصلوا المدرسه نزلوا الاغراض جا حارس وقال لهم:ادخلوا بتقفل البوابه الحين
دخلوا وحطوا الشناط عند الحراس وراحوا لمكتب المدير أخذوا ارقام غرفهم
رعد143 الطابق الرابع
نياف 117الطابق الثالث
قالوا للحراس يطلعون شناطهم
كل واحد دخل غرفته يشيك عليها
دخلت رعد غرفتها وقفلت الباب بعد ما دخلوا
الشناط
الشقه عباره عن اول ما تفتح تجيك الصاله متوسطه الحجم وباب امامك ومطبخ على اليمين مشت الباب اللي قدامها وفتحته ودخلت ومعها الشناط راحت للخزانه ورتبت اغراضها وارتمت على السرير اللي وراها مباشره
حست أحد يتحرك تحتها بانزعاج على طول قامت وجلست تناظر
الشخص وخر الغطاء وقام يناظر يمين ويسار بس هي كانت تحت لأنها قصيره وهو طوييييل قامت نغزته باصبعها السبابه يكتفه نزل عيونه لتحت وبققها (للمعلومه الغرفه شوي ضلما لان الضوء مطفي والدرايش عليها الستاير)
قال وهو رافع حاجب:من انت؟
رعد رفعت حاجبها زيه:انت اللي من انت ؟
.........:شكلك مضيع مدرسه المتوسطه
رعد :هييي انا شريكك في السكن ولا تغلط انا في ثالث ثانوي
أنصدم وبأن على وجهه
كان يبي يتكلم قطع عليهم دق الباب باب الغرفه(ما قفلت باب الشقه بالمفتاح)
ودخل قالت رعد : هلا نياف
نياف باستغراب:هلا ....ناظر للشخص وقال.... هلا متى وصلت ؟...وسلم عليه
..........: وصلت الفجر وعلى طول جيت للمدرسه بس ....قاطعه رعد وقالت:نياف انت تعرف هذا ؟
........:نفس سوالي يا نياف تعرف ذا؟
نياف:اي  هذا خوينا اللي قلت لك عليه
........ بقق عيونه وقال:هذا انت من جدك ذا كنه في المتوسط يولد!
رعد:هييي اقول احترم نفسك يا عامود الكهرباء
........ بسخريه:عامود كهرباء ولا علبه فاصوليا
كانت بترد عليه قاطعهم نياف بصراخ شوي
نياف:هييي هيي انت وياه من اولها كذا منكم بزران
رعد هذا راكان راكان هذا رعد ويلا بلا شغل اطفال سلموا على بعض
رعد وراكان مع بعض:يخسي
وناظروا بعض بحده
نياف بصراخ اقوى:سلموا على بعض
ارتعبوا شوي وسلموا على بعض كل واحد من راس خشمه

بوقف هنا باقي واحد من الشله بتتعرف عليه رعد في البارت الجاي علقوا وصوتوا ترا تعبت عليه
رايكم بالبارت
ومع السلامه دمتم في حفظ الله ورعايته