الادعج " قاع الظلام "

الـقـا؏ الثامن عشر

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات

حساب الانستا
zahralsadi
قناة التلي
zahralsadi

<~~~~~~~~~~~~~~~>
توضيح ⚠️
بنات اني گلت بالقناة القصة تتوقف منا الورا العاشر
اذا انتم ما مشتركين بالقناة يعني اني شسوي 😔
البارت 5000 كلمة والله مو قصير
بس انتم تندمجون بي وماتحسون عليّ
التنزيل راح يكون بين يوم ويوم ⚠️

- الأدعج : لـيش يابـعد الـوطن خيبتي ظني .

ظليت اباوعلة وجسمي كله يرجف
ثنه شفته وكمل
- الأدعج : امده گلبي الغشيم الحبچ

- ليش هالقساوة وياي ؟

- الأدعج : تستاهلينها تستاهلين تشوفين وجهي الثاني
ولچ شنو البقى ما سويتي ؟
شسويلچ بعد حتى تجرين عدل
شكو شيء حرام واكرها رحتي سويتي
عناد بيه مو ؟
خل اراويچ الاعناد على أصلة سهلة

- احچي عدل وياي

- الأدعج : انه حچيي كله عدل مو تجين انتِ تعلميني

مسحت وجهي ورديت
- انتَ مو الأدعج الاعرفه

- الأدعج : بفضلچ خانم بفضلچ الأدعج بيوم وليلة تغير

باوعلي نظرة أخيرة واردف
- الأدعج : أنتهى كلشي . وصلت نهاية قصتنا

بقيت صافنه عافني وراح وگعت بالگاع ارجف وابچي
اجو علي الحراس رفعت اديه ابتعدو
لميت نفسي للسيارة حضنت رجليه لصدري وظليت اشهگ

مو بيدي يا عالم مو بيدي هذا التغير
اني كارها نفسي . اني ماريدها . اني تعبت
محد حس بيه . جبت عمري كله تعب بتعب
من طفولتي للأن ماشايفه الراحه
وحتى من حبيت وصرت اهوى مثل البنات . مو براحه

مسحت وجهي وصعدت للسيارة
همست بصوت يرجف
- جيبو حارس البناية

- شتسوين بي مدام ؟

- جيبو ومعليكم

نزلوا ربطو وخلوه ليوره
طول الطريق انحب عيوني ورمت وبلعومي اتشگگ
نزلت للقصر بدون لا احچي وياهم صعدت اركض
قفلت الباب عليَّ وظليت اكسر بالغرفة واصرخ بهستيرية
- كافي تعبت راح اموت حسو بيه لا تلوموني
اني ماجاي احس بأي شي عوفني موتوني خلوني اخلص
عذبتوني حرام عليكم خبلتوني