الادعج " قاع الظلام "

الـقـا؏ الثاني وثلاثون

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات 

حساب الانستا
zahralsadi
قناة التلي
zahralsadi

<~~~~~~~~~~~~~~~>
ياحبيبي وصاحبي وحزن القصيدة
انتَ أول ضيم يچويني وأريده .

نزلت و وي كل خطوه ادعي واردد ياعلي احرسني
ماتن رجليه من شفت أبوي واگف يمه ، هذا اليريد يتونس وياي
وخلص عمره كله يتحارش بيه ، ويهددني ، ومخليني أخاف من خيالي
بگد ابوي لكن يروحله فدوة هو فاسق ملعون ، وابوي سيد
كلها تحلف بعمامته ، واگف يبتسم بخبث واني كل جزء بيه يرجف
منو اليصدگ الجاي يسوي كل هذا وياي هو
زوج خالتي .

اتقرب ابوي يمي خزرني واردف
- ليش تسوين كل هذا بابه اني ما مربيچ هيچ

غطيت وجهي وبچيت
- والله مادري بنفسي ماچنت صاحية

بعد اديه مسح ادموعي ورد بأستغراب
- شنو مو صاحية

- بابه اني

ادخل ابينه وكمل
- ياسر : هيَ جانت مضايقة علمود الأدعج واتعاملت
وي الزبونة بقله احترام

عقدت حواجبي مستغربة هذا شجاي يحچي ؟
مسوي سالفه ثانية بس علمود يخوفني !
- ياسر : بعد ما اتعيدها مو ورداية ؟

هزيت راسي ومسحت وجهي
اتقـدم راد يلمس ايدي صار ابينه ابوي رافض قربه
- لا خويه مايصير

- ياسر : مثل بنتي حاسبها عادي لو لزمتها

- بس هيَ مو بنتك

هز راسه شبك ادي وطلع راح
گعدت وكل جزء بجسمي يرجف
قدملي گلاص ماي اخذته منه ارجف شربته وخليته على الطاولة
گعد يمي سحب اكفوف اديه باساهن واردف
- ليش هذا الرجيف بابه ؟

ماعرف شنو اجاوبه أو بالاحرى أخاف اگله
من شنو جاي ارجف وذاك النذل بشنو جاي يهددني
طبطب على كف ايدي وگال
- لازم بشغلنه نخلي الاحترام والتفاهم حتى لو چنه عصبين
مالنه خلگ ، عدنه ظروف ، من نتعامل وي الزبون كلشي يختلف

- ان شاءالله بعد ما تنعاد

- ادري بيچ وبأخلاقچ وردة بستاني