الادعج " قاع الظلام "

الـقـا؏ الرابع عشر

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات 

حساب الانستا
zahralsadi
قناة التلي
zahralsadi

<~~~~~~~~~~~~~~~>
ليلة الثانية عشر وذلك الرقم الرجيم
12

حد السچين أكثر على نحري حسيت بحرارة الدم طلعت
عصر فكي حيل واردف
- اليوم بس الله يخلصچ مني .

زلغت ايده ابتعد يباوعلها
- من فلك الفلكچ يمفلوكه

- حيوان نگس واحد اخس من الثاني

اتحسست رقبتي شفت دم على اديه
انتبهلي انصدم شمر السچين واتقدم يشوف
- جرح لو ذبحتچ ؟

بچيت ورديت
- شبيك انتَ غبي !!!!

- جرح مشكور ربي عبالي ذبحتچ ولحسنين

بهل اثناء انطرق الباب طرقات قوية
بلع ريگه خايف التفت ألي واردف
- البسي الروب واستري روحچ

لبست الروب فوگ الفستان غلقته باحكام
راح فتح الباب دخلو اثنين ملثمين بالشماغ
أول ماقفل الباب نزلو اشماغهم
ولزمو نهو نهي واحد منهم يدفر بي ويحچي
- مسربت دايح تجيب بنات من وراي
اليوم اسطردك سطر واردمك ردم وحگ الگطعو چفوفه غدر

حچه الثاني وهو عاقد حواجبه وبارزه عروگه
- وشرف زينب اطيح حظك ولك شلون غفلت عني ومنين لگيتها ؟

- بس خل افهمكم

- شتفهمني على طيحان حظك راحت تربيتي ابلاش
ضاع كلشي سرسي طايح حض مسربت ملگلگ

- ولحسنين ماسويتلها هاي اسألوها

رفعو راسهم إلي اثنينهم خلو اديهم على خصرهم واردفو
- سوالچ شي ؟

هزيت راسي بـ معنى لا واحد منهم صاح
- ذابح البت وشرف زينب ذابحها

اتقدمو اثنينهم گام هَّو من وراهم اجه گبالي وحچه
- سوسو دودو بس خل افهمكم حبيبيني