لاتقارنين حبي لك بأي مخلوق انا حتى بغيابك احبك

Part 31

سبحان الله وبحمده سبحان الله العظيم ♡

البنات جالسات بالارض وفاقدات الامل بالوجد ..
شيهانه متكيه على الدريشه تراقب اي حركه للوجد
شيهانه : بنات وربي بديت افقد الامل فيها
شروق : بنات شكلها يبكي ماتوقعت الوجد تكون بين الاجهزه
جوري : تقوم ان شاء الله
العنود : بنات صدق جاني سؤال الحين فيصل يحبها اضعاف اضعاف حبنا للوجد كيف صامد كذا ولاانفجر
جوري : تقولين مانفجر؟ خنق شيخه وتقولين ماانفجر
العنود : اقصد زينا يبكي يفضفض شي مو طبيعي احسه ريبوت بلا مشاعر
شيهانه تنهدت بضيق والتفتت : ريبوت بلا مشاعر؟ سمعتي دعائه للوجد اخر اليل يتقطع قلبك تسمعين الغصه بصوته او تشوفين ملامحه المختفيه من الضيق والهم واخرتها تقولين عديم مشاعر؟ اساساً من يتكلم معك والغصه مو قادر يطلعها انتي بتبكين بداله !
شروق : بنات الموضوع يحزن مرهه انتي شيهانه حاولي تخلين اخوك يفضفض لك لايكتم
شيهانه جلست بالارض ومسحت على شعرها : فيصل من كان نونو صغير كانو يهاوشونه اذا بكى الين صار يكتم
شهقت شروق وحطت يدها على فمها : كيف يعني ماكان يبكي؟
شيهانه : كان عيب يبكي يقللون من رجولته اذا بكى رغم انه نونو صغير
العنود : تريبه الشيبان مشكله
شيهانه امتلت الدموع بمحاجر عيونها على حال اخوها فيصل الي صار كتله حطام وصمت قامت ونطقت : بنات خلاص قفلو على الموضوع فيصل رجال مايبكي
سكتو البنات من لاحظو تغير بنبره شيهانه
وقفت وتناظر الوجد بضيق وتناظر فيها بقله حيله وفقدان الامل
سرعان ماتحولت ملامح شيهانه من ضيق الي فرحه
صرخت بفرحه : الوجد تتحرك بناتتت تعالو شوفو
قامو البنات وقفو جنب شيهانه يناظرون الوجد وشافو حركه بسيطه واستبشرت وجيههم بفرحه وحضنو بعض ونطقت شروق : بنادي الدكتور المشرف عليها
جوري : تمام
راحت شروق والبنات ينتظرون الوجد تتحرك ثاني مره
جاء الدكتور يركض ودخل على الوجد وفعلاً شاف حركه بسيطه منها ابتسم بوسع ثغره : صحت !
شيهانه : طمني
الدكتور : بننقلها للغرفه العاديه وتقدرون تشوفونها
العنود بأبتسامه : تمام مشكور ماتثصر
،
المركز
فيصل جالس بالمكتب ومعه اوراق قضيه ماجد وشيخه
العسكري : المتهم ماجد وشيخه اخذنا افادتهم بس مانقدر نحكم عليهم
فيصل عقد حواجبه : ليش المفروض اعدام !
العسكري : خالصين منها هذي بس القانون لازم ياخذ افاده المخطوفه الوجد بنت تركي
فيصل : طيب كل شي واضح ليش ناخذ افادتها ؟
العسكري : ضروري يمكن تقول شي المجرمين كاتمينه
فيصل : يعني القصه مطوله
العسكري : بس تصحى ناخذ افادتها ونحكم على شيخه وماجد وتنتهي القضيه ان شاء الله
فيصل تنهد : ان شاء الله
،
الغرفه العاديه
الوجد فتحت عيونها بتعب وسكرت عيونها وفتحتها تستوعب هي وين همست : انا وين ؟
شيهانه طلت بوجهه الوجد : ماتشوفين شر ياحرم فيصل
الوجد حاولت تقوم : شيهانتي
رجعتها العنود : ارتاحي
الوجد بتعب : فيصل وين
شروق : يالعوبا اسألي عننا مو عنه
الوجد ابتسمت ابسامه باهته ومسكت راسها : راسي يعورني
جوري : الحمدلله على السلامه جوجي
الوجد: الله يسلمك
شيهانه : بتصل على فيصل يجي بلياه مارقد ٥ ايام
الوجد : لااله الا الله خمس ايام ليش سهران؟
جوري : خايف عليك البطل المغوار
العنود : بطلك المغوار ياجوجي ماراح من عندك الين طردوه المستشفى
الوجد ابتسمت والتزمت الصمت
شيهانه طلعت فستان الوجد الوردي الي لبسته الوجد وقابلت فيصل لاول مره : يلاا حبيبتي اعيدو الذكرى فيصل بيجي بنات تعالو ساعدونيي
الوجد : لاتكفين تعبانه
تجاهلوها البنات ولبست الوجد الفستان وحطو على شعرها فيونكات وبما ان ملامحها تعبانه عدلوها بالميكب الخفيف
رفعت جوالها شيهانه ونطقت : فيصلوه
فيصل : وش تبين خلصيني مشغول والله
شيهانه : فيصل حول لي بشاره ابي ٥٠٠﷼ وفوقها ١١﷼ كم المجموع عاد انت افهمها
فيصل : اي ابشري اذا كان الموضوع يستاهل اعطيك
شيهانه : دلوعتك صحت تدورك ياخوي
فيصل وقف ونطق بفرحه : ابك اصبري صادقه انتي؟
شيهانه بضحكه : ايي والله
فيصل بفرحه : يشيخه مو بس اعطيك خمس ميه بعطيك صرافتي
شيهانه : اشهدو يابنات بيعطيني صرافـ..
قطع كلامها من قفل فيصل الخط
ضحكو البنات وغمزت العنود : بنات خلونا نترك طيور الحب لحالهم
البنات فهمو وطلعو
الوجد ارخت ظهرها بتعب وكل خليه بجسمها تعبانه غمضت عيونها
بضع دقائق وجاء فيصل يركض : وينها
شيهانه : بقلبي
فيصل : ياليل شيويهين مو وقتك انجزي
العنود : وراك بالغرفه
فيصل التفت للغرفه وابتسم ودخل بهدوء ونطق بفرحه : وجدي
الوجد فتحت عيونها ونطقت بفرحه : فاصولياء ياحيوان وحشتنييي
تقدم فيصل وحضنها على الخفيف عشان مايعورها شي : عيون فاصولياء انتييي
الوجد بادلت فيصل الحضن وحضنته بشوق : افف وحشني الحضن
فيصل ابتعد عنها وجلس على طرف السرير ومسك يدينها : شلونك ووش يوجعك؟
الوجد : الحمدلله بخير انت كيفك ؟
فيصل : توي صرت بخير يوم شفتك
الوجد نزلت انظارها ليدين فيصل الي ماسكتها ونطقت : النونو باقي ببطني ؟
فيصل تنهد ومسح على شعرها : في بطل من ابطال روايه الغامضه يقول الورع بداله ورع لكن الوجد مالها بديل
عقدت حواجبها ونطقت : كيف مافهمت ؟
فيصل بحنان: وجدي يابوك الجنين بيجي بداله
الوجد اتسعت عيونها بصدمه وخوف وانجن جنونها وكل تفكيرها كيف ولدها مات
شالت المغذي وصرخت بعلو صوتها : الله ياخذك ياشيخه
فيصل مسك عضودها وحضنها عشان تهدى
الوجد تحاول تبعد عنه وهي تبكي : بعد عني بروح لشيخه
فيصل شد عليها الحضن والتزم الصمت
الوجد ارخت نفسها بحضنه وسمحت لدموعها تنزل بغزاره
فيصل دفن وجهه بشعر الوجد ويدينه محاوطه ظهرها نطق : ياعين ابوك خلاص راح يابوك هذا المكتوب مانقدر نعترض على المقدر والمكتوب
الوجد بدموع : ماعترضت والحمدلله على كل حال بس من قهري انفعلت
فيصل بضيق : لاتضيقين عمرك ارتاحي
الوجد بدموع : قلبيي محروق كيف كذا تفرط فيني ببنت اخوها من لحمها ودمها فيصل تكفى تعبت
فيصل تنهد بضيق ورجع الوجد لسرير وغطاها وشد على يدها : ادري تعبتي وشقيتي بحياتك بس صدقينيي ماراح اتركها وبسوي كل الي علي عشان تاخذ جزاها
الوجد رفعت يدها على وجهها تغطي وجهها بيدها واستمرت تبكي
قام فيصل وطلع من الغرفه ونادا الممرضه تجي
الممرضه : شفيها؟
فيصل : عطيها مهدئ او منوم تعبانه البنت
الممرضه : تمام في محقق ينتظرك
فيصل هز راسه برضى ودخل ورا الممرضه
الوجد ناظرت الممرضه وناظرت فيصل وعقدت حواجبها ونطقت : شفيني بعد
فيصل بحنان حط يدينه الثنتين على وجهها : مافيك شي يابوك بس انك شلتي المغذي بترجع تحطه
الوجد ناظرت عيون فيصل بشوق وتمعن وتدريجياً قفلت عيونها بسبب المنوم
فيصل قبل جبهتها بحب وابتسم وطلع وواجه البنات ونطق : ارجعو البيت بشروهم
شيهانه : بنجلس هنا
فيصل ؛ تعبانه صعبه تجلسبن روحي وقولي ل اهل البيت لايجون اليوم بكرا يجون
العنود : تمام يلا بنات امشو
وراحو البنات وجاء المحقق : العميد فيصل اذا تقدر تسمح لنا ناخد افاده الوجد بنت تركي
فيصل انصدم بالبدايه من المحقق الجديد ولكن تجاهل: تعبانه ماتقدر تنطق بحرف اذا تقدرون بكرا تجون
العسكري : ضروري اليوم عشان نحكم على ماجد والمتعاونه معه شيخه
فيصل : اقولك الوجد تعبانه تعبانه الزم ماعلي صحتها ياخوي ماقدر اضغطها اجلو موضوع ماجد شوي الين اتفرغ له
المحقق : تمام بلغنا متى ماصارت تمام نجيها
فيصل هز راسه بالموافقه ودخل غرفه الوجد ..
،
المزرعه تحديداً المجلس
الكل جالس بالمجلس يتبادلون الحديث عن الوجد
ابو الوجد : انا والله باخذ بنتي وابتعد عن الديره
ابو نواف ؛ انت صاحي؟ فيصل مايخليك !
الجده : مو قبل كم يوم اعتذرت من فيصل شجاك عليه اليوم؟
مازن ؛ معليش ياخوي قبل من يوم جاي لفيصل ومقدم له الاعتذار مايصير اليوم تجي وتقول باخد الوجد وبمشي
فهد :نعم هذا صحيح، أوافق مازن الرآي ! ليس من الصحيح أن نقول هذا لشخص متزوج لايصح ابداً ان نقول لفيصل سنأخذ زوجتك منك فأن فيصل شخصيه لاتتحمل كلاماً مثل هذا القبيل ومن المحتمل تحدث رده فعل سيئه جداً اتجاهك !
الجد : والله مادري ياولدي انا قبل كم يوم معتذر لفيصل وكلمتي ماثنيها خلاص اعلنت الصلاح مقدر اضر فيصل وحرمته اكثر من كذا يكفى سوات شيخه
ابو بتال : صدق ابوي بهالكلام خلاص من البدايه تزوجو محد له احقيه يتدخل بينهم الا بحال وحده اذا اشتكت الوجد من فيصل بهذا الوقت يمكن انك تتدخل
ابو الوجد : صحيح اعتذرت لكن مااعلنت الصلاح والتسامح باخذ بنتي وبروح
الجده : رجعنا على طيري يالي ابك انت توحي وتقول؟
ابو الوجد : اي اوحي بنتي وانا ابخص فيها
مازن : يولد لاتجني على نفسك ترى فيصل هالفتره مجنون وزي ماشافت عينك بغى يذبح اختك شيخه بين يدينه ! لاتجني على نفسك
ابو نواف : لاتحط دوبك بدوب الولد لاتحده يمد يده وانا ماودي ولدي فيصل يمد يده على عمه
مازن قام : اسمحي لي ياخوي اقول لك حفرت قبرك بيدك
ابو الوجد : مابقى الا انت تعلمني من الصح والغلط فارقني
مازن : والله ياخوي في هذا البيت الصغير اعقل من الكبير
ابو الوجد بنبره غضب : شقصدك ؟
مازن : قلبها براسك يمين شمال تفهم يلا سلام
طلع مازن لكن استوقفته جوري وهي تمسك يده ودخلته للمجلس وتنطق : ابشركمم
ابو بتال : وش
جوري بفرحه : الوجد صحتت
العنود : بس فيصل يقول لاتجونن بكرا تعالو
ابو الوجد : تقولينه صادقه يبنتي الوجد قامت؟
شيهانه لازال بقلبها كرهه : ايه قامت ي ابوها
ابو نواف قرص شيهانه بخفه بمعنى " خلاص" !
الجده فزت بفرحه : ودوني لها يوليدي الحق يمازن ودني لها
مازن يحك راسه بفرحه محد يعرف ليش كان يحك راسه : ابك انتم صادقين وجيد قامت؟
العنود : ايوه صحتتت بس فيصل يقول لاحد يجي يفصل راسه قد اعذر من انذر
ابو نواف حضن ابو الوجد وهمس بأذنه : اولاً الحمدلله على سلامه بنتك ثانياً ان كانك تبي سعاده بنتك خلها مع حبيبها ورجلها فيصل عاشت معه احداث كثيرهه وقاسيه مستحيل تتركه بلحظه وفتره قصيره ولافيصل يتركها مادامها متمسكه فيه ولدي واعرفه لاتتعب نفسك ولاتتعب عيالنا
ابو الوجد : الله يسلمك لكن بنتي عاشت اشياء كثيره معه صح ماختلفنا ولااسمح تعيش بأحداث تشيب الراس وباخذها وبوقف بوجهه فيصل وبقول له ان كانك تحبها وتعزها اتركها تعيش حياتها زي ماكانت !
ابو بتال سمعهم ونطق : يرجال اتركهم خلاص مو طبيعي حياتهم من مشكله لمشكله تحب بنتك؟ خلها مع من تحب لاتحرمها !
العنود : بنوتات امشو نبشر الحريم
شيهانه : يلا
وطلعو البنات وانسحب مازن بيروح المستشفى متجاهل تماماً كلامهم الي قالوه ممنوع زياره الوجد لكن من شوقه لبنت اخوه الي اقرب له من اخته وتوأمه العنود
الجده والجد جلسو والفرحه مو سايعتهم
اما ابو بتال وابو نواف يهدون بـ ابو الوجد !
،
المستشفى - غرفه الوجد .
فيصل جالس بالكرسي الي عندها وماسك يدها وغفى من تعبه
اتصل جواله وفز من نومه ومسك جواله وشاف الاسم وتنهد بضيق ورد : هلا
المحقق : العميد فيصل اتضح لنا اشياء جاهلين فيها
فيصل تعدل ونطق : عن اي موضوع تتكلم؟
المحقق : في جثه متوفيه بحادثه خطف الوجد ومو قادرين نحدد مين الي قتل هذا الحارس !
فيصل بلع ريقه بتوتر لان الوجد هي الي قتلت الحارس وفيصل خبى السلاح عشان مايصير لها شي : يمكن طلقه طائشه من ماجد وعصابته
المحقق : سألنا ماجد يقول الوجد هي الي مسكت السلاح واطلقت على الحارس كدفاع عن فيصل الي هو انت
فيصل : يبوي الوجد ماتأذي نمله كيف تمسك سلاح!
المحقق : ماعلينا من هذا الشي الغريب ان مافي اي اثر لسلاح الي قتل الحارس !
فيصل يحاول قدر المستطاع يبعد الشبهات عم الوجد : اقول لك طلقه طائشه صدقنيي ماجد يبتلى عليها
المحقق : والله مدري واش اقول لكن جانا امر ناخذ الوجد للتحقيق يمكن لها يد بهالموضوع
فيصل بنفاذ صبر : يادمي الوجد مجرد ضحيه لااكثر ولااقل استوعببب البنت مخطوفه ومسمومه وتقول لي ناخذها للتحقيق؟
المحقق : مو بيدي هذا الشي لازم واجباري نحقق معها
فيصل رفع حواجبه : وان قلت لك مستحيل تحققون معها وش بتسوي؟
دخل مازن ونطق : الوجد
فيصل رفع يده لـ مازن بمعنى "لحظه" وجلس مازن وانصت لكلام فيصل
المحقق : فيصل لاتدخل نفسك بأمور مالك دخل فيها
فيصل بغضب : لا لي دخل ولي كامل الاحقيه ادافع عنها لانها ضحيه ومظلومه وجاي بكل برود تبي تحقق !
المحقق : اليله بنجي ناخذ افادتها ونحقق معها
فيصل : هذا اذا قدرت توصل لها يلا سلام
قفل الخط بعصبيه وتنهد : لاحول ولاقوه الا بالله
مازن : شفيك لايكون صاير شي بالدوام؟
فيصل ارخى ظهره على الكرسي : المحقق ضغطني
مازن : فيصل ترى حنا موب لعبه المتاههه والالغاز قل لي بدون الغاز
فيصل : يوم حنا نداهم ماجد بننقذ الوجد تهورت انا ودخلت بالغرفه الي فيها الوجد والمفروض معي عساكر بس محدثك متهور وكفخت ماجد وكسرت اصابعه ومسحت بكرامته الارض ماعلينا بلحظه دخل حارس من حراس ماجد وصار وراي والسلاح براسي والوجد خافت وقتها واخذت سلاح ماجد كان عندها واطلقت على الحارس وعطانا عمره ادركت غلطتها واخذت السلاح وخبيته والحين العساكر يدورون السلاح ويبون يحققون للوجد
مازن شهق بصدمه : لحظه دقيقه كل هالاحداث صارت بالوجد يولد انا رجال ماتحمل كيف تحملت! بعدين تعال ليش اخذت السلاح
فيصل : اخذته خفت عليهاا مابيها تروح ورا الشمس وهي عمرها ببدايه العشرين والله صغيره حرام ملفها يتلطخ بالقضايا !
مازن ؛ تمام كثر خيرك بس جاني سوال وخايف عليكم لو حصلو السلاح معك وش مصيرك!
فيصل : وقتها بغطي على الوجد وبمسح بصماتها من السلاح ويحصلون بصماتي وبكذا تنتهي مسيره العميد فيصل
مازن : ولد تستهبل خلاص عطيني السلاح انا اشيل عنك ولد تراك عميد انا طالب معليه هات السلاح
فيصل : لا مستحيل انت بعد باقي وراك حياه
مازن : فيصل لاتجلطنييي عطيني السلاح
فيصل : بالله مازن لاتصدع براسيي اذا انا غطيت على الوجد عشان مايصير لها شي كيف تبيني اعطيك السلاح تستهبل؟
مازن : ركز معي انت عميد ولك منصب ولك زوجه مثل الورده تحبك وتموت فيك وان شاء الله يعني بالمستقبل يصير لك ولد من الوجد انا لازلت طالب لاني موظف ولاني متزوج ولاعندي اطفال
فيصل : عندك شروق وعندك اب وام وعندك فيصل الي يحبك ويغليك وعندك بنات اخو يحبونك فكر فيها
مازن ؛ شروق لو اجيب لها القمر ماراح يصير نصيب بيننا وامي وابوي شبعانين مني وفيصل يتحمل وبنات اخوي انت تعوضهم
فيصل : وعلى اي اساس ان مافي نصيب بينكم؟ مثل مافارس اخذ اختك بعد محاولات بتاخد شروق من اول محاوله بعد انت استهدي بالله وشل فكره السلاح من راسك لااسطرك عاد اعقل
مازن : فيصل امنا بالله خل موضوع شروق على جنب فيصل يرحم والديك لاتهلك نفسك
فام فيصل بضيق ونطق : لاتغثني يامازن على مغثتي ترى ضايق حتى من ثوبي
طلع فيصل من الغرفه وسكر الباب وراه وتنهد مازن والتفت يناظر الوجد : ورعه انتي متى تقومين وتسيطرين على رجلتس؟ جننا هالمهبول قومي وسطريه تفكين خليه يهجد ومايتهور
تنهد مازن من ماحصل اي رده فعل من الوجد سوى النفس فقط
تنهد وطلع
،
الملعب ..
البنات بعد مابشرو الاهل قررو يجلسون بالملعب ويعزمون شروق ويلعبون ويقضون هاليله لعب وضحك بمناسبه سلامه الوجد
شيهانه : والله بنات خير اشتقت لصياح الوجد
العنود تاكل الفراوله : منجد بنات !
جوري : شروق جت
شيهانه : صدق؟
العنود قامت : ياهلا ب شريق
شروق تلوح بيدها بمعنى "هاي "
شيهانه : اقلطيي
جوري : سبحان الله مثل اخوك كل من هب ودب قلطه
شروق جلست جنب شيهانه والعنود : بنات احس خلاص طفح الكيل
شيهانه ؛ ليش شصاير؟
شروق : بنات لي فتره ساكته مابغى اخرب تعاونكم مع ام صبحي بس بنات تعبتت تعرف عني كل شي وانا ماعرفها
العنود بلعت ريقها : تتصل عليك؟
شروق : ايوهه بس ماني عارفه من هي ووش غايتها
جوري بفضول : بنت طيب وش موضوعها؟
شروق : تلح وتصر تخطب لي مازن
شيهانه شرقت : مازن ماغيره؟
شروق : ايوه يعزتي له المسكين يخطبون له وهو مايدري
جوري بهمس : انتي المسكينه والله ماتدرين انه هو نفسه
شروق : جوري شفيك تهمسين؟
جوري ضحكت تلطف الجو : لا وين اهمس بس استغفر ماتوقعت من ام صبحي تخطب لك
شيهانه : لاتردين عليها
شروق : ماقدر تزعجنيي اذا مارديت تتصل مليون مره وحابه اعرفها بنات منكم بلعن خيرها
العنود : احسن لك لاتعرفين
شروق ؛ بنات! لاتخبون علي قولو لي من هي
شيهانه ترقع الموضوع : عجوز كانت تشتغل خطابه وحدتها الضروف تشتغل معنا
شروق : طيب وين بيتها ؟
جوري بزله لسان ؛ هنا
شروق عقدت حواجبها : مافهمت
العنود : تقصد انها بالديره
شروق : عارفــ...
جاها اتصال على جوالها من "ام صبحي ونطقت بملل : الطيب عند ذكره هذهي
شيهانه : عطيني الجوال العن خيرها
العنود : معليك بنتواصل معها وبنلــ...
قاطع كلامها ضحكه الشماته من ورا البنات والتفتو حصلو مازن يضحك ومعه الجوال : ياحليلك
شروق من الصدمه فتحت فمها : هاه؟
مازن شبك يدينه : حاب اعترف لك امام الملا اني احبك
شيهانه رمت زنوبتها على مازن : اخيه استح على وجهك
شروق : ي بجيح كل هالفتره طلعت انت!
مازن : من حبي لك ينعجه
شروق قامت : النعجه انت ياخروف
مازن ارسل قبله بالهوا : معك مؤسس الخرفان اذا ماتعرفين انا كبير الخرفان من بعد الخروف فيصل يعني اذا ماتعرفين
شروق دفت مازن ونطق : يادمي انت مستوعب ان كل هالشهور تلعب علي
مازن ضحك ونطق : ابك انتي صاحيه؟
شروق ؛ ماني صاحيه يوم شفتك
شيهانه : يامؤسس الخرفان خير تتصل عليها ؟
مازن بكل برود تقدم وجلس واخذ العصير وشرب منه : يابو الشباب هدي من روعتس وخليني ابرر لكم
العنود مسكت راسها : يام صبحي انت مستوعب ان لو ابوي عرف ينحرك
مازن تكى ونطق ببرود : ادري عشان كذا تواصلت معها بصوت عجوز
جوري تلبس شوزاتها: حبيت في علوم انقلها
شيهانه مسكت جوري : لا اصبري هذي فضيحه للجماعه اهجدي
مازن يتلذذ بالبسكوت : اممم لزيز هالبسكويت مين سواه؟
شيهانه : نعجتك
شروق : وجع شيهانه
ضحك مازن واختفت ضحكته من شاف شروق تقدمت ونطق : جاك الموت الزبنه ياعيال
قام بيهرب بس شروق شدت شعره : تعال برر
مازن رفع يدينه : شوفيني شاطر رفعت يديني عشانك ماتحلين لي
شروق استوعبت وشالت يدها عنه واعطته شلوتي برجلها
مازن ضحك : يمامي ياقطه انتي وش هالضربه الخفيفه
العنود : هذا بأصعب الاوقات يضحك
شيهانه تعزز ؛ شروق حيلك فيه
واستمر وضعهم مازن يركض وشروق وراه تبغى تضربه
،
المستشفى بعد اذان العشاء ..
فيصل بعد ماتهاوش مع المحقق رجع للمستشفى ودخل على الوجد وهو معقد حواجبه بعصبيه واول مالمحها انفكت عقده حواجبه واستبشر وجهه بالسعاده ونطق : ياحبيبتيي انتي صحيتي
الوجد : صاحيه من زمان وينك انت ؟
فيصل تقدم : خلصت كم شغله مازن وينه؟
الوجد عقدت حواجبها : مازن؟ ماشفته
فيصل: اهخ ياربي من هالمازن طلعت من عندك على اساس يجلس عندك
الوجد : عاديي
فيصل جلس على طرف السرير ونطق : لامو عادي اخاف احد يجيك
الوجد ابتسمت : في شي تحت لسانك قل وش عندك
فيصل : حلووو صايره تعرفيني من نظراتي
الوجد : اكيدد بعرفك
فيصل مسك يدين الوجد ونطق : اسمعي حاولت وتهاوشت مع المحقق عشان مايحقق معك بس ابيت بالفشل لان اجباري يحققون معك
الوجد بخوف : ليش شسويتت
فيصل : يابوك انتي اسمعيني زينن اول شي بياخذون افادتك وضروري تقولين كل شييي لكن اذا قالو لك انتي قتلتي حارس ماجد قولي لا !
الوجد استوعبت ونطقت: انا قتلته !فيصل صدق انا اتذكر اني اطلقت النار عليه فيصل
فيصل حط يدينه على وجهه الوجد : ماطلقتي على احد انتي وجديي ركزي مااذيتي احد ماذبحتي احد
نزلت دموعها ونطقت : ضروري اقول لهم اني انا قاتله !
فيصل مسح دموعها بأصابعه ونطق ينفي كلامها : ماقتلتي احد وترى اذا قلتي الكلام هذا للمحقق بتروحين فيها
الوجد بدموع ورجفه حطت يدها فوق يد فيصل الي على وجهها : مايصير لازم اخذ جزاي
فيصل : ترى ان قلتي كذا بقول انا الي قتلت حارس ماجد والله ياوجدي ماخلي ملفك يتلطخ ولو على حساب نفسيي
الوجد بدموع : لا فيصل لاتسوي كذا انت ماقتلت احد لاتغطي عني انا استحق على تهوريي
فيصل بنبره تهديد : وجد ان قلتي شي للمحقق بزعلك ترى وبغطي عنك وباخذ السلاح واسلمه للشرطه ويحصلون بصماتي وادخل السجن
الوجد هزت راسها بنفي ودموع : مستحيل فيصل تدخل السجن ظلم !
فيصل رفع حواجبه بتأكيد لكلامها : بدخل السجن اذا كان الموضوع يضرك
الوجد ارخت كتوفها: فيصل لاتعدم نفسك
فيصل حضنها ونطق : اذا ماتبيني اعدم نفسي لاتعترفين على نفسك لاوالله اخذ قضيتك انا وتصير براسي
الوجد شهقت وهي تبكي : لاتقول كذا
فيصل عض على شفته بضيق وهو يسمع شهقاتها
طق الباب ورفعت راسها الوجد ونطقت بخوف : المحقق؟
فيصل : زي ماقلت لك لاتتكلمين
قام عنها واتجهه الباب وفتحه
المحقق ابتسم ابتسامه جانبيه دليل على انتصاره على فيصل ونطق : قلت لك لاتدخل نفسك بأمور اكبر منك
فيصل بغضب : اخلص حقق بسرعه واطلع
دخل المحقق والعكسري وفيصل
جلس المحقق بالكرسي الي عند الوجد والعسكري واقف عند الباب وفيصل واقف ورا العسكري
نطق : شلونك ي اختي
الوجد : بخير
المحقق : جاي اخذ افادتك
الوجد هزت راسها بالرضى وقالت كل شي مااخفت شي عن المحقق لكن المحقق مستقعد وحالف يطلع الوجد مجرمه نطق المحقق بـ : وش صار يوم حارس ماجد صوب السلاح على راس فيصل من ورا ؟
فيصل رص على اسنانه بغضب لانه قاعد يستدرجها بالكلام على اساس انها افاده مو تحقيق بس هو قاعد يحقق معها
الوجد رفعت انظارها تشوف تعابير فيصل عشان تفهم عليه
فيصل عقد حواجبه بغضب ينبهها ماتعترف
نطقت الوجد وهي تناظر لعيون المحقق : وقتها فاقده الوعي اذا ماكنت تعرف
ابتسم فيصل بأنتصار وحط يده على كتف المحقق : خذيت الاجابه منها تقدر تتوكل
المحقق بغضب : انتي قتلتيه وراح اسوي المستحيل وش هالتسيب عشانك زوجه عميد تسوين الي تبين؟
فيصل مسك المحقق من عضده ونطق : توكل بس
فيصل فتح الباب وطلع المحقق ونطق : يلا مع السلامه ي محقق
وسكر الباب والتفت للوجد وتقدم لها وقرص خدودها بخفه : وش اسوي فيك انا يوجدي ؟ احضنك ؟ قبله الحب؟ ياعينييي على المجرمه الكذابه الي تضبط الكذبه
الوجد ضحكت ونطقت : وش اسوي خوفتني بنظراتك لو كانت سهم ل صابتني ومتت !اكلتني بالنظرات
فيصل حضنها : يابعد قلبييي خفت انك تكبين العشاء وتقولين كل شي !
الوجد بادلت فيصل الحضن : شوف لولا الله ثم نظراتك كان انا معترفه
فيصل ضحك ونطقت الوجد وهي تبتعد عن حضنه : متى اطلع؟
فيصل : ابك لو تبيني اطلعك الحين طلعتك
الوجد : لا ابغى متى اخر شي اخاف تكون في مضاعفات
فيصل قام : دقيقه بسألهم واجيك ياويلك تتحركين يلا انسدحي ارتاحي
الوجد : تمام
طلع من غرفتها وقابل الدكتور بوجهه ونطق: جابك الله
الدكتور رفع راسه عن الاوراق الي كانت بيده : اوه فيصل كنت جايك ببلغك عن اشياء تخص الوجد
فيصل : طميني يادكتور لايكون فيه مضاعفات للسم؟
الدكتور : والله ي فيصل جسمها لازال مسموم وحنا برضو لازلنا ننظف جسمها لكن تحتاج تجلس عندنا اقل شي اسبوع
فيصل بصدمه : اسبوع؟ يادكتور اسبوع كثيره تعبت ابيها بالبيت
الدكتور : جرعات السم الي شربتها في الاونه الاخيره كبيره واثرت على جسمها بشكل كبير وهي جسمها هزيل مايحارب تماماً يحتاج فتره عشان تتعافى! ي فيصل اذا اهملت الموضوع ترى بيصير مضاعفات وكل شي بيصير عكسها ولو تدري ايش بيصير لو اهملتها بيشيب راسك انتبهه لها
فيصل عقد حواجبه بضيق : لاحول ولا قوه الا بالله طيب ولايهمك لو الطعها شهر هنا ماعندي مشكله اهم شي ترجع لنا الوجد طيب دكتور بطلب منك طلب
الدكتور : تفضل
فيصل : ياليت يعني محد يقول لها هالكلام اذا ماعليك امر اي شي يصير تقول لي لاتروح تقول لها بالله يالدكتور بلياه نفسيتها معدومه
الدكتور : مو مشكله وببلغ الطاقم الطبي بالموضوع هذا
فيصل بأبتسامه : يعطيك العافيه يادكتور مشكور ماتقصر
الدكتور : هذا واجبنا
ابتسم فيصل وراح الدكتور ودخل فيصل على الوجد ونطق : ام العيال
الوجد عقدت حواجبها ونطقت بممازحه : وش هالتغير الي صار ؟ كنت مدلعه اسمي وجدي والحين صرت ام العيال
فيصل ضحك : اي شعرفك انتي ام العيال والبنات بعد
الوجد : متى اطلع ؟
فيصل نطق بكذب : رحت اسال الدكتور قالو راح يجي بكرا اساله بكرا
الوجد ضيقت عيونها بشك : عويناتك عوينات الكذوب
فيصل تقدم وجلس: افا المهم ماعليك من هالموضوع شرايك اول ماتطلعين ان شاء الله يعني نهجر المزرعه ؟
الوجد : كان ودي بس الحين ماودي
فيصل : افا ليش ماودك
الوجد هزلت راسها: البنات قالو لي كل شي رجع لمجراه وبابا وماما وجدي اعتذرو
فيصل : يابنت يقولك المسلم لايلدغ من الجحر مرتين وانا انسان حريص على من احب ومابي ولا واحد بالميه يصير زي الي صار ! قلبي مايتحمل الي صار زين ماتوقف
الوجد : فيصل خلينا نجرب شهر يمكن نتعود
فيصل شد على يد الوجد : ليش تسامحين كذا بهالسهوله ترى يعدمون قلبك
الوجد اجتمعت الدموع بمحاجر عيونها : فيصل اشتقت للهدوء والطمأنينه بليز فيصل ابغى ارجع لهذي الحياه
فيصل : تبين الهدوء والطمأنينه خلينا نسافر لو برى البلاد
الوجد هزت راسها بالنفي : مقدر فيصل تكفى خلينا نجرب شهر بس
فيصل ميل شفايفه بقله حيله مايدري وش هالاصرار بأنها تعيش ببيئه غير مناسبه !
الوجد : اذا تحبني خلينا نجلس كم شهر نشوف الاوضاع
فيصل : اكيد احبك ومافي شي يوصف محبتي لك لكن هالشي الي قاعده تطلبيني صعب
الوجد : تقدر فيصل بس شهر
تنهد فيصل : وان فقدتك بهالشهر ؟ بعيد الشر يعني
الوجد : مابتفقدني ان شاء الله
فيصل : كيف مافقدتك وانا تعذبت وتحسرت ب خمس ايام بس خمس ايام غايبه عن عيوني احس اني متت بهالخمس ايام !
الوجد حضنت فيصل : طيب هذا انا قدامك
فيصل تنهد والتزم الصمت
الوجد انسدحت وصار راس فيصل على صدرها
"يجماعه استحيت احس مقدر اكمل رومنسيه!"
فيصل ابتسم ونطقت الوجد : شكلك مانمت
فيصل : ماعليك مني انتي نامي اكيد انك تعبتي
الوجد : فيصل حاول تنام وقت ماعندك سالفه
فيصل عقد حواجبه ونطق : اسقاطه بحقي؟
الوجد ضحكت ونطقت: تقدر تقول
ابتسم فيصل من سمع ضحكتها وتأملها لبعض ثواني وقبله الحب حدثت
لعلهم نامو بعد قبله الحب
،
الصباح - المزرعه .
موعد تحديد ملكه العنود ..
الجد يمسح على ظهر العنود ونطق بحنان : اسمعي ي عنقودنا متى ودتس بالعرس انا تكلمت مع فارس قال الي يريح العنود
العنود خدودها ورديه من الخجل : مدري والله الي تشوفونه زين
ابو نواف : مع ان ماودي اتدخل بس بنصحكم خلوها بعد شهر من سلامه الوجد حرام البنت تعبانه اكيد انها تبي تستانس
الجد : وهو صادز اخوتس شرايتس؟
مازن : يربي زوجوني تعبت وانا اشوف علاقات كولد برو
ابو بتال ؛ الفقه
مازن : الفقه ولا التوحيد؟ يسعد مسائكم
ابو بتال : قم قم عن وجهي اذلف
مازن : لاخلاص بجلس مؤدب
العنود : خلاص مو مشكله بعد سلامه الوجد
ابتسمو ونطق الجد : المهر وصل وبحولوه لتس وترى العرس والملكه بيوم واحد
العنود : تمام
،
فيصل صحى بأنزعاج من حركه الممرضه الي تحط مغذي للوجد
عض على شفايفه بأحراج من الممرضه الي شافتهم بحال المفروض ماتشوفه قام عن السرير ونطق : معليش
الممرضه : لا عادي تقدر ترتاح اصلاً بس بغير المغذي واروح
فيصل : لا بروح اجيب فطور للوجد
الممرضه : ممنوع تجيب لها لازم تاكل من هنا !
فيصل: فطور خفيف شدعوه عادي
الممرضه : ولو لاتتهاون بالاكل الي يدخل معده الوجد
فيصل هز راسه برضى وطلع من الغرفه وهو منحرج من الممرضه لكن قطع اخراجه من نطق العسكري : العميد فيصل
فيصل رفع راسه وعقد حواجبه بمعنى "وش تبي؟"
العسكري : في موضوع لازم نتكلم فيه ضروري
فيصل : اسلم وش هو الموضوع
العسكري : فيصل المفروض ماقول لك كذا لكم المحقق ملزم ان حرمتك لها يد بموضوه قتل حارس ماجد !
فيصل حط يده على فكه ونطق : وين المحقق الاول الي كان ماسك القضيه؟
العسكري : مع الاسف اخذ اجازه وجاء هذا المحقق المشكوك بأمره !
فيصل حط يده على كتف العسكري : لاتهتم للموضوع انا اوقفه عند حده
العسكري ابتسمت لثواني ونطق : اي صح تم تأجيل موعد حكم ماجد الين تصحى حرمتك على حسب طلبك
فيصل : حلوو الحمدلله مشكور كثر خيرك
العسكري : ولو هذا واجبنا اي خدمه؟
فيصل بأبتسامه : سلامتك
دق العسكري تحيه وراح وابتسم فيصل ابتسامه جانبيه : ايه اجل تقول لي المحقق حالف يطلع الوجد مجرمه؟ طيب
اتجهه فيصل لرسبشن ونطق : السلام عليكم
الموظف : وعليكم السلام امر محتاج شي؟
فيصل : اقدر اطلع مريض على مسؤليتي؟
الموظف : على حسب حاله المريض اذا كان وضعه صعب نعتذر منك مقدماً ممنوع تقدر تعطيني اسم المريض بشوف اذا اقدر ولا
فيصل : الوجد بنت تركي ال سلطان
الموظف طلع اسم الوجد ونطق : تحت المراقبه الوجد ضروريي اقل شي اسبوع تجلس عندنا عشان يشوفون مضاعفات التسمم الي تعاني منه
فيصل زم شفايفه : مافي منا منا؟
الموظف : ماقدر والله كان تتواصل مع المدير
فيصل : زين تمام مشكور ماتقصر
ابتسم الموظف وتنهد فيصل وراح متجهه للوجد وفتح الباب بهدوء ودخل وشافها نايمه: ياربي مايصير كل هذا نوم قومي خليني اتأملك لعنبو ابليسك ٤ ايام مدري ٥ محروم منك!
تقدم وجلس بـ الكرسي الي عندها ومسك يدها بخفه وقعد يطالع يدها لثواني عديده يشوف المغذي بيدها
جاه اتصال وطلع جواله ورد : هلا يبه
ابو نواف : يابوك اهل الوجد وحنا نبي نزورها
فيصل ماكان يبغى احد يشوف الوجد بحالتها ذي ونطق : ممنوعه الزياره وصل العلم
ابو نواف عقد حواجبه : البنات يقولون ان الوجد مابها شي ليش ممنوعه ؟
فيصل يحك راسه بوهقه : تعبانه مو تعبانه بس تعبانه فاهم كيف؟
ابو نواف بنفاذ صبر : ابك انجز علانا وعطنا العلم الي يجمد على الشارب
فيصل يدور حجه : شسمه يبه
ابو نواف : لاحول ولاقوه الا بالله شفيكم؟
فيصل لازال يدور عذر ولقى : محبوسه
ابو نواف قام بصدمه : ابك محبوسه وين !
فيصل : مو محبوسه يعني المستشفى حابسها تحت المراقبه
ابو نواف : ايه يعني؟
فيصل : يعني ممنوع الزياره شاكرين ومقدرين لجهودكم هم قالو كذا انا ماقلت شي
مازن من جوال ابو نواف : مؤسس عقوق الوالدين فيصل ابك تكذب على ابوك ليه
فيصل قلب عيونه : على شحم احد قال لك من تدخل في ما لا يعنيه لقي مالا يرضيه !؟ عم للبيع بعلن عنك بسوق الصواريخ وبكتب من مواصفاته نكبه وعم بالاسم بس وماعنده هيبه ومخرب هيبه العمام والسوم يبدا من عندي هلله من يزيد
مازن فتح افمه بصدمه من كثره كلام فيصل وكل ردوده ورا بعد : شكلك حافظ الردود من زمان ومتجهز!
فيصل : لاوالله من زود قهري انا ارقعها واكحلها وانا عميتها وعطبت ام السالفه
ابو نواف : بس بس قرقرقر خلاص هرج عطوني زبده الكلام
مازن حس ان الوضع خطير انسحب ونطق فيصل : ابد والله مازن يحب العلوم الزايده وقلت اعطيه العلوم
ابو نواف : اي زين فارق
فيصل بزله لسان : بابا
استوعب ونطق : اقصد يبه
اتسعت عيون ابو نواف بصدمه ونطق : ثأثير الوجد قوي ؟ خلتك تقول بابا وانت طول بعرض استرجل
فيصل سكر عين وحده وبعد الجوال عن اذنه واستمر ابو نواف يهزئ فيصل
فيصل : سم يبه ابشر ابشر ولايهمك تسلم تسلم على راسي والله
ابو نواف : يلا فارق ورعان بأخر زمن قال ايش قال بابا الي يشوفك يقول ولد اغنياء
فيصل : عندي استفسار بسيط يعني الذبات تمشي بعروقكم ؟ ماتزين سالفتكم الا اذا ذبيتو ؟
ابو نواف قفل الخط بوجهه فيصل وابتسم فيصل : تمون ياتاج راسي
اتصل مازن وقرا الاسم وزم شفايفه كيف يصرف الموضوع مازن نكبه !
مازن بضحكه : اجل بابا ؟ هاي ياولد النعمه
فيصل يمثل الجديه : ورع ترى بيني وبينك فارق سن احترم العمر الي بيني وبينك !
مازن بضحكه : تسوقها ؟ ابك باقي شهر بس كم شهر على تخرجي واصير ٢٥ صح اني معفن بالجامعه بس عادي يعني اهم شي اصير قدك
فيصل : اخلص وش تبا؟
مازن تكى ؛ امم شلونك ياولد بابا؟
فيصل : ورع والله ان مااصبحت مع المسلمين ترى بجيك واصبح عليك
مازن : ايه اجل قلت لي انك قلت بابا؟ اعقببب ياخو شيهانه اعقبب ابك الوجد لو تدري غير انها تخلعك
فيصل تنهد وارخى ظهره على الحرسي بتعب من محارش مازن : اسلم كمل ؟
مازن : فصفوصي بقول لك شي
فيصل رفع حاجبه بصدمه وتعدل : ابك انت توحي وش تقول؟
مازن : الله الله اوحي الوكاد فصيل بعد كم شهر اتخرج من جامعه الفلس الي عفنت فيها من عمري١٩
فيصل : يولد زين ماطردوك يحمار ٦سنين معفن بالجامعه والله لو انك متخصص جراحه
مازن : لازم ابرر موقفي لايصح قول حمار فانا ضيعت سنتين من عمري لكي احول من تخصص الي تخصص ومحدثتك حمار مادرس صيفي عشان يخلص ابك الي كبري المفروض عنده ورع كبرك
فيصل ترك كل شي وركز على كلمه "ورع كبرك" : اهجد تراني اكبر منك
مازن : يثور تركت كل شي وركزت على نهايه جملتي والمعروض الملكي والتبريرات تجاهلتهم ؟
فيصل كذا عنده قناعه طنش ولارد!
التفت فيصل للممرضه الي داخله بالطاوله اليدويه وعليها اكل
تنرفز مارن ونطق : ياتبن اتكلم انا!
فيصل بممازحه : لاحول ولاقوه الا بالله خلني اغازل
مازن بممازحه : الله شسمها؟
فيصل : اسمها الوجد
مازن : اعوذ بالله هذا اسم جنيه ولا عفريت؟
فيصل : ابك اسم قلبي يدرج
مازن حط يده تحت فكه ونطق بفلسفه : تصدق فصفص احس علاقتنا توكسيك
فيصل : وش يعني هدا الكلام؟ ترجم ترجمه بدو رجاً
مازن ؛ يعني علاقه سامه
فيصل : لايكون انا زوجتك ياغافلين لك الله ابك فارقني قال علاقه قال ابك حنا عيال اجاويد قال علاقه
مازن ضرب جبهته بخفه وطفش : اقصد اننا فرند قرند ياسيئ النيه !
فيصل : وش تعني ذي الكلمه بعد؟
مازن : يالي داخل واسطه هذي تعني اننا اصدقاء يالعميد الواسطه
فيصل تكى ونطق ببمازحه ؛ دخلت واسطه وفلحت لكن الي دخل جامعه ولافلح ؟
مازن حط يده على قلبه : اهخ ماتفقنا تمس الجرح
فيصل ضحك واستمر مازن يقول له انه اعترف لشروق وفيصل كان مو راضي لانها تندرج تحت "علاقه محرمه" وهذا الشي مايرضي ربنا ! تهاوشو شوي الين تحركت الوجد بأنزعاج
شافها فيصل تتحرك بأنزعاج وهمس لمازن : فارقني انت ونعجتك شروق خلني اشوف الملاك الي قدامي قام
مازن : ضحكتني ياعنتره وعبله
فيصل : خف علينا ي روميو وجوليت
ضحك مازن وقفل الخط فيصل ودخل الجوال بجيبه
الوجد فتحت عيونها وشافت وجهه فيصل يطل بوجهها فزت من الخوف
فيصل : شفيك بسم الله عليك
الوجد : خوفتني عبالي الجاثوم كتفني
فيصل ضحك لثواني ونطق : خلصتي ؟ يلا كولي
الوجد : يع قاسي ماحبيت النبره عندك قاسيه حاول تقصرها
فيصل مسل راسه وناظرها ونطق : شقصتك انتي وعمك زوزو معي من صباح ربي؟
الوجد رفعت كتوفها : مدري يمكن العصفور قالت لنا تسلطو على فاصولياء
فيصل : اها كدينا خير دام الوضع فيه عصفور
ضحكت الوجد واكلت الاكل غصباً عنها لان فيصل صاير يعاملها معامله "عسكريه"
كل شي بالغصب عنده وناوي يدربها على يد عميد الله يكون بعونها دعواتكم لها

_________________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
حسابي انستا انزل فيه الروايه : Ot34828
*اعتذر عن الاخطاء الاملائيه*