لا تحاول فك رموزي وتفسير غموضي

part 13

السلام عليكم
اتمنى اني ما تاخرت عليكم
لا تلهيكم الروايه عن الصلاه
صلوا على رسول الله
ويلا نبدا(:

طبعاً بعد ما خلصوا فطور وكانوا هاديين ويسولفون راحوا لفصولهم اول ما انتهت الاستراحه
أما راكان فكان هادي ولا نطق بكلمه وهذا اللي مخوفهم أنه يكون هدوء ما قبل العاصفه

خلصوا دوام وكل واحد راح شقته يرتاح ويصلون وبعدها يجتمعون في شقه راكان ورعد يسوون غدا

اول ما دخلت الشقه كانت قبل راكان اتجهت على طول للحمام اخذت لها شور ولبست لها بلوفر واسع لون اسود ولبست بنطلون واسسع اسود وسليبر بيت لون ابيض فيه خطوط سودا
خلصت من اللبس وحطت الكاب على رأسها وكانت تبي تطلع الا وفتح باب الغرفه ودخل ناضرها بهدوء وقرب منها اما هي فنزلت راسها
حست نفسها انها ما تبيه يشوف وجهها
قرب منها كثير وقال
راكان:ناضرني
رعد ولا حركه
راكان وهو متماسك:قلت لك ناضرني
رعد لا زالت على وضعيتها ولا تحركت انش واحد
راكان عصب ومسكها من زندها(فكها) ورفع راسها وبهتت ملامح وجهه من وجهها الجميل الفاتن بمعنى الكلمه
رفعت عيونها وملامحها ما تدل ع شي
وجلست تناضره تبي تعرف وش يبي يسوي
قال بشبه همس :ليه تحب تعاندني ؟
رعد :ما عاندتك
راكان:لا يا شيخ !! وأسلوبك اللي معي وش تسميه؟
رعد:انت تشوفني اعاندك لانك مو متقبلني
راكان سكت
رعد كملت:ولأن نياف مصر اني اكون من الشله وانت خايف اني اخذ اخوياك منك
راكان لا زال ساكت ويسمعها ولازالو على نفس الوضعية
رعد كملت:بس تطمن من ذي الناحيه انا ما رح أسرق اخوياك منك وإذا تبيني اطلع من الشله روح اقنع نياف لاني ما قدرت فيه
سحبت نفسها بشويش وطلعت من الغرفه وهو لا زال واقف مكانه ويفكر بكلامها وأنها كل حرف قالته صحيح
تنهد وهمس:بنشوف وش نهايتها معك يا رعد

تذكر ملامحها ابتسم ابتسامه جانبيه خفيفه وهنا تأكد من كلام ياسر والشباب
مسح على وجهه وتوجه الحمام ياخذ له شور

كانت جالسه في الصاله ومعها اللاب حقها وتشتغل عليه لان ابوها ارسل لها مهمه تعقب وتراقب المافيا

جو ياسر وسلمان وكل واحد هو يبي يدخل الاول وكالعادة يتناقرون دخلوا شافوا رعد جالسه على الاب بملامح مشدوده سلموا وردت الاسلام بسرعه بدون لا تناضر جلس ياسر بجانبها من اليسار وكان وده يعرف وش تسوي هي على طول قامت وأخذت الاب حقها وتوجهت الجلسه المنفردة وقالت
رعد :معليش اكلم اهلي
ياسر وسلمان مشت عليهم وجلسوا يسولفون على ما يوصلون البقيه

شوي شوي الا وكل الشله مجتمعين كلهم في الصاله وراكان بعد موجود انا رعد لا زالت تشتغل
نياف:يلا يا عيال مين فيكم بيساعدني في الطبخ
ياسر : انا لا تحسبني في الطبخ ابد تعرفني انا والطبخ خطان لا يلتقيان
نياف:انت عليك التنظيف
ياسر:لااااععع تكفى مالي نفس من اول يوم
نياف:يا شيييخ!! حبيبي احنا نظامنا هنا كلنا نتعاون مع بعض
ياسر جلس يتحلطم
سلمان بابتسامه عريضه:خلاص انا بساعدك بالطبخ
نياف: لااااععع ممنوع انت تطبخ إلا اذا تبي تسممنا اوك
سلمان قوس فمه :ياخي امنيه حياتي اني اتعلم الطبخ عشان بعدين اساعد المدام
سعود:تكفى لا تساعدها ولا تساعدك فكنا من طبخك اللي كل يوم شكل ...نياف انا وراكان بنساعدك والباقين ينظفون الصحون والمطبخ
راكان: أجل يلا قوموا تراي جوعان
ياسر :انا عصافير بطني تزعزق من زمان.
نواف:اما عاد تزعزق وبعدين انت اللي ببطنك ديناصورات تصيح مو عصافير
ياسر طير عيونه:قول ما شاء الله لا تعطيني عين يا الحسود
نواف:اقول اسكت يا شيخ بالله احسدك ع ايش مثلاً؟
ياسر يرفرف برموشه:جماااالي بسم الله علي
سعود :هي بالله وش دخل الجمال الحين ؟
نواف :تراك تتكلم عن ياسر ! كل شوي يدخل شي بشي
سلمان:اقول انت وإياه ما تعرفون تسكتون ولو شوي كل ساعه وانتم قرقرقرقر
العيال فجأة سكتوا
بعد دقيقه
سلمان:ايش فيكم سكتوا
ياسر عطاه كففف من ورا رأسه لانه اقرب واحد له
ياسر:مو انت تقول اسكتوا
سلمان:ااييي....وقال بضحكه....من متى وانا كلمتي مسموعه شكلي صرت هيبه
نواف وياسر عطوه نضرات و سفهوووه وجلسوا يسولفون
سلمان شاف ماحد عطاه وجه جلس يطقطق بالجوال