لا تحاول فك رموزي وتفسير غموضي

part 4

السلام عليكم
لا تلهيكم الروايه عن الصلاه
صلوا على رسول الله
يلا نبدا (:
صحت الصباح جلست وتذكرت أنها صلت الفجر
قامت وتروشت نزلت شافت الساعه9:11
لبست بنطلون وبلوزه بنطلون بالون الاسود
نزلت تحت ما لقت ابوها عرفت أنه راح للشركه
دخلت المطبخ لقت اغراض كثييييره
كل شي موجود سوت لها كوفي وجلست تشربه في المطبخ بعدها سوت لها فطور خفيف بعد ما فطرت....جلست في الصاله اتصلت على سيف
قالت بصوت خشن طبعاً :الووو
سيف :هلا رعد كيفك
ردت : بخير وأنت
سيف:الحمد لله
قالت: هاه وش صار على مهمه امس
سيف:ابد ابشرك كل شي الحين ماشي تمام
قالت :الحمد لله أجل خلاص اي شي يحصل اتصل علي علمني على طول
سيف: ابشر ما عليك
قالت :مع السلامه
سيف:مع السلامه
قفلت من سيف وهي ما تدري ايش تسوي قررت انها تستكشف البيت لأنها ما شافته للحين
قامت تدور فيه ......(البيت انتم تخيلوه لاني ما اعرف اشرح شكل البيت🌚😂المهم هو لون اثاثه اسود وابيض ومره فخم ويجنن البيت وكبير مره وفيه حديقه خلفيه حلوووه وفيه جلسه اماميه في مدخل البيت)
جات الساعه12 وهي كل شوي تسوي حاجه من الطفش شوي نسدح وشوي على الجوال وشوي على التلفزيون وشوي تنزل الحديقه
جالسه في الصاله وعلى جوالها تتابع ما تدري وش تسوي سمعت احد يفتح الباب نقزت وراحت تشوف ابوها لقته يقفل الباب راحت وضمته ع طول وهو ضحك وبادلها الضمه
بعدت عنه وقالت:ليش تاخرت ؟
تنهد بتعب وقال :خلينا ندخل
دخلوا وجلسوا في الصاله وقامت جابت مويه وعطته شرب المويه  وتكلم
ذئب:رحت الشركه وبعد ما خلصت من الاجتماع كانت الساعه 11 جاني اتصال أن التسجيل فتح حق المدارس رحت المدرسه وسجلتك انا كنت ماخذ كل اوراقك معي في الشنطه (شنطه الشغل فيها اوراق ومستندات)
رحت وسجلتك وجلست احاول أنه يخليك في غرفه لحالك لاكن ما قدرت كانت هاذي من قوانين المدرسه
بققت عيونها بصدمه وقالت:لحظه لحظه لحظه
انت بتسجلني في مدرسه سكنيه ؟!

ذئب باستغراب :اكيد أجل وش؟
قالت:انا على بالي انها مدرسه مو سكنيه يعني اروح المدرسه وارجع
قال ذئب:أجل ليش انا جبتك السعوديه ؟عشان اضمن انك بأمان لازم اخليك بعيده عن كل شي
قالت : ليه ما وافق المدير أنه يخليني لحالي؟
تنهد ذئب وقال:حاولت فيه وقلت بعطيك فلوس واللي تبي بس رفض من قوانين المدرسه من زمان وهي الغرفه لا تقل عن اثنين ولا تزيد
سكتت ما عرفت وش تقول
ناظرها ذئب وقال:انا ادري انك قدها ومستحيل تخلي أحد يكشفك وبتحمين نفسك انا واثق فيك ومستامن عليك
ابتسمت وقالت:وانا عند الثقه يا يبه وبكون عند حسن ظنك
ذئب ابتسم وقال:اي هاذي بتني اللي ربيتها وابني في نفس الوقت.... والله انك بنت عن مئه رجال وانشهد
ابتسمت بمدح ابوها
قامت وقالت توي ما صليت وانت
ذئب وانا بعد بروح المسجد اللي قريب من هنا
وبطلب غدا
ردت بسرعه:لا يبه تكفى نبي نطلع مليت انت روح صل وراجع بتلقاني جاهزه انا بصلي وبلبس وبنطلع نتغدا وبعدين بنروح السوق ابي اتمشى
ضحك وقال:ما شاء الله مخططه وكل شي
يلا يلا تمام لا تتاخرين ومع السلامه
قالت بفرح :مع السلامه
راح ذئب للمسجد وهي طلعت غرفتها تصلي وتلبس
بعد نص ساعه رجع ابوها لقاها جاهزه اخذها وركبوا السياره الجديده اللي اشتراها ذئب
وتوجهوا إلى مطعم يعرفه ذئب وصلوا وتغدوا وراحوا المول وكانت الساعه 1:55
دخلوا وضحكت وقالت:من يجي بذا الوقت حتى شوف المول شبه فاضي
ضحك ذئب وقال :وش اسوي فيك الا تبين تشترين الحين
قالت : والله اشتقت للسوق والتسوق خاصه هنا في السعوديه
ذئب:اي يلا اخلصي علينا وروحي خذي بسرعه
قالت:اول شي بنروح قسم الثواب
ذئب:تمام يلا
وراحوا شرو ثواب من جميع الالوان وغتر واشمغه جداً فخمه وغاليه وشرو بدلات وجزمات (الله يكرمكم)وساعات وعطور رجاليه وكبك وكل شي يخص الرجال وسرت شاشات (شاش) عشان تربطه حول صدرها وخصرها
خلصوا وكانت الساعه5:46م
اول ما خلصوا
قالت بتعب: باقي شي نسيناه؟
ذئب بتعب:اتوقع خلصنا ...وتنهد
تنهدت وقالت :راسي صدع خلينا نروح كوفي ناكل حلا ونشرب قهوه
قال ذئب:يلا أجل مشينا ...بس الاغراض ؟
ناظرت للأغراض شافت أنهم ما يقدرون ياخذونهم للكوفي قالت:خلاص نروح السياره ونروح كوفي على طريقنا وبعدها بنروح مطعم نتعشا ونرجع البيت
رد ذئب:تمام شورك وهدايه الله
وفعلاً راحوا كوفي وبعدها مطعم تعشوا ورجعو للبيت هلكانييين
دخلو ورمت نفسها هي والاغراض اللي معها على الكنبه في الصاله وتنهدت بتعب
وهو الثاني جلس على الكنبه وكان تعبان من لفلفه السوق
فجأة جاه اتصال رد على طول لان الساعه متأخره كانت 9:55م
ماحد يتصل عليه بذا الوقت إلا إذا كان شي مهم
قال:هلا سيف وش صاير.....من جدك .....لا تقول ....طيب وش سويتو... خلاص ما عليك انا بجي .... بحاول قد ما اقدر اني اجي بدري ....خلاص مع السلامه...وانتم بعد انتبهوا على انفسكم.....
وقفل الاتصال
ناظرت ابوها باهتمام وقالت:عسى ما شر وش صاير؟
تنهد ذئب وقال:افففف ما امداني جيت هنا يومين الا وصارت مصيبه ولازم اسافر
بهتت ملامح وجهها وقالت:اشلون متى بتسافر؟
ناظر وجهها وقال:بحاول اروح من بدري قبل لا يصير شي اكبر اذا قدرت الفجر بمشي
قوست فمها وقالت:وش صاير طيب ؟
ذئب:شكلهم كشفوا مكاننا ونفذوا بقاطره فيها ********لازم اسافر اشوف وش الوضع وبعد أخذوا واحد من رجالنا وحجزوه عندهم انا ماني خايف من ذي لاني متاكد ما راح يقول لهم شي بس خايف لا يسوون له شي
لازم اروح لازم وبسرعه بعد
قالت بهدوء :بسافر معك
قال ذئب:انتي مجنونه انتي اشلون تسافرين والاسبوع الجاي مدرسه وبعد خطر عليك انك تروحين بيكشفونك
ردت بغضب:اموت واعرف كيف عرفوني.
قال :وانا بعد مستغرب والمشكلة مو هنا المشكله هم متأكدين انك بنت هذي لحاله مصيبه إذا هم يدرون انك بنت ومتاكدين ورجالنا ما يعرفون هاذي كارثه
سكتت بعدم حيله
ناظرها وقال :اسمعي يا ......(اسمها🙂)انا متاكد انك قدها ولازم تواجهين ذا الشي ومثل ما علمتك الحياه مصاعب والمصاعب ذي لازم نواجهها بقوه وقسوه عشان نتخطاها لازم تعتمدين على نفسك بكل شي وتستندين على نفسك ترى ماحد يدوم لأحد انا اليوم معك وبكره لحالك يمكن اموت انا ما أبغاك تحتاجين لأحد باي شي ...فهمتي علي؟؟
ردت بثقه :ابشر يبه وفهمت عليك وان شاء الله عمرك طويل وما عليك انا واثقه من نفسي بس ما ابغى ابعد عنك
قال ذئب:هاذي الحياه يا ولدي(لا تستغربون إذا قال ولدي لانه يعتبرها بنته وولده في نفس الوقت)احنا اللي نعيشها مو هي اللي تعيشنا ما تمشي على كيفنا لا هي تمشي على المقدر والمكتوب وكل شي فيه خير باذن الله
ردت بهدوء:والنعم بالله
قال:انا بشوف لي طياره عشان اروح من بدري
وانام وانتي بعد نامي لانك اليوم تعبتي
ابتسمت وقالت:اوك بطلع برتب الاغراض عشان ما تتجعد
اخذت اعراضها وطلعت
اما ذئب بحث عن طائره ولقا اقرب وحده بتكون بكره الساعه 8الصباح
حجز وطلع لغرفته ونام
صحيوا الصباح وافطروا مع بعض
وقالت بحزن:يعني هذا اخر فطور لي ولك مع بعض
ابتسم وقال:مين قال ؟انا متى ما شفت فرصه بجي على طول والايام والسنين بيننا
هزت راسها وسكتت
وقال:انتبهي على نفسك زين ولا تصادقين أحد كثير ولا تحتكين بأحد وكوني الاول على المدرسه
ابتسمت وقالت بثقه :ما عليك من ذي الناحيه تطمن
ابتسم بفخر وكملوا فطورهم وكانت الساعه 7:10
قال ذئب: تأخرت شكلي يلا بروح المطار باقي أقل من ساعه على الطائره
قالت بهدوء:الله معك وانتبه على نفسك واي شي يصير علمي به
قال ذئب:ابشر يا رعد ما عليك
اخذ شنطته وركب سيارته وقال : بخلي واحد يجيب السياره للبيت تمام؟
ردت وهي واقفه على الباب :تمام مع السلامه
ولوحت له بيدها
لوح لها بيده ومشى وقلبه وعقله تركه عندها
أما هي اول ما اختفت السياره من نظرها
تنهدت ودخلت البيت
طلعت الغرفه ما تدري وش تسوي انسدحت وجلست تفكر .....
صارت الساعه 9 ص وهي منسدحه تفكر في وضعها ناظرت الساعه وتنهدت تحس الوقت بطيئ
تذكرت أنه في حديقه في الحي قررت انها تطلع تتمشى فيها
لبست بنطلون اسود وبلوفر واسع اسود ولبست كاب البلوفر ونزلت شعرها على عيونها وليست السماعات الكبار (هذاك اللي تغطي على الاذن ما ادري وش اسمها) وأخذت جوالها وشبكات السماعه في الجوال ونزلت اخذت مفتاح البيت وعلى طلوعها وصلت سياره ابوها اخذت المفتاح من الرجل وراح الرجل وهي دخلت المفاتيح في جيب البنطلون وجلست تمشي .وصلت الحديقه شافت شي زي الكشك الصغير يبيعون فيه كوفي اخذت لها وجلست على كرسي تشرب القهوه كانت الحديقه كبييييره وفيها نافورات صغيره منتشره وأطفال والعاب وكراسي والأشجار تجنن وورود
شوي وحست احد حجب عليها الشمس رفعت راسها شافت.................

بكره بكمل واحتمال اليوم ما يندرى
لانتسون التصويت والتعليق
علقوا توقعاتكم البارت الجاي
مع السلامه دمتم في حفظ الرحمن