الادعج " قاع الظلام "

الـقـا؏ الثالث وثلاثون

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات

حساب الانستا
zahralsadi
قناة التلي
zahralsadi

<~~~~~~~~~~~~~~~>
هلا يابعد العمُر وقرة العين .

- الأدعج : أخـوچ هـو سيف .

مصيبه بل صاعقة وطاحت على راسي
صفنت ما مستوعبة ، شالني ورجعني للبيت واني مادري
- سمعت الگلته ؟

هز راسه وگعد گبالي
مسحت وجهي ظليت افتر عضيت اصبعي ورديت
- مسُتحيل جاي اتجذب عادي گول اني چذاب
ماراح اسوي شيء

ماجاوب ظل بس يباوعلي بحزن
شمرت الشماغ وفتحت القمصلة اختنگت
گعدت على جثماني گباله أخذت اكفوف أدي وهمست برجاء
- احچي باوع ما اسوي شيء گول چذبت حتى اصدمچ
واخليچ مصومة وارجعچ هنا

- الأدعج : ماردت اگول هسة بس انتِ جبرتيني

ابتعدت منه مسحت وجهي
دخلت اصابعي بشعري ضحكت ونزلن ادموعي
- ولك لا اتخبلني عقل ماظال براسي شگلت انتَ ؟؟؟؟

- الأدعج : سيف أخوچ الچنتي تدورين عليّ

- شلون أخوي هاي امه وابو هنا لاتچذب ولك لاتچذب
راح اتخبل اني اصلاً اتخبلت

- الأدعج :هذول مو اهله امچ باعيته إلهم

لطمت على وجهي وصرخت
- شلون هيچ يصير اني ماصدگ انتم چذابين

لزم اديه مقيدني ومانعني اضرب نفسي
رفعت راسي وصرت اصرخ وادموعي تنزل مثل الشلال
سحبني لحضنه دفعته ورجعت اترجاء
- گول چذب احچي الحقيقة حتى لو ماعندي اخو
حتى لو اخوي ميت بس لاتچذب عليّ

- الأدعج : وحگ الگطعو چفوفه غدر ما مچذب

صرخت بصوت هز الدنيا هز
صرت بگد وجعي ودوختي وحيرتي
صرخت بگد ماروحي ضايعة
صرخت بگد النار المشتعلة بداخلي
وربنا وحدة يعرف بحالي بهاي اللحظات

گام يلم غراضنه صار الفجر أخذني وطلع
يمشي بيه وماعرف وين رايحة
وين ماخذني ؟
لهاي الدرجة فقدت وعقل مابقى براسي

اجتنه سيارة وأخذتنه للمطار
دخلنه وعلى عرفه حجز گعدنه ننتظر
خليت راسي على الكرسي وغفيت ، فزيت بخوف
من سحبني لحضنه
- الأدعج : هذا انه لا تخافين