الأدعج "قاع الظلام "
بقلمـَي زهراء الساعدي
لطفًا فراشاتي دوسن على النجمة وعلقن بين الفقرات
حساب الانستا
zahralsadi
قناة التلي
zahralsadi
<~~~~~~~~~~~~~~~>
أكـاد أن اتقيء قلبي من فرط الحزن .
رجف گلبي ، ويبس الدم بجسمي ، وانطفت روحي
رفعت راسي وشفت الما انسى لحد اللحد
بكل دم بارد جاي ينحر ماريا ودمها يتساقط عليّ !
صفنت ما مستوعبه ، طرت الى عالم الخيال
مو راضيه اصدق الجاي تشوفه عيوني
انشمرت جثه ماريا عليّ ، اتغطى جسمي بيها
والدم لون كامل جسمي .
ابتعدت واني انظر الها
النحر مفتوح والرأس باقيله شوي وينقطع عن جسدها
منظر اشبه بالخيال بل خيال وحتى بالاحلام نخاف نحلم بي
ظليت صافنه شاردة الذُهن ، عيوني ناطه من منظرها
اتدررت بدون لا أدري ، شبه الفقدت وعقلي طار
اصدگ ؟ استوعب الصار !
المنظر الگدامي حقيقية لو خيال !
الجاي يصير وياي قدر مكتوب لو خطط منهم ؟
هسه شنو اللازم اسوي ، ابچي ، اصرخ ، لو أحاول اگعدها
بهذا منظرها تگعد ؟ اتصير معجزة وترجع ماريا ؟
حوار مابين العقل والقلب
مصارعات مابين الجسد والروح
رفعت اديه اباوع على دمها المسبحني
اتقربت خليت راسي على صدرها ، غمضت عيوني وانغمى عليّ
فقت وعبالي راح يرجع كلشي لمكانه
عبالي كل المر كابوس ، وچنت اتحلم ، بس طلع كلشي حقيقة
ماريا جثة مرعبة في وسط الزنزانة ، شمشون يون وادموعه تجري
واني فقدت عقلي وبس صافنه ما مستوعبة
مر الوقت وماريا بعدها هنا
اعاملها معاملة العايش ، من يشمرون اكل أوكلها
واحچي وياها ، واشكيلها ، وانطيها جرعة أمل ، واحاول اگعدها
ماريد استسلم للواقع اريد ابقى بالخيال
لان الواقع صعب ، العقل مايرضى يستوعب واقعي المرير
شمشون شوي صار احس واجه يمها يعاتبها
لكن شمشون مو مثلي ، يبچي ومصدگ هيَ ماتت
رفعت راسها ، خليت ايدي على نحرها اريد اقطع النزيف
صالها هواي تنزف والدم ما انقطع
- لاتبچي هيچ واتخوفها ترى مابيها شيء !!
باوعلي بنظرة كلها حزن
ابتسمتلة واني احچي
- راح نطلع منا و ماريا تجيب ونعيش احلى عيشه
YOU ARE READING
الادعج " قاع الظلام "
Actionالأدعج" قـاع الظلام " تنـتظـِركم لـيالـي قاسية وعيـون لاتنـّام وأيـام سوداوية فـْي أعـماق قــاع الظلام هـيا يـا رِفـاق انـتـّزعو ثـُوب النجاة لـنغوص مـعـاً فــّي حكايـة الـقتـلِ والدماء لنـُكـشف الالـغـاز تاره تاره بهـَدوء وعـقل دهـاءِ . بالل...
