لا تحاول فك رموزي وتفسير غموضي

part 17

السلام عليكم
رجعت لكم ببارت جديد وحماسي واحداث جميله وجديده اتمنى أنه يعجبكم
ما بطول عليكم
لا تلهيكم الروايه عن الصلاه
صلوا على رسول الله
ويلا نبدا (:

عند العيال في الصف مرت حصتين وطلع المدرس من عندهم جلسوا الطلاب يسولفون
جاء  مدرس الاحياء وكان واقف على الباب وقال: السلام عليكم يا طلاب
الطلاب: وعليكم السلام
المدرس:وين المشروع اللي قلت لكم عليه يوم الخميس ؟
العيال : موجود استاذ
المدرس: خلاص أجمعوهم كلهم ووو ......جلس يناضر في الصف ووقفت عينه على رعد وكمل.....وانت يا رعد بعد ما يجمعون الاوراق جبها لي للمكتب تمام؟
رعد بهدوء:تمام استاذ
راح الاستاذ
وجلسوا الطلاب يجمعون اوراقهم وكان عباره عن واجب لهم
وبعد ما خلصوا قامت رعد اخذت الاوراق تبي توصلهم للاستاذ
قال نياف:تدل المكتب والا اروح معك؟
رعد بهدوء:لا ادله ما عليك
ومشت للمكتب
وجلسوا راكان ونياف يسولفون
بعد دقيقتين
جاء فيصل (خوي عبدالله اللي في مجلس الطلاب)
وقف على الباب ونادى بسرعه :نياف راكان تعالوا بسرعه ...وكان يلهث من الركض
قاموا نياف وراكان بسرعه وركضوا لفيصل
نياف:وش فيك ؟
فيصل جرى لبرا المبنا بسرعه وقال:الحقوني
نياف وراكان ناضروا بعض باستغراب وركضوا وراه بسرررعه وهم يركضون للساحه
راكان قال:فيصل وش فيه تكلم
فيصل: شلتكم تتهاوش ما شله شهاب
احتدت ملامح نياف وبردت ملامح راكان تحولت لملامح بارده وقاسيه
وصلوا لمكان الهوشه واللي كانوا يتهاوشون سبعه من شله شهاب وشهاب ثامنهم ومن شله راكان ياسر وسلمان وسعود ونواف كانوا اربعه وثمانيه عليهم وكل اثنين من شله شهاب على واحد من شله راكان والطلاب ما قدروا يفكونهم لان فيه من شله شهاب اللي موقفين الطلاب ما خلوهم يتدخلون
اول ما وصلوا راكان ونياف ركضوا للعيال وجلسوا يضربون شله شهاب وراكان توجه على طول لشهاب اللي كان يضرب ياسر وواحد من شلته كان ماسك ياسر سحب راكان شهاب وجلسه على الأرض وجلس يلكم فيه ويقول
راكان:انت ما تتوب ما تتوب كل يوم لازم نكفخك انت غبي والا وش ما قلت لك شلتي ما تقربها ؟ليه تحب تعاند هاه؟......كان يتكلم وهو يصارخ
والمهم أن كل اثنين اشتبكوا مع بعض والطلاب كلهم يدرون أن ماحد يقدر يوقف شله شهاب الا راكان واخوياه
جاء المدير بعد ما نادوه بعض الطلاب وكان معاه الوكيل وثلاثه من المدرسين الكبار
وصرخ صرخه رعبت كل الطلاب:بسسس وقفوا
وقفوا العيال ضرب وناضروا المدير وكمل:وش هالمهزله ذي هاه؟ ما تستحون انتم ؟انتم مو عيال ناس؟انتم مو متربيين؟
العيال ساكتين يناضرون بعض بحده
سلمان ونواف:الا يا استاذ
ناضرهم المدير وقال:طيب وش الي قاعد اشوفه انا ؟
شهاب:هم اللي بدأوء يا استاذ
المدير صرخ:اصص ولا كلمه... في المدرسه كلها ولا واحد يتهاوش كلهم هاديين وعاقلين الا انتم
الى متى وانتم على ذي الحاله هاه؟
يلا الحقوني كلكم على المكتب ووقعوا تعهد يلااا
العيال:طيب استاذ
راكان ناضر شهاب بحده وهمس:والله لاوريك
طيب اصبر علي بس
المدير سمعه: وانت يا راكان ان سويت شي ترا بفصلك
راكان ناضر المدير وسكت احتراماً له
طبعاً الكل يعرف قد ايش المدير يحب راكان بشكل كبير ولا يرضا له الغلط وهو ما يحبه يتمشكل مع أحد عشان مصلحته
مشوا الشلتين لمكتب المدير يوقعون تعهد بدون كلام