Enduring a Thousand Tribulations [Shui Long Yin] MM Translation

Description

လျှို့ဝှက်ဆန်းကြယ်သော မြင်းလှည်းသည် ညဘက်တွင် လှည့်ပတ်သွားလာရင်း သေခြင်းတရားကို ထွက်ပေါ်လာစေသည်။ ယာဉ်မောင်းသူ၏မျက်နှာမှာ အစက်အပြောက်များစွာနှင့် စိတ်မအေးချမ်းသလို ဖြစ်နေပုံရသည်။ ထိုသူမှာ မည်သူပင် ဖြစ်ပါစေ ၎င်းတို့တွင် ကြောက်မက်ဖွယ်ကောင်းသော သိုင်းပညာစွမ်းရည်များ ပိုင်ဆိုင်ထားကြသည်။ ဤမြင်းလှည်းသွားသည့်နေရာတိုင်းတွင် လုယက်မှုများနှင့် လူသတ်မှုများ ဖြစ်ပွါးနေရာ သိုင်းလောကအတွင်း ဗြောင်းဆန်အောင် လုပ်နေသဖြင့် အမျက်ဒေါသများ ထွက်ပေါ်လျက်ရှိသည်။

ကောင်းကင်တိမ်တိုက် ဟု လူသိများကြသော ချီယွင် သည် အဆိုပါ မြင်းလှည်းနောက်ကို ခြေရာခံလိုက်ရင်း စွန့်ပစ်ခံထားရသော ဘုရားကျောင်းဆီ ရောက်လာခဲ့ရာ ထိုအမှုကို စုံစမ်းစစ်ဆေးနေသည့် အခြားသော သိုင်းပညာရှင်များနှင့် ကြုံဆုံကြသည်။ ချီယွင် သည် သူတို့အား လျှို့ဝှက်ဆန်းကြယ်သော မွန်မွန်ရည်ရည်ရှိသည့် လူငယ် ထန်လိစစ် နှင့် မိတ်ဆက်ပေးသည်။ မည်သည့်အကြောင်းကြောင့် မသိရပေ။ ထိုလူငယ်လေးသည် နို့စို့အရွယ်ကလေးငယ်တစ်ယောက်ကို ပွေ့ချီထားသည်။

အားလုံးကို ခြုံငုံကြည့်လျှင်တော့ ထန်လိစစ် သည် အပြောအဆို အမူအရာ ယဉ်ကျေးသိမ်မွေ့ပြီး ပြစ်ချက်မရှိ သန့်စင်သောလူသား၊ လူ့ကျင့်ဝတ်အားလုံး သိနားလည်ပြီး ချို့ယွင်းချက်မရှိသည့်လူ ဖြစ်သည်။ တစ်ခုတည်းသော ထူးခြားချက်ကတော့ သူထုတ်ဖော်မပြောတတ်သည့် လျှို့ဝှက် ဆန်းကြယ်ရောဂါတစ်ခုအတွက် နေ့တိုင်း ဆေးသောက်နေတာပဲ ဖြစ်သည်။

••••••••••••••••••

23/7/2024

ကိုယ့်ရဲ့ အဖိုးတန် စာဖတ်သူတွေကို အသိပေးစရာ ရှိပါတယ်။

ဒီဝတ္ထုက ရှည်ပါတယ်။ မပြီးဆုံးသေးပါဘူး။ ဘာသာပြန်ဖို့ စကိုင်တဲ့အချိန်က စာမျက်နှာ ၂၅၅ မျက်နှာ ရှိပါတယ်။ အခု ဒီစာရေးနေချိန်မှာ ၂၅၇ မျက်နှာ ရှိလာပါပြီ။ ဒီ novel က Black Moonlight holds be script လို စာလုံးရေ နည်းမနေဘူး။ အတော်များတယ်။ သူ့ထက် ၃ ဆ လောက် ပိုများတာ။ ဒီတော့ ဘာသာပြန်ရတာ အချိန်အတော်ယူရပါတယ်။ Black Moonlight လို ၄ ရက်နဲ့ ပြန်လို့ ပြီးတဲ့ အနေအထားမှာ မရှိပါဘူး။ ဘယ်အချိန်မှာ ပုံမှန်တင်ပေးပါ့မယ်လို့ အတိအကျ မပြောနိုင်ပေမဲ့ သေချာပြောနိုင်တာတခုတော့ ရှိပါတယ်။ အဲ့ဒါက ဒီဝတ္ထုကို ဘာသာပြန်တာ ဘာပဲဖြစ်ဖြစ် မရပ်ပါဘူး  ဆိုတာပါပဲ။

ကိုယ့်ရဲ့ဘာသာပြန် ဝါသနာအတွက် တခုလောက် ရှိနေချင်လို့ ဒီဝတ္ထုကို ရွေးလိုက်ရတာပါ။

Black Moonlight holds be script novel ကို စာပြင်နေတဲ့အတွက် ရံဖန်ရံခါ page တွေ update ဖြစ်နေပါမယ်။

အားပေးတဲ့လူတိုင်းကို ကျေးဇူးတင်ပါတယ်။