الأدعج "قاع الظلام "
بقلمـَي زهراء الساعدي
لطفًا فراشاتي دوسن على النجمة وعلقن بين الفقرات
حساب الانستا
zahralsadi
قناة التلي
zahralsadi
<~~~~~~~~~~~~~~~>
يناديها وكأنُ يخبر العالم أنها لي
وتين الأدعج 💙
أتقدم ياسر دفع ابوي وصار گدامي
زاد النار حطب ، ودمر الوضع فوگ ما هو مدمر
-ياسر : لا تقتلها طلگتها اني طلگتها .
سمعت شهگه أمي وصمت ابوي
بلعت ريگي وگلت هاي النهاية ، النهاية بثقه أهلي
النهاية من علاقتي بيهم ، النهاية من كلشي چان يسعدني
گعد أبوي بمكانه جامد الحركة واللسان
اتقدمت امي هزتني وصرخت
- ولچ الحچى هذا صدگ لو چذب
خفت اكول چذب والحقيقة واضحه وخفت أكثر اگول صدگ
بقيت بس ابچي وهنا عرفوا الحقيقة وگعت أمي
گعدت بدون رد فعل بس دموعي تجري وعيوني على أبوي
منظرنا كان صعب ومحزن
اني الشبه انتهت حياتي ، أبوي المصدوم ، أمي المكسورة
ياسر المريض الدمرنه
واحد گبال الثاني وكلنه ادموعنه تجري
اتمنيت الصار كابوس ياريت هسة افز ويرجع كلشي مثل ماچان
غمضت عيوني ضربت نفسي صرخت وبعدني بنفس المكان
يعني الصار حقيقة اني خسرت كلشي بهل لحظة
گام أبوي سحل ياسر دخله جوه گمت ارجف
اتقدم سحبني من اذراعي ودخلني جوه
- بابه بس افهمك مو نفس مافهمك مو البالك
ماجاوبني ولا حچه اكتفه بشمري على القنفة وگعد گبالي
ياسر نام بمكانه وظل يشخر ملت راسي وغمضت عيوني
ماريد اواجه الحقيقية ماريد أخلي عيوني بعيونهم
بقينه بمكانه لحد ما أذن گام أبوي صله
ورجع يمنه وامي دخلت لغرفتها اسمع بس صوت شهگاتها
ظلن يضربن بصدري مثل الخنجر
صار الصبح راح ابوي وقفل باب الشارع علينه
گمت وصرت اضرب بـ ياسر واصرخ
دخلوا علينه هو والأدعج بلعت ريگي وهمست ، كمل دماري
سحبه أبوي وحچاله كلشي وگاله ليش سويت كل هذا من وراي
المصيبة والكارثة الأدعج مايدري وابوي عباله هو
رد بصدمة
- الأدعج : شجاي تحچي بوية اني ماجاي استوعب
YOU ARE READING
الادعج " قاع الظلام "
Actionالأدعج" قـاع الظلام " تنـتظـِركم لـيالـي قاسية وعيـون لاتنـّام وأيـام سوداوية فـْي أعـماق قــاع الظلام هـيا يـا رِفـاق انـتـّزعو ثـُوب النجاة لـنغوص مـعـاً فــّي حكايـة الـقتـلِ والدماء لنـُكـشف الالـغـاز تاره تاره بهـَدوء وعـقل دهـاءِ . بالل...
