قتل خاطئ

العوده

" قتل خاطئ "
' الفصل العاشر '

لا شيء يوچُعني بعد هذا الرحيل

- محمود درويش

ـــــــــــــــــــــــــــــــــــــــــــــــــــــــــــ

فتحت عينها ببطئ و هي تشعر بأن رأسها سينفجر من شدة الألم اثر الصداع نظرت حولها فوجدت الجميع يُحيطون بها من جميع الجهات اعتدلت سريعًا قائله:

" عمر ، عمر مات؟ "

نظر لها «موسي» بحزن شديد فـ همت «منه» لتتكلم فقال «موسي»:
" ششش بس يا منه هتقوليلها ان عمر مات و الدكتور قال متقولوش ليها حاجه علشان هتتعب تاني "

نظرت إليه «ليلي» بصدمه:
" هو مين دا اللي مات ؟عمر مات؟ اكيد لأ أنت بتكذب عمر مامتش "

وقعت «ليلي» مره أخري مغشي عليها ، بينما نظر حوله وجد جميع النظرات له مشتعله و أخري موعده فقال بابتسامة بلهاء:
" أنا كنت بهزر هي اللي م بتصدق يغمى عليها "

نظر إليه «عدي» بنظره متوعده بينما وغزهُ «أنس» بذراعه:
" نفسي تبطل تفاهه "

عبست ملامح «موسي» بينما حاولت البنات  افاقة «ليلي» مره أخري ولكن دون جدوي و بعد قليل فاقت «ليلي» فقالت «ندي» سريعًا:
" قبل م يغمى عليكِ تاني عايزه أقولك إن عمر عايش والله و الدنيا ماشيه "

نظرت لهُ «ليلي» بغضب شديد و صرخت به:
" والله يا موسي لـ هقول لـ عمر لما يفوق علي اللي انتَ عملته فيا "

حك «موسي» ذقنه ببعض الرهبه :
" في ايه يا لولا أنا بهزر معاكِ ايه مبتهزريش "

قاطعهم دخول الممرضه قائله:
" مين هنا إسمها ليلي "

نظر الجميع إليها بخوف بينما قالت «ليلي»:
" أنا  ليلي،في اي "

قالت الممرضة:
" تعالي معايا اوضة التعقيم علشان أدخلك للمريض عمال يقول اسمك "

انتفضت «ليلي» سريعًا و ذهبت معها بينما قال «قاسم»:
"  شوفو الراجل أول م فاق قال اسم البت اللي بيحبها و إحنا صحابه بقالنا سنين و مفكرش يقول اسمنا"

نظر إليه «انس» قائلا بسخرية:
" إنتَ بتقارن نفسك ب ليلي عند عمر؟ ساذج"

اقتحم «اياد» الغرفه هو و «حنين» فقال «اياد» بخوف:
" في ايه يجدعان عمر ايه اللي حصله "

قال «موسي» بسعاده:
" ايه يا عريس عاش من شافك لازم يتقتلنا قتيل علشان نشوفك "

نظر إليه «إياد» بضيق:
" حد يبعد الكائن دا عن وشي و طمنوني عن عمر "

قال «عدي» :
" كويس الحمدلله بس هو حاليًا في العناية المركزة تحت الملاحظة هيعدي 24 ساعه بعدها هيتنقل اوضه عاديه "

تنفس «اياد» براحه بينما اقتربت  «مي» من «حنين» قائله:
" اي يا وليه هو من لقت جوزها نسيت صحابها ولا ايه "