បន្ទាប់ពីជុងហ្គុកចេញទៅផុតមួយសន្ទុះទើបថេហ្យុងដើរចេញពីបន្ទប់មក។
គេរៀបចំខ្លួនហើយៗតែមិនចង់ចេញមកដំណាលគ្នាចង់មកតាមក្រោយ។"បងថ្លៃ"គ្រាន់តែឃើញថេហ្យុងភ្លាមអានណាស្ទុះវឹបមករកគេទាំងសើចស្ញេញកៀកដើមដៃគេបណ្ដើរគ្នាចូលតុអាហារ។
"ថីនឹង??ពុលគ្រឿង Make up មែន?"រាងតូចបន្លឺដោយសម្ដីចាក់ដោត បើទឹកមុខវិញរឹងកំព្រឹសប៉ុន្តែក្រសែភ្នែកកាច។ជុងហ្គុកមិននៅផងគេមិនចាំបាច់អត់ទ្រាំទេត្រូវបញ្ចេញ បញ្ចេញមកហើយព្រោះពេលខ្លះពួកនាងគួរអោយចង់ទះតែយល់មុខជាប្អូនស្រីប្ដីទះមុខប្ដីមិនសមឥឡូវប្ដីមិននៅផងបានដៃគេហើយ។
"បងថ្លៃនិយាយអីចឹងអាក្រក់ស្ដាប់ណាស់"អានណាច្បូតមាត់ចូលគ្នាសម្លឹងគេម៉ក់ៗ
"ធ្វើធម្មតាៗតាមចរឹកធម្មជាតិនាងទៅមិនបាច់សម្ដែងទេប្ដីបងអត់នៅអត់មានពីណាជឿចរឹក Fake Fake របស់នាងទេ"ថេហ្យុងលើកដៃអោបទ្រូងពោលដោយសម្លឹងនាងចំៗធ្វើអោយស្រីក្រមុំរាងរអានឹងខ្សែភ្នែករបស់គេបន្តិច។
"បងថ្លៃនិយាយមកដូចស្អប់ខ្ញុំដល់ហើយ ដោយសារតែរឿងកន្លងមកមែន?បើដោយសារបែបនឹងអោយខ្ញុំសុំទោសផងបងថ្លៃដែលខ្ញុំធ្វើចរឹកមិនល្អដាក់បងខ្ញុំដឹងកំហុសហើយ"អានណាទម្លាក់សម្លេងចុះព្យាយាមធ្វើមុខកំសត់អោយរាងតូចជឿតែគេបែរជាផ្តុះសំណើចទាំំងហួសចិត្តទៅវិញ÷
"ហ្ហឹសៗសមដល់ហើយតែនៅស្ទើរបន្តិច ទៅរៀនសម្ដែងម្ដងទៀតទៅ"
"ខ្ញុំមិនបានសម្ដែងទេបងថ្លៃ ខ្ញុំពិតជាដឹងខុសពិតមែន បើបងថ្លៃមិនជឿខ្ញុំលុតជង្គង់ក្រាបសុំទោសបងក៏បាន"លឺនាងនិយាយដូចនោះថេហ្យុងគិតបន្តិចលើកចឹញ្ចើមម្ខាងឡើងទាំងញញឹមរួចក៏និយាយ÷
"អូខេ!លុតជង្គង់ក្រាបសុំទោសយើងមកអញ្ចឹងក្រែងយើងចិត្តទន់មិនរំឭករឿងនាងបន្ត"អានណាចាប់ផ្ដើមអេសអុញធ្វើអីមិនត្រូវព្រោះនាងគិតថាថេហ្យុងមិនហ៊ានតែគេ..គេបែរជាអោយនាងធ្វើមែន???
រីឯអ៊ុនប៊ីដែលអង្គុយក្បែរនោះក៏លូកមកកេះដៃស្រីស្រស់តិចៗដោយសេញ៉ូភ្នែកព្រោះគម្រោងការពួកនាងកំពុងជិតសម្រេចហើយបើអានណាមិនព្រមថេហ្យុងមិចនឹងជឿ?
YOU ARE READING
ភរិយាព្រៃផ្សៃ
Short Storyអូនចង់ធ្វើបាបបងជារឿងរបស់អូន រីឯបងស្រឡាញ់អូនជារឿងបង សរសេរដោយ: វ៉ារេន 06/06/2024