الأدعج "قاع الظلام "
بقلمـَي زهراء الساعدي
لطفًا فراشاتي دوسن على النجمة وعلقن بين الفقرات
حساب الانستا
zahralsadi
قناة التلي
zahralsadi
<~~~~~~~~~~~~~~~>
رايح وين ؟
احنا اشفنه منك خل نشوفك زين
رايح وين ؟
يابعدين ترجع يالگلت بعدين !
ظلت عيوني عليها ، شبيها شنو شافت حتى هيچ خافت ؟
رفعت نظراتها الي بصدمة وبس ادموعها تجري بغزارة
اتقربت واني ارجف ، بعدني ما واصله وشايفه وجه أدم
هزت راسها وصرخت بصوت هزاني هز
- شاه : لا أدم لا .
اتقدمت وإلف مصيبة انرسمت ابالي
شفت أدم بـ منظر صعب ، ماتخيلت بيوم اشوفه
الدم طالع من خشمه و وضعه شبه الميت !
ركضت وصرخت بصوت يرجف
- سيف الحگ أدم مات
اجه متخبل شافه ظل يصيح ويمسح بي ويضرب بوجها
راح سحل الممرضة وخلاها يمه
رفضت تشوف شبي خله المسدس براسها يله
طلع الضغط صاعـد ومسببله نزف قـوي
خلتله مغذي وأبر ورجعت يم ذاك الممرض تبچي
شاه رافعه كف أدم تبوس بي وتبچي
خلته على جبينها وغلقت عيونها ، واشفايفها تتحرك ، تدعي
طلعت برى لگيت سيف گاعد ومخلي إدي على راسه
باوعتله وگلبي ظل يوجعني
بقى بعيني هذا المجرم الماعنده رحمة ولا قلب
اجيت احچي ويا اترددت ودخلت جوه ، گعد أدم
وفتح عيونه تعبان وبالضيم حاله
دخل سيف يصيح بسرعة فززنا كلنه
- سيف : لمو غراضكم وبسرعة نطلع منا
- أدم مايگدر
- سيف : مالچن غرض بـ أدم انه اتكفل بي بس حركن روحچن
من بعد أمره ماكو كلام
لمينه غراضنه وهو أخذ علاج ومغذيات هواي لماهن بجنطة
شمرها علينه واردف
- سيف : هاي الجنطة انطن بروحچن وحافظن عليها
شلتها اني وهزيت راسي
طلعنا من هذا البيت ، وبقى بالي وتفكيري كله يم الممرضة
يمكن اتخبلت وعقلها طار ، وشلون بقت هناك وحدها منو إلها
اجيت احاچي واگله ناخذها ويانه خفت
كملت طريقي ويا بصمت ، وهدوء ، وخطوات ثگيله
ماعرف وين رايحين نمشي بمكان صحراء يمكن
ماكو لا بيوت ، ولا ناس ، ولا سيارات
كل شوي يلتفت يشوفنا بعدنا ورا ، من يتطمن يكمل طريقة
شايل أدم وحاضنه لصدره
YOU ARE READING
الادعج " قاع الظلام "
Actionالأدعج" قـاع الظلام " تنـتظـِركم لـيالـي قاسية وعيـون لاتنـّام وأيـام سوداوية فـْي أعـماق قــاع الظلام هـيا يـا رِفـاق انـتـّزعو ثـُوب النجاة لـنغوص مـعـاً فــّي حكايـة الـقتـلِ والدماء لنـُكـشف الالـغـاز تاره تاره بهـَدوء وعـقل دهـاءِ . بالل...
