لا تحاول فك رموزي وتفسير غموضي

part 14

السلام عليكم
كيفكم
سوري على التاخير
بس بعوضكم بالبارت هذا ...البارت يجنن وحماسي وأحداثه مره حلوه
لا تلهيكم الروايه عن الصلاه
صلوا على رسول الله
يلا نبدا (:
طبعاً مرت الايام ابطالنا على نفس الروتين
نبدا ببطلتنا(رعد) حاولت قد ما تقدر تتأقلم على المدرسه والروتين وخاصه انها تشتغل بعض الأحيان وهي بعيده عن ابوها اما من ناحيه العيال فهي مستانسه معاهم على الاخر
وصارت تتكلم وتضحك وتتطلع شخصيتها الحقيقية المدفونه فبحكم انها كانت ما عندها رفاهيه ولعب ومزح وفله كانت دائما مقيده وجديه نادراً تضحك وهي مقتنعه قناعه تامه بحياتها أما الحين شافت أن الحياه حلوه وهي اول مره تتعرف على أحد وتصادق احد وتعرف حياه احد وتسمع مواقفهم فكانت مره مبسوطه لأنها طلعت من حياه جديه وصارمه إلى حياه حلوه وضحك
أما نياف فكان يحاول قد ما يقدر أنه يتوازن مع روتينه بين المدرسه وتواصل مع أهله والاعتناء باخوياه فكان يلاحظ على رعد تغير شخصيتها ففرح لما شافها تتفاعل معاهم
أما راكان فكان أول الايام هادي أما بعدين صار شوي يكلم رعد لاكن لحد الان مو متقبلها واحيانا مناقرات بينهم بس لحد الآن ساكت لها لانه ما شاف منها شي سيئ ويبي يشوفها هي عند وعدها له لما قالت له انها ما رح تغير عليه اخوياه ولا تسرقهم ...والا لا
طبعاً رعد دائماً تحاول تتجنب راكان خيره شره عشان ما يسوي سالفه وهي مو ناقصه
وبس أما العيال فكانوا نفس روتينهم مافي تغيير من المدرسه للسكن ويتواصلون مع أهلهم عبر الجوال وعبد الله وفيصل لا زالوا يحلون مشاكل الطلبه ومره يتعبون والكرسي اللي بجنب رعد لحد الان صاحبه ما جاء

جا يوم الخميس الونيس على قولتهم وكانوا كل الطلبه مررره مبسوطين لان البوابات بتفتح اليوم والكل بيروح يزور أهله وبعضهم بيجلس في المدرسه
طبعاً أبطالنا اتفقوا على أنهم اليوم بيكشتون في البر لأنهم من زمان ما كشتوا
فقرروا أنهم اول ما يخلص الدوام على الساعه١٢ ونص يروحون لأهلهم يسلمون عليهم ويمشون للبر اللي يخلص سلام أهله يروح للبر لأنهم حددوا المكان وكل شي
راكان وسعود قرروا يروحون مع بعض ويحاولون يوصلون قبلهم عشان هم عليهم الخيام ونواف وياسر مع بعض وسلمان لحاله
كل واحد عليه مهمه ورعد ونياف مع بعض عليهم أمور الاكل
بحكم أن رعد كذبت عليهم وان اهلها مو موجودين قرر نياف يأخذها معه بيسلم على أهله وبعدها بيروحون السوبرماركت يشترون الاغراض حقت الاكل

عند رعد ونياف كانوا بطريقهم لبيت نياف
نياف:اكيد اشتقت لأهلك
رعد:اي والله مررره بس يلا هاذي حال الدنيا وانا لازم اتعود على بعدهم عشان ما ادري متى بقابلهم
نياف:اااممم معك حق
المهم ترى وصلنا تبي تروح بيتكم شي؟
رعد:لا ....اصلا هي ما جابت المفتاح نيته ولا كان راحت بيتهم ولا انها تنحرج من نياف وتروح معه بيتهم
نياف:تمام انا بسلم على اهلي وبس لان أغراضي معي(طبعاً بيجلسون في البر الخميس والجمعه والسبت بالليل بيرجعون)
رعد ابتسمت:تمام عادي خذ راحتك
نياف ابتسم:تسلم بس هاه ابيك تسلم على اهلي
رعد طيرت عيونها :نعم نعم نعم !! لا يا حبيبي مشكور
نياف رفع حاجب باستغراب:وليه أن شاء الله ما تبي تسلم!؟
رعد توترت ما قد سلمت على أحد وهي خايفه احد يكشفها ومو مستعده تستقبل رده فعل أحد على شكلها ابددد:لا يا نياف تكفى ترا أستحي انا ما قد سلمت على أحد ترا ماله داعي انا بجلس في السياره ارز وجهي بينكم ليه؟
نياف عقد حواجبه بمعنى ما عجبه كلامها وقال بشوي صرامه:اقووول بتنزل وتجلس في  المجلس ويتسلم على اهلي الموجودين
رعد خافت أنه يزعل وفي نفس الوقت توهقت( توهقت=تورطت وقعت بورطه)
ما تدري ليش تسوي غير أنها تسمع كلامه لانه إذا زعل بتتخرب الكشته