الادعج " قاع الظلام "

الـقـا؏ الرابع وثلاثون

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات

حساب الانستا
zahralsadi
قناة التلي
zahralsadi

<~~~~~~~~~~~~~~~>
اتهيك وابتعد والگاك يم روحي .

كل الصار بكفه ومن سمعت صوت أبوي يصيح بأسمي
بكفه ثانية . صوته جاي من فوگ يدور عليّ !
ضربته بقوة خليته يبتعد متألم ورفعت نفسي
شهگت من شفت ابوي واگف يم باب الغرفة
وعيونه تريد تطلع من مكانها بسبب الصدمة .

بلعت ريگ وظليت ارمش واللساني انعقد
اتقدم وكل اعصابه ترجف شاف شمشون بحالة يُرثى لها
همست واني اطقطق من الخوف بالرغم ما مسويه شيء
- بابه والله مو نفس ما متوقع ، والله جاي اشرب ماي
وسمعت صوت وناته اجيت لگيته مصخن
شوف سويتله كمادات لان هو خطية
وظل يهلوس بأسم مرته ، و عباله اني هيَّ

زفر وهمس
- بدون تبرير واثق بيچ بابه

انهد حيلي بهاي اللحظة بچيت بچي ماصاير
حضني خايف
- ليش هذا البچي باباتي ؟ وريدي اني واثق بيچ
اعرفچ ماتنزلين راسي واعرف نيتچ شنو

- بابه احبك والله

- واني احبچ وريدي امسحي وجهچ واشربي ماي
واصعدي فوگ

هزيت راسي وهرولت أخذت بطل الماي وصعدت
ظليت افتر بقلق وكل شوي اتفحص الوضع
لحد ما تعبت ونمت وأخذتني النومه والمرض ومارحت للشغل
صعدت امي انطتني علاج ، صار العصر يله نزلت
عقدت حواجبي باستغراب من شفت شمشون شايل جنطته
والولد كذلك ملت راسي ودخلت لغرفة أمي
- شنو راح يسافرون ؟

- لا أجرو شقة وحدهم

- كل الولد

- اي كلهم

هزيت راسي باستغراب شلون طلعوا منا
معقولة مني السبب ؟ انتظرت بابه يجي يشرحلي
صدگ شوي واجه يحچي
- هم رادو يطلعون

ما ناقشته شعلي بيهم اني بس حيل استغربت
كملت يومي بضجر وحدي بهذا البيت
لا حس ولا نفس بس اني افتر چني جني

ثاني يوم دخلت الشركة اتوجهت اخل گهوة
شفت البنات والولد وشمشون وياهم !!
اتقدمت عاقدة حواجبي
- ملتمين الحبايب شلون لمه