لا تحاول فك رموزي وتفسير غموضي

part 12

السلام عليكم
كيفكم
اسفه على الانقطاع
بعود عوده قويه أن شاء الله
بس انتم استمروا في الدعم وابشروا باللي يرضيكم
بطول البارت ذا لعيون الامورات اللي في التعليقات 🥰🥰
لا تلهيكم الروايه عن الصلاه
صلوا على رسول الله
ويلا نبدا (:

صحت وهي كلها كسل امس جلست تشتغل على مهمه ولا نامت بدري
سحبت الجوال من الكومدينه وفتحته تناضر الساعه عين مغمضه وعين مفتحه شافت الساعه 6,55 ص
بققت عيونها بصدمه ونقزت من السرير وتناضر الجوال بتمعن لما تأكدت أن الساعه خلاص تشير لل7 قامت من السرير بسرعه وهي ما تدري وين الله حاطها وركضت للحمام (الله يكرمكم) وشوي ونزلت لأنها نست ملابسها وهي تتمتم (بتأخر .....بتأخر) أخذت لها ملابس وهي ماره تبي تروح الحمام شافته نايم على سريره
وهي متناسيه كل شي عطته كففف كذا ع الماشي عشان يصحى وهي تصرخ:تأخرنا رحنا فيها
صحى وهو مفزوع يناضر يمين ويسار ما يدري وش السالفة ناضر جواله شافها الساعه7 قام من سريره ع طول وراح أخذ له ملابس وراح للحمام يدق
راكان:ههيييه ووجع يا السنفور اخلص علينا يلا اطلع
رعد:اصبر شوي
راكان:تراك حبه وربع يمدي تخلص في دقيقه
فتحت الباب على اوسعه
رعد: ههيه اقول انت يا عامود الكهرباء ما اسمح......
ما كملت جملته الا دزها بعيد ودخل الحمام مسرع
هي واقفه ومتنرفزه ولما تذكرت انها تأخرت ركضت التسريحه تكمل تجهيزها
طبعاً هي تدري بقوانين المدرسه لان عبد الله قالها بكل شي وان التأخر ممنوع وفيه عقاب ونقص درجات وهي مو ناقصه طبعاً كل المدرسه تخاف تتأخر لانه ممنوع منع بات

سمعت صوت برا الغرفه وعرفت أن الشله جت توها تبي تتوجه للباب الا وانفتح على الاخر شافت ياسر لابس بس أنه محيوس  جزماته مو مربطه (الله يكرمكم) وشعره مو ممشط وأزرار ثوبه مفتوحه وساعته بيده ماسكها وقاعد يلهث وشكله يضحك.
ياسر يلهث من الركض:بسرعه بسرعه ترا تأخرنا
طلع راكان من الحمام ( الله يكرمكم) وهو لابس ثوبه وكل شي وقاعد بقفل ازرار ثوبه توجه للتسريحه بسرعه مشط شعره.وحط عطر واخذ ساعته وركض وراهم لأنهم هم قد طلعوا طلعوا كلهم من الشقه وباقي نواف وسعود وهم يمشون شافوهم جايين باتجاههم والله لا يوريكم شكلهم كانو يضحكووون
نواف كان يلبس جزمته وحده في رجله بس مو مربطه والثانيه قاعد يلبسها وهو يركض صار يناقز. كنه كنغر و شماغه عل كتفه وأزرار ثوبه مفتوحه وسعود وراه حاط الشماغ والعقال على رأسه وحاط يده عليهم واليد الثانيه ماسك فيها ثوبه والجزمات بيده تو ما لبس شي
أما رعد فكانت ميييييته من الضحك لدرجه ما تقدر تركض دخلو الاصنصير وجلسوا يلبسون ويكملون ويسولفون
نياف:يعني زي كل مره اول يوم لازم تأخير
ياسر: كله من ذا الحمار ما صحاني ...(يقصد سلمان لانه شريكه في السكن)
سلمان بطرف عين:ع فكره حتى الحمار ذا ما صحى صحينا مع بعض اسكت بس
نواف؛ياخي سلمان انت كيف تتحمل ياسر؟ بالله عطني الطريقه
سعود:اقول حتى انت الله يعينك عليه في الصف
نواف:اي عشان كذا انا أسأل
سلمان: والله الشكوى لله وانا اخوك تراه مشيب راسي بس وش نسوي عاد ما لنا الا السكوت