الادعج " قاع الظلام "

الـقـا؏ التاسع وثلاثون

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات

حساب الانستا
zahralsadi
قناة التلي
zahralsadi

<~~~~~~~~~~~~~~~>
وحگ عيونك الحلوات
وداعت كل رمش بيهن
طيوفك من يجن بليل
افز من نومي احاچيهن .

جاوبني بكل قلة حيله ، وخسارة چبيرة
- أبو الأدعج : ذو الفقار انحكم خمس سنوات ظلم .

شلون ؟ وشوكت ؟ وليش !
ليش الأدعج انسجن وانحكم ظلم ، ليش مو هو بريء
ومنو ذول الطلع وياهم ، والحكمو مايدرون بي ماسوه شيء ؟
يعني كلشي أنتهى بعد ماكو آمل انحكم !

شلون صار كلشي بسرعة ، مثل لمح البصر كل حدث اجانه
لكن من مر يم منه صار بطيء واكل روحنه وهمش اجسادنه

عيوني غوشت والدنيا انطفت بعيني
كلشي بهت ، كلشي ادمر ، كلشي راح مني
- شاه : وتين شبيچ !!

لگيت نفسي ارجف والكل يباوعلي واني بحضن البنات
جاوبتها ومن بعدها فقدت
- هالمرة مو بس انكسرت ، هالمرة انهدمـت

ظلن يواسن بيه واني ما استجاب الهن
اي مواساة وإي كلام الي يطفي نار گلبي ؟
اريده هَّو يجي يحضني ، يطمئن روحي، يحچي وياي
محتاجته ومحتاجه صوته

الكل يمي بس احس وحدي
كلها تواسيني وحزني يومًا عن يوم يزيد
بقيت يمهم وره أسبوع حجزنه واتحضرنا نروح للعراق

وگفت بالمطار اتذكرت من اجينا سوه
من چان لازم أيدي وجايبني حتى يشوفيني أخوي
وفه بوعده مثل ما كل مرة يوفي ، وياريت يگلي وعد ارجعلچ
انسحبت من أيدي فزيت من ذكرياتي الويا لواقعي بدونه

صعدنه الطيارة و نزلنه بالعراق
واخ شگد بچيت وهاجت كل جروحي القديمة والحاضرة
نزلت لأرض الوطن ، بروح باهته ، وگلب مكسور ، وجسد هزيل
طلعت منا واني بحالة يُرثى لها ورجعتله اسوء من قبل

اتلگانه واحد ضابط يعرف سيف صديقه قديم
أخذنه لبيتهم چان بس هو وأمه عايشين سوه
شردت گبل للفراش منتظرة الصبح يطلع واروحله

صار الصبح واتوجهنا للسجن على طريق الضابط
واسطة دخلونا كلنه ، شهگت من شفته ، وجها تعبان
وكلشيء بي مبهذل ، هذا الأدعج الروحه عزيزة
هيچ صاير بي !