الأدعج "قاع الظلام "
بقلمـَي زهراء الساعدي
لطفًا فراشاتي دوسن على النجمة وعلقن بين الفقرات
حساب الانستا
zahralsadi
قناة التلي
zahralsadi
<~~~~~~~~~~~~~~~>
في غرفة مغلفة بالورق الأسوء على سرير من فراش حرير
ثراء فاحش يحيط بها ، هدوء يتغلغل بارجائها
غرفة الثانية عشر وذلك الرقم الرجيم
حيث الارواح والشياطين والاسوداد المبين
لن ينجو منها الى القوي الذي لا يلين .
فتحت عيني بثگل خليت اديه على راسي
اتذكر شصار أخر شي ؟
تذكرته هَّو طايح والدم ينزف منه
واني نضربت وفقدت
گعدت اباوع للغرفة ، ظليت صافنه عليها
غرفة كبيرة واثاثها باهظ
نزلت رجليه للأرض گمت اتطوطح وراسي
من ورا يوجعني تقدمت طرقت الباب بخفه
ماگدرت اكمل گعدت ابچي بصوت متعب .
بقيت ساعات ابچي واطرق الباب وماكو جواب
مسحت وجهي رجعت للچرباية تمددت وغمضت عيوني
من الدوخة والثگل الي براسي گبل غفيت .
گعدت اردد باسمه الأدعج وينك
احتاجيته مثل كل مرة يرفعني بحضنه واشكليه
احتاجيت اشم عطره وانام براحه
رفعت راسي وصرخت بصوت
- گلولي مات ولكم جبناء كتلتوه
محد بيكم يگدرله كلكم علي طلعوني منا اخذوني أله
وهيچ استمر وضعي اصرخ وابچي واريد واحد يگلي الأدعج
شصار علي ماكو محد واصل إلي ولا فاتح الباب
مليت وطگت روحي واختنگت گمت استكشف الغرفة
مررت ايدي على الأثاث الناعم وصلت للكنتور
فتحته شفت هواي ملابس معلگه ، فساتين حفل ، فساتين بيت
قربت أنفي شميت عطرهن طيب
عفت بيبان الكنتور مفتوح حتى تفوح الريحة وتوصلني
مشيت لميز التواليت ، مسفط علي كلشي چنت اريده
عطر ، ديرم، كحلة وباقي المكياج
قراصات ومشط خشبي باوعت لنفسي اتلمست وجهي تعبان
أخذت ثوب ودخلت للحمام ركزت على الملحق
بي انواع الشامبو وغراض احتياجات النساء
بالرغم من الحصار الصاير و وضع البلد
هنا كلشي مكتمل وكلشي متوفر
YOU ARE READING
الادعج " قاع الظلام "
Actionالأدعج" قـاع الظلام " تنـتظـِركم لـيالـي قاسية وعيـون لاتنـّام وأيـام سوداوية فـْي أعـماق قــاع الظلام هـيا يـا رِفـاق انـتـّزعو ثـُوب النجاة لـنغوص مـعـاً فــّي حكايـة الـقتـلِ والدماء لنـُكـشف الالـغـاز تاره تاره بهـَدوء وعـقل دهـاءِ . بالل...
