الادعج " قاع الظلام "

الـقـا؏ التاسع وعشرون

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات 

حساب الانستا
zahralsadi
قناة التلي
zahralsadi

<~~~~~~~~~~~~~~~>
عجزت الأقلام ، وتبعثرت الأبيات ، وجف الحبُر
في وصف هذهِ المشاهد
او
في وصف هذهِ القصة العجيبة
تحملوا ما تقرأون يا اصدقائي
واستعدوا آلى المجهول
المجهول المرعب ..

التفت ردت اتحرك وأبقى احارب وادور مكان اهرب منه بس !
تيبست بمكاني من تخله مسدس على جبيني
غمضت عيني وبلعت ريگي اجاني صوت خبيث يتكلم بانتصار
- وأخيرًا لزمنه الاعبه بينا لعب .. اقري الفاتحه على روحچ
كلشي انتهى و وقت اللعب خلص .

فتحت عيوني حركت عدسة عيني
محاوطيني من كل مكان واني بنصهم واگفه
هل هذهِ النهاية ؟ نهاية قتصي الحزينة ، المتعبة ، الشقيه
وختامها بهذا الشكل !

اجاهم أمر من المخلي المسدس بجبيني
- اخذوها للسيارة

ظل صدري يصعد وينزل بقوة وادموعي تجري
اجو سحلوني من شعري وصعدوني سيارة
شدو عيوني ومشو بيه ، لأخر لحظة عندي آمل اخلص منهم
اني ماراح انحبس ولا يعذبوني
اني قصتي ما تنتهي بهذا السوء ، لازم ختامها سعادة ، مو حزن

كان الأمل موجود لحد اخر اللحظات
لكن أنتهى الأمل ، واقنتعت ان هذهِ هي النهاية
من
نزلوني يسحلون بيه وماعرف وين انشمرت
فتحو عيني ، وياريت ما فتحوها
غرفة بشعه ، ضواها خافت ، سلاسلها كثيرة
عبارات باللغة الانگليزية بالدم الأحمر مزينه الجدار
ادوات غريبة ، مرعبة ، بجميع الزاوية

لميت رجليه لصدري ارجف
واني اهز براسي وابچي ، ماريد يمشي الوقت
ماريد اشوف الراح يصيرلي من عذاب
انفتح الباب تراجعت للخلف خايفة
شهگت من شفت شمشون و ماريا ساحلينهم

نسيت كلشي وهرولت الها
جاي احضنها دفرني واحد منهم على بطني خلاني ارجع متر للخلف
لزمت بطني متوجعة ، كحيت ، وي كحتي اتقيئت دم !

يردون يتقربون مني ماخلوهم وشبعوهم كتل
خوب شمشون حتى سنه وگع من الضرب
عافو بالگاع يون واتقدمو لماريا
مسحت حلگي وزحفت إلها صرت گدامها رفعت راسي واردفت
- اني اتحمل عذابها عوفوها