الادعج " قاع الظلام "

الـقـا؏ السابع وثلاثون

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات

حساب الانستا
zahralsadi
قناة التلي
zahralsadi

<~~~~~~~~~~~~~~~>
يبو عيون الوسيعة المالهن تعيوب
يالأسمر ضحكتك تسوه الولاية 💙

واگفين سوه بوسط شقتنه الجديدة
خلصناها وكملت من كل التجهيزات باقي بس نگعد بيها
- أدم : مامصدگ

- لا صدگ احنا بحقيقة مو حلم

- أدم : تدرين من شوكت أحلم بهيچ أيام

رديت بثقة
- من يوم الضربتك على راسك

- أدم : هههه صحيح

ملت راسي واردفت
- فدوة لضحكتك بعد ما اضربك

اتقرب خله شعري وره اذني وسوه مثل حركتي
ظليت اباوع بوجها وهو كذلك ، بدون ما نرمش صافنين
وكأنُ نظراته تحچي على الشهدته من تعب ، وقسوة ، ودمار
تحچي وتگول من بعد كل ذاك التعب راح ترتاحون

بلعت ريگي وملت راسي
گعد بالأرض گعدت يمه رفع رجلي وثبت اديه عليهن
- أدم : تدرين بـ أدم شگد تعب ؟

- أدري

غمض عيونه ورفع راسه ، حچه بغصه وحزن
- أدم : عمري خمس سنوات ابوسط أمي وابوي
دخلوا علينه عصابه نحروهم گدامي
انه چنت ضعيف وصغير وبذيچ الليلة طافية الكهرباء
صرت بظهر ابوي وما شافوني
لحد هسة احس بحرارة دمهم من طاحت عليَّ
كل ليلة اتذكر شلون نحروهم وانه ماگدرت اساعدهم

باوعتله بلع ريگه وسالت دمعته
- أدم : ماشبعت من حنانهم ، اتمناهم هسة وياي

- اني يمك اصيرلك اهل وانطيك كل الحنية
ادعيلهم بالرحمة وهم راح بدعولك ترتاح

مسح وجها وهز راسه
- أدم : خالي ومرة خالي والأدعج ماقصروا وياي
بس انه چنت احس بالخجل يمهم
من صغري ظليت اشتغل حمال ، بالرغم من رفضهم
عمي ابو الأدعج خير من الله عنده شغله كله بالعقارات
بس انه ما اقبل اخذ منه ، لحد ما جزع مني وخلاني اشتغل ويا
ظليت ويا اسنين لحد ما فتح شركته الهنا
انه ماگدرت اجي ، علمود أمي وابوي كل اسبوع اروحلهم
فتحتلي محل من الفلوس الچنت ضامهن وصرت فيترچي
واقرا وما اطلع من السادس