لاتقارنين حبي لك بأي مخلوق انا حتى بغيابك احبك

Part 36

سبحان الله وبحمده سبحان الله العظيم ♡

مجلس الرجال ..
قام الخال ابو سيف ونطق : اقطو على العشاء يابعد حي
الخال ابو نياف : ماتقصر ياخوي
قامو الرجال والعيال وقلطو على صحن المفطح
ابو سيف : اعذرونا على قله الكلافه
باسل بزله لسان : مايكلف ياخال
فيصل دق جنب باسل : ياحمار مو كذا الرد !
ضحك ابو سيف لانه يدري ان باسل قالها بزله لسان
باسل يحك راسه بوهقه : اسف ياخال
ابو نياف : الا يانواف ورا ابوك ماجاء؟
نواف : والله يعتذر عن حضوره مشغول هالفتره بالابل والشغل بعد
ابو سيف : عذره معه النسيب
عبدالاله : والله منا حلو هالعشاء !
ابو سيف : صحه صحه
ابو نياف : وانت يافهيدان مانت ناوي تتزوج اخوك الصغير تزوج وانت باقي ماتزوجت
فهد : أنا لست مستعدًا للزواج ولا أريد أن أظلم الفتاة
ابو سيف : صدقت يالبناخي ابد ان استعديت ابد اشر على الي تبيها وحنا نجيبها لك
فهد : لاافكر حالياً
فيصل همس لـ نواف : يولد خالي ابو نياف اسألته واجده
نواف بهمس : لاحظت دبل كبد فهيدان !
فيصل بهمس : خذلك يعاين بي اكيد بيستلمني اسأله
نواف بهمس : جاريـ..
ابو نياف قاطع نواف : وش هو به تساررون؟
فيصل : تسارر اخويه
ابو نياف ؛ اها يعني مساررات اخويه والاخويه ماتخفى على الخواليه
فيصل: لاياخال في فرق بين الاخويه والخواليه
ابو نياف : اهيب ولاتسدك الا ماعندك احترام ومبتدئ لخوالك !
فيصل اتسعت عيونه بصدمه : ياخال كلام كبير هذا
ابو نياف : انا قايل لوخيتي ولدتس هذا فيصل بيطلع عاق
فيصل : ياهوو اي عقوق !
ابو نياف : الا عاق ونص اجل انا سألت اخوانك وجاوبو بكل ادب واحترام الا انت
فيصل : طيب سألت وجاوبت وين الخطا
ابو نياف : الخطا هو انك تغيب الحتسي عن خالك
باسل : الله فيه محتوى للستريك
عزيز : ارسل لي لاتنسى
عبدالاله : ياليل ياعيال الافين
سيف : طالع منها يامواليد ال ٩٩ ؟
تنهد فيصل وقام : شكلها تقب ياعيال اكرمكم الله وكثر خيركم
ابو سيف : وين يافصيل ماتعشيت تعش
فيصل : لا بس والله كثر خيركم
ابو سيف : صحه وعافيه تدل درب المغاسل
هز راسه برضى وراح للمغاسل بعد ماقفلت معه لانه يتنرفز بسرعهه
،
الحريم والبنات متجمعات حول صحن العشاء وياكلون منه ويتبادلون اطراف الحديث
الوجد قامت ونطقت : شكراً على العشاء مره حلوهه
التفتو على بعض ناقدين !
شرقت شيهانه وتنحنحت : تقصد كثر خيركم بس مستحيه تعرفون يعني اول مره تجي
الوجد : ايوهه صح على شيهانتي كثر خيركم ، خالتو ام نواف وين المغاسل
ام نواف : عادي يامك روحي للمغاسل هناك
ابتسمت الوجد وراحت للمغاسل ونطقت الجده : ابك علامها تقول تسذا ؟
ام نواف : لاتشرهين يايمه توها البنت صغيره ومستحيه ماتعرف وش تقول لمنها قامت
ام لمياء : وهي صادزه ام نواف البنت واضح مستحيه
دلال : منجد ترى الوجد خجوله
ام حنان : حلوه شكراً
شيهانه : وش تبينها تقول ؟ تحب على راسك؟
ام رحاب : شيهانه احترمي خالتس !
شيهانه قامت ونطقت بغضب : معليش خالتي الوجد بحسبه اختي الي يتكلم فيها كأنه يتكلم فيني والي مايحترمها لاينتظر مني احترمه
ام نواف سكتت لان ودها تقول كذا بس شيهانه كفت ووفت
حنان : وايي يالمحامي حقها شدعوا ترى الوجد عندها لسان!
لينا : عندها لسان بس انتي تكلمتي من وراها
شيهانه ناظرت حنان ونطقت : اسكتي لااشربك هاللبن من خشمك
لمياء عضت على شفايفها تكتم ضحكتها
شيهانه ناظرت حنان من فوق لتحت وخزتها وراحت وقامت دلال : كثر خيركم وزاد الله فضلكم
ولحقت شيهانه
الجده : هالجيل التالي السنتهم تطول اذانهم
ام عبدالاله : تعشو تعشو وعينو من الله خير
اكملو عشاهم ونروح عند المغاسل
الوجد تنشف يدينها بالمنديل وشافت شيهانه مقبله ومعصبه وفتحت الماء وغسلت بكل عصبيه
الوجد : احس ماني مرتاحه برجع البيت متوتره ومرتبكه طول وقتيي
شيهانه لازالت تحت تأثير الغضب : دقي على فيصل وروحي
الوجد عقدت حواجبها : صاير شي؟ ليش معصبه
جت دلال تركض : شيهانه خير من هناك وانا اناديك !
شيهانه سحبت المناديل : لحد يكلمني خلاص اذا هديت تكلمو معاي
رمت المناديل بالزباله يكرم القارئ وراحت وكأنها جمره تمشي على الارض من العصبيه
الوجد : خوفتني شفيها من داقها بالكلام
دلال تغسل : لاتهتمين
الوجد : دليل كيف ماهتم والبنت ذكرتني بعصبيه فيصل مو طبيعيه هالبنت
دلال : وجيد ياحبيبتي لاتهتمين خلاص البنت اكيد صاير بينها وبين امها او خالتها شي مايصير نتدخل فيه
الوجد : بس شيهانتي ماتخبي عني شي ولاتعصب بوجهي
دلال : اكيد ضغطوها لاتلومينها
الوجد : مستحيل الومها بس يلا معليه بجيها بسحب منها الكلام
دلال : لاتضغطين عليها
الوجد هزت راسها برضى ونطقت : دليل
دلال : عيون دليل
الوجد اخذت نفس : احس ماني مرتاحه بالمكان
دلال : ليش ياعمري؟
الوجد : يدققون بأصغر تفاصيلي كيف اشرب وكيف اكل وكيف طريقه كلامي ماقدر اجلس على هالوضع ساعه ساعتين احس ببكي مقدر وش ذا لازم اكون مثاليه والزوجه الصالحه ! واسأله مالها داعي ماحب ياختي
دلال : خلاص بعد شوي بنطلع مع البنات بالحوش ونسولف بعيداً عن العجز
جت لمياء وتنحنحت : اسفه اذا قاطعت كلامكم
الوجد ابتسمت : لا شدعوا عادي
لمياء : الوجد والله اسفه بالنيابه عنهم ادري انك تعبتي من تدقيق جدتي
الوجد حطت يدها على عضد لمياء : ياروحي انتي لاابد عادي ماصار شي
لمياء : طيب بنات ترى بنطلع للحوش
دلال : ايه تكفين نغير جو على الاقل
لمياء : اوك اطلعو وحنا لاحقينكم
الوجد : ماتقصرين ياروحي ، ميمي وينها احد شافها؟
دلال : ايهه شفتها تلعب مع عيالي
الوجد : كويس الحمدلله
لمياء : امشو بنات للحوش
مشت لمياء ومشو معها البنات طالعين للحوش يغيرون جو
جلسو بالكراسي الي بالحوش وبينهم الطاوله
جت لينا وجمان ومعهم بوكسات حلا وقهوه سعوديه : الحلا وصلل وقهوه سعوديتنا جت
جلسو البنات وحطو الحلا والقهوه السعوديه على الطاوله وبضع ثواني وجت حنان وعشيرتها رحاب
حنان تعمدت تجلس جنب الوجد وجلست
الوجد تضحك وتسولف مع البنات لكن تحس بنظرات حنان الغريبه
حنان مسكت خصلات الوجد المظفورة وبنهايتها فيونكه ورديه : ويع حركات اطفال!
الوجد كشرت بصدمه : تفشلين شيلي يدك
جمان ؛ خير حنان وش حركات الاطفال ذيي خلاص الناس اذواق
حنان : من زينها عاد !
الوجد وقفت : هيه عاد سكتت لك كثير وش بيني وبينك عشان هالحركات اكله من حلالك؟
رحاب : هوب هوب كلش الا حنان
الوجد استفزوها وطلعو الجانب العصبي منها : جتك سلقه حنان
لينا : احا يافندم
حنان وقفت : سلقه مين ياروح امك انتي السلقه
الوجد رفعت حواجبها : انا ؟ اوريك
الوجد رفعت يدينها لشعر حنان وصرخت بوجهها : اعلمك مين الوجد بنت تركي
رحاب تقدمت بتضرب الوجد بس لمياء مسكت رحاب
جمان عقلانيه وتفارع بينهم والوجد ياجبل مايهزك ريح مستمره تكفخ حنان الي ماخذه دور الضحيه
طلعو الحريم على صراخ البنات يركضون : وش بلاكن!؟
الوجد متعلقه بشعر حنان ويحاولون يفكون يدين الوجد من شعر حنان بس ماقدرو الوجد من قهرها قاعده تطلع حرتها بحنان
ام عبدالاله ماسكه يدين الوجد تحاول تفكهم : يابنتي اتركيهاا
حنان بدموع : يامجنونهه فكيني !
اصواتهم وصراخهم واصله لاخر المزرعه لدرجه ان الرجال سمعو اصواتهم وجو ووقفو ورا الباب يحسبون ان الحريم فيهم شي
فيصل ورا الباب نطق بعلو صوته : ياهوو فيكم شي؟؟
لكن محد يرد عليه مايسمعون غير صياح وصراخ
الوجد بعلو صوتها : مابقى الا انتي تعيبين علي ساكته لك ولصرفاتك مع فيصل وكلامك عني لكن الحين ماسكت واعلمك مين انا واخليك تخافين من ظلي
ام نواف :ي وجدد اتركيها
ابو سيف من ورا الباب : يام عبدالاله
جمان ماقدرت تفارع بينهم وطلعت وحصلت خالها ابو سيف
: وشبلاكن؟
جمان شافت فيصل ونطقت : فيصل حرمتك
فيصل صد عنها ونطق بخوف : وشفيها؟
جمان : تعال ادخل
دخلت جمان ووراها فيصل الي منزل راسه صاد عنها
جمان استوعبت انها كاشفه ونطقت : اسفه بس تنحنح نبههم
راحت جمان استحت منه تقدم فيصل لمصدر صراخهم ونطق بعلو صوته : ياولدد
البنات سمعو صوت رجال ودخلو تاركين المعركه
ام رحاب : ادخلل جابك الله الحق
دخل فيصل وشاف الوجد ماسكه شعر بنت ابتسم ابتسامه جانبيه بفرحه
ام لمياء ؛ تعال خذ حرمتك وش تحرى؟
فيصل رفع كتوفه : سوالف نسوان انا وش دخلني فكوها انتم انا بروح توصون على شي؟
ام عبدالاله : نبيك عون صوت فرعون
وطلع فيصل من حس ان الموضوع موضوع حريم
الوجد تركت حنان بعد ماطاب خاطرها : عساك عرفتي من انا ؟
حنان بدموع وتمثيل دور الضحيه ؛ يامجنونه انتي تضربني بدون سبب
ام حنان مسكت عضود الوجد بقوه : وش تبين ببنتي؟
الوجد فكت يد ام حنان بقوه عنها : اسألي بنتك !
ام رحاب بعصبيه :صاحيه انتي جايه من اقصى الرياض عشان تمدين يدك يمال الكسر
الوجد عقدت حواجبها : اوميقاد طلعتو نفس الطينه !
حنان بدموع ؛ مالوم ابوك وامك يوم تركوك تستاهلين ابوك وامك عايشين ومحسسينك يتيمه ماحسيتي بوجودهم من وانتـ...
ماكملت كلامه الا بكف طابع على خدها من ام نواف
صرخت ام نواف : ماسمح لك تقولين كذا لبنتي الوجد لها ام واب ربوها احسن تربيه لدرجه انها ماحطت عينها على رجل متزوج
ام حنان : هذي نهايتها ياختي يام نواف تضربين بنتي عشان بنت الغريب؟
الوجد بقت واقف والغصه بحلقها مو قادره تطلع غصتها من صدمتها كيف تقول عنها كذا ليش تعايرها بأبوها وامها!
ام نواف : بنتس بنت الغريب الوجد ماهي بنت الغريب الوجد دمها من دم عيالي من اليوم ورايح كلمه سيئ تقولونها للوجد ترى بيصير شي خلوني ساكته ! الوجد بحسبه بنتي شيهانه
الوجد انربط لسانها ودموعها مو راضيه تنزل رغم غصتها وضيقتها الا ان دموعها مانزلو كانت تناظرهم وترمش ببطئ
حنان بتهديد ووعيد للوجد : هين ياوجد هين ماتصبحين اليوم الا وانتي مطلقه
ام نواف ؛ حنان فارقيني لااسطرتس هالحين ادخلي!
ام حنان اخذت بنتها حنان وراحت ولحقتها ام رحاب
التفتت ام نواف للوجد الصامته ومارف لها جفن ولانزلت لها دمعه مو مثل كل مره تقدمت ومسكت يدها ونطقت بحنان : امشي معي ادخلي عن البرد
الوجد سحبت يدها وابتعدت : مابغى بجلس هنا
ام لمياء : يابنتي هنا برد عليتس
ام عبدالاله : ادخلي محد بيقول لتس شي
الوجد هزت راسها بالنفي : مابغى
ام نواف ؛ خلاص اجلسي هنا شوي بس لاتطولين
الوجد : تمام ليت تقدرون تقولون للبنات الوجد راحت عشان يرتاحون
ام لمياء : لاتشيلين هم
دخلت ان نواف ووراها خواتها
رفعت الوجد يدينها تشوف رجفتها بسبب كتمانها لدموعها حاولت تمنع دموعها بس ماقدرت تمسكها اكثر من كذا وسمحت لدموعها تنزل بغزارها لان الكلمه قويه لها ابوها عايش بس اب بالاسم وامها كذلك
جلست على الكرسي وحطت راسها على الطاوله وبكت
،
بين الاشجار الطويل والنخل والهوا والجو البارد واقف وبيده الزيقاره ويده الثانيه جواله
حط جواله على اذنه ينتظر رد
ردت بصوتها الانثوي : هلا
لاحظ بصوتها الضيق : افا ياوجدي علامك متضايقه ؟ صوتك ضايق يابوك شفيك
الوجد : لا مافيني شي
عقد حواجبه : بنت ! تخبين عني ضيقتك؟ تعالي لي
اخذت نفس ونطقت : ماخبي عليك شي
فيصل : ماهقيتها منك كانك صادقه تعالي لي
الوجد ؛ وين فيصل مقدر اترك البنات
فيصل رفع حاجبه : بس انتي مو مع البنات !
الوجد تلفت يمين شمال تدور فيصل كيف عرف انها جالسه بالحوش لحاله نطقت بتوتر : كيف عرفت؟
فيصل : محد حولك واضح من الهدوء بالعاده اسمع صراخ وصياح
الوجد : ايوه طلعت اغير جو
فيصل : رجعنا للف والدوران وجدي شفيك انتي؟
الوجد : فيصل وربي تصر علي كذا ببكي
فيصل : ايه تعالي للمزرعه وهاوشي فرغي الي بخاطرك
الوجد : احس نو مالك ذنب
فيصل ضيق عيونه : علينا ياوجدي ؟ قومي تعالي مشتاق من الاخر !
الوجد : اوك ١٠ دقايق وانا عندك
فيصل : عشر دقايق ليش مو الحين؟
الوجد ؛ بجيب اغراضي من عند البنات واكيد بيمسكوني تحقيق يعني
فيصل بأبتسامه ؛ لك وقتي كله يابعد هالقلب
الوجد ابتسمت وقامت : جايتك
فيصل : اتحراك
ابتسمت الوجد وقفلت الخط
تنهد فيصل بحب وحط الزيقاره بفمه وسرعان ماكشر بكرهه من شافها مقبله عليه
: هايي
تجاهلها فيصل وصد والتزم الصمت
حنان شبكت يدينها تحاول تتقمص شخصيه الوجد : ممكن افضفض لك؟ يقولون ان عندك نصايح
فيصل ببرود وهدوء : لا
حنان زمت شفايفها : اوهه فيصل ليش انت قاسي كذا ترى تزعلني ببكي!
كشر فيصل بنقد على حركاتها الي تقلد الوجد : انتي ماتستحين تجين اخر الليل بالظلمه ذي لرجل؟ مافكرتي بأبوك واخوانك؟
حنان : مو موجودين ترى
فيصل بحده : يرحم والديك ابعدي فارقيني في السعه انا متزوج خلاص لاتخربين الي بيني وبين الوجد انا احبها !بعطيك ياها على بلاطه انا اكرهك ابعدي عني وعن الوجد
حنان : فيصل تعلم كيف تتعامل مع الانثى مايصير تقول لها كذا
فيصل يتلفت يخاف الوجد تجي وتشوف حنان عنده وبأخر اليل : روحي خلاص
حنان بأبتسامه جانبيه : وش خايف منه؟
فيصل هز راسه بيأس وتجاهلها ومشى وخلاها لكن حنان كانت تمشي ورا فيصل وتسولف له ! كرامه ماكو
عند الوجد الي دخلت ونطقت : شيهانتي انا بطلع تمام اذا بغيتي شي اتصلي علي
شيهانه : ازهليني
ام نواف : وين انتي رايحه؟
الوجد : لفيصل شويات وجايه بقول له كم حاجه واجي
ام لمياء : اوه فصيل البناخي الوكاد يامتس خذي بوكس هالحلا ووديه لفيصل
الوجد : لاياخاله مالها داعي
ام عبدالاله : الا خذيه اعرفه فصيل يحب هالحلا
الوجد اخذت البوكس بناء على طلب خالات فيصل
ام عبدالاله : حطي الشال على راستس يامتس لايدخلتس البرد
الوجد ؛ لاتشيلين هم
ابتسمت الوجد وطلعت للوجد لكن استوقفتها رحاب
: وجد مدري وجدان
الوجد رفعت حاجبها : اوهه هياء عاش من شافك
رحاب : اسمي رحاب مو هياء!
الوجد : اسمي الوجد مو وجدان
رحاب : عموماً اياً كان مايفرق معاي حابه اقول لك شي الكل ساكت مايبي يعلمك لكن انا قلت لاحرام الوجد لازم تعرف!
الوجد رفعت حواجبها : اوهه ايه وش هالموضوع؟
رحاب : تدرين ان فيصل اختار حنان عليك قالها بين عمامك وقال بالحرف الواحد ماني بمتزوج احد لاهي ولا حرمه غيرها انا ماني بمتزوج غير حنان !
"ترى صدق فيصل قالها ببارت 3 "
الوجد ضحكت : والمفروض اني اصدق الحين؟
رحاب رفعت كتوفها : كيفك مو مجبوره تصدقين لكن عندنا اثبات انه قالها وثانياً حنان تعلقت فيه وحط فيها امل لاتبنين عشك على تعاسه غيرك
التزمت الصمت الوجد وماردت
رحاب طلعت جوالها وسمعت الوجد الصوت وهو فعلاً صوت فيصل وصوت عمامها
تضايقت الوجد بس مااظهرت شي : طيب ياحبيتي هذا قبل يتزوجني انا وش علي من ماضيه؟ حب ماحب مالي خص بموضوع بالماضي مايخصني !
رحاب : مو بالماضي حبيبتيي ترى بينهم علاقه شوفيهم بالمزرعه وبالظلمه مع بعض ويسولفون واتصل عليك على اساس تجين عشان تشوفين الوضع ويصارحك عقبها انه يحبها بما انك شفتيهم مع بعض
الوجد حطت الشال على كتوفها ونطقت ببرود : مايهمني كلامك فيصل مايسويها
رحاب : روحي حبيبتي شوفي المصيبه تنتظرك
الوجد : مايسويها يلا توصين على شي؟
راحت الوجد وماسمحت لرحاب تتكلم
دب بقلب الوجد الخوف بمجرد التفكير ان كلام رحاب صح وقفت الوجد بوسط المزرعه تاخذ نفس بخوف : الله يستر
تقدمت بخطوات هاديه ومرعوبه ويدينها ترجف
الاضاءه خفيفه مافي غير ضوء القمر تقدمت خطوات ورفعت انظارها تدور فيصل الي قال لها تجيه بس ماحصلته
وقفت تدور حول نفسها تدور فيصل
سمعت صوت حنان تضحك بعلو صوتها ، عقدت حواجبها ولحقت مصدر الصوت وداست غصن شجره طايح وطلع صوت
التفت فيصل لمصدر الصوت وشاف الوجد تناظر فيه بلع ريقه يخاف انها فهمت غلط !
حنان : اوه الوجد وربي انك محظوظه فيصل مره يونس ويضحك اهخ ياربي
الوجد اجتمعت الدموع بعيونها : هو يضحكك لكن انا ببكيك
نزلت بوكس الحلا وفوقه جوالها وتقدمت لحنان وهمست بأذنها : ارخصتي نفسك
حنان فتحت فمها بصدمه : ماسمح لك تقولين كذا !
الوجد صرخت بوجهه حنان : اذا ماتبين تسمعين كلام زي كذا روحي عن وجهيي
حنان تخصرت : ماراح اروح وش بتسوين؟
الوجد صفقت حنان كف : وش تبين منيي ليش حاطه دوبك بدوبي ليش تتعمدين تأذيني !
فيصل واقف مصدوم ويفكر كيف يبرر لها !
حنان حطت يدها على خدها وراحت وهي مصدومه
التفتت الوجد لفيصل ونطقت : عطيتك قلبي ليش ماتصونه؟
فيصل : انتي لايكون مصدقتها؟
الوجد بدموع : انا ماصدقتها بالبدايه لكن الحين شفت كل شي بعيونيي
فيصل تقدم ومسك عضود الوجد وقربها له : يابوك لاتصدقين ماشفتي شي هي تكذب والله ويشهد علي الله اني تجنبتها وماسولفت معها اخاف الله فيك اخاف على قلبك بس وش اسوي طاح الفاس بالراس وشفتي وفهمتي غلط
الوجد سحبت يدينها ورجعت خطوات لورا : مابغاك ولا ابغى تبريرك !
فيصل عقد حواجبه : شلون يعني ماتبيني ابرر واترك الذنب على شكله بدون تبرير؟
الوجد بجديه : ايوه ماحتاج تبريرك لانه كله كذب وانت كذاب وهي كذابه !
فيصل اخذ نفس يهدي نفسه لانه بالمواقف الي زي كذا تتلف اعصابه ومايشوف شي ويخاف يأذيها والتزم الصمت مايبي يأذيها بوقت عصبيته
الوجد مسحت دموعها : طلقني
فيصل ناظرها ومصدوم من طلبها : تقولينها صادقه انتي؟
الوجد : ايوه اذا تحب غيري طلقني
فيصل تنهد ونطق بعلو صوته : كم مره اقول لك لاتقارنين حبي لك بأي مخلوق ولاتطرين هالكلمه اكفر فيك
الوجد : لاتصرخ مالك حق اصلاً تصرخ وكلامك كله كذب وتهديدك كذب
فيصل مسح على وجهه : لاحول ولاقوه الا بالله يابنت ثمني كلامك ولاتقولين كذا ترى ماني مسؤل وش بيصير بعدين !
الوجد بعيونها الدموع وودها تحضنه بس الي شافته ماتقدر تغفر له : لو انت رجال مد يدك !
فيصل انعمى من العصبيه الكلمه قويه بحق اي رجال كيف تحدد رجولته على ضربها تقدم لها و رفع يده
الوجد ماتوقعت يرفع يده وغمضت عيونها
فيصل شاف الخوف فيها وضرب الشجره الي كان ورا الوجد وبيده الثانيه حضنها وطلع كل عصبيته على الشجره
صرخ بعلو صوته : ليش ليش تتحديني ليشش
طلع الدم على يده من كثر ضرب الشجره
الوجد توقعت يمد يده عليها بس الي صار انه حضنها ! رغم عصبيته حضنها عشان مايأذيها
ابتعدت الوجد عن حضنه ونطقت : خلاص يدكك تعورت
فيصل رفع يده يشوف الدم بيده ورفع انظاره : انتي انانيه ماسمعتيني ولاسمحتي لي ابرر عكس يوم صارت لك المشكله جيتك وخليتك تبررين واسمع منك ولاسمعت من الغريب لكن انتي وش سويتي؟ سمعتي من الغريب
الوجد اجتمعت الدموع بعيونها ماتحب احد يقول لها انانيه : انا انانيه؟
فيصل بعصبيه وصراخ : اييه انانيه وتسمعين لكلام الناس بدال ماتسعمين كلامي
الوجد طاحت دموعها على خدها : مشكور فيصل ماتوقعت تقسى علي وتقول لي كلام وتدري اني اكرهه هالكلام
تعدته وراحت
الوجد اخذت اغراضها ووقفت ولفت ورجعت له
فيصل ناظرها وهي راجعه ظن لوهله انها بتحضنه لكن سرعان مااختفت افكاره من حطت بوكس حلا بين يدينه ونطقت : صحه ياطليقي
وراحت وهي تبكي تنهد فيصل بضيق : يالله يالله ليش ماتمسك لسانك يلا تعال الحق ابلش متى ترضى عاد صعبه المنال
،
بعد مانامت الجده جت جمعه الحش "استغفرالله حرام "
ام نواف وهي تشرب القهوه ؛ لا وين انا شفتها قبل شهر وه تفضخ القلب
ام لمياء : يوه لو تشوفينها الحين ماتقولين هي نفسها قبل شهر
جمان : منجدد بنتها بالجامعه والي يشوفها يقول ماعندها ضنى!
ام عبدالاله : تقولينها صادقه لها بنات؟
لمياء : ايهه لها حول الاربع بنات
ام رحاب : وش هي مسويه؟
ام لمياء : معها الفلوس شفط ونفخ وشيل من هالشحوم
ام نواف : ايه اخبرها دب بالحيل بس والله ان الفلوس تخلي العنز عروس
ضحكت شيهانه : صادقه والله اصدق ماقيل
جت حنان وجلست جنب رحاب والابتسامه شاقه وجهها
لينا : لايكون في فلم كوميدي هنا؟ علامك تقل مقابله حبيبك الابتسامه مطلعه ضروسك الي ماقد شفناها
حنان : الابتسامه في وجهه اخيك صدقه شفيك انتي؟
لينا : ماختلفنا بس اول مره يعني مستغربه
لمياء : لينا خلاص اتركيها ماعليك منها
ام عبدالاله : والله يام نواف ان ولدتس محظوظ والله لو اني اعرف الوجد قبل ياخذها فصيل كان زوجتها ولدي عبدالاله منا حلوها تهبل
ام لمياء : وهي صادزه سبحان الله تجذبتس بأسلوبها يختي مدري بلحيل انثى تحسينها تنجرح من الهوا
جمان : الصدق اني استحي اوقف جنبها بالحيل عسلل
ام نواف : والله ان فيصل يستاهلها طاير فيها لو تطلبه عيونه عطاها بالحيل حبه لها
شيهانه تنهدت : احسدها ماشاء الله
ام جمان او عبدالاله ؛ والله انها تستاهل هالحب يابعدي هي مابعد جت من فيصل ؟
لينا : لاا ماشبعت من حضن الحبيب
ضحكو كل الموجودين : الله يقطع إبليستس ي لينا
دخلت الوجد بهدوء وعلى عيونها اثار دموع وخدودها وانفها ورديه من البكاء : خالتي
التفتت ام نواف وعاينت بالوجد الي واضح كانت تبكي عقدت حواجبها : وجيد يامتس علامتس الحقي
الوجد جلست جنب ام نواف ونطقت : مافيني شي خالتي متى نمشي ؟
ام عبدالاله : وهه يابنتي علامتس ماتبين تجلسين معنا للفجر ؟
الوجد ابتسمت ابتسامه باهته : الا ودي اكيد بجلس معكم بس صاحبتي تعبانه وودي اروح لها الصباح
ام نواف مسحت على ظهر الوجد : روحي اتصلي على فصيل خله يرجعتس
الوجد بلعت ريقها بوهقه ونطقت : فيصل مشغول ومايرد علي
ام نواف : هو ؟ ماهو بمشغول يابنتي فاضي اعرفه لاشغله ولامشغله هالحين اتصل عليه
الوجد : لا خالـ..
ماكملت كلامها الا وام نواف متصله على فيصل رد بضيقه : هلا يمه
ام نواف : علامك ماترد على وجدك ؟
فيصل عقد حواجبه : وجدي ؟
ام نواف : ايه علامكم انتم
فيصل بكذب : ايهه اتصلت بس وقتها كنت مشغول وهالحين فضيت سمي وش بغيتو
ام نواف ؛ الوجد تقول ان خويته تعبانه وتبي تمشي تزورها
فيصل : الجيب جاهز خل تجي
ام نواف : هه زين يلا بقول لها
ففلت الخط والتفتت على الوجد : يتحراتس برى روحي له
الوجد : ياخالتي مالها داعي عادي انتظر لصباح
ام نواف : اجل روحي قولي له
الوجد تنهدت بقله حيله وقامت وطلعت وفعلاً لقته واقف ويناظر جواله
اول ماحس بوجودها رفع انظاره ونطق : اركبي
الوجد : ماراح اركب مع واحد جرحني !
فيصل : وش يعني مافهمتك انا تروحين لامي تتبكبين بتمشين واذا لبيت طلبك وجيت قلتي ماني براكبه تسوقينها علي انتي؟
الوجد : جايه اعلمك تمشي مابغى اركب معك روح الله معك
فيصل تكتف : ايه ياصعبه المنال مع من بتروحين
الوجد : لاتحاول تكسبني بكلامتك انا من الاخر اكرهك وثاني شي بروح مع عيال خالاتك او فهد او نواف او اي انسان اهم شي مو انت
فيصل : احش رجولك حش ان فكرتي تركبين مع احد غيري
الوجد : فكرت وش سويت؟ وترى ماشوفك شي ولااشوف تهديدك شي وبركب معهم وش بتسوي
فيصل تقدم بغيره ومسك معصمها وسحبها له ونطقت بحده : لاتسألين وش بسوي يمكن اكسرك عظم عظم
الوجد كشرت بألم : وجع عورتني بعد عني
فيصل بعصبيه وهدوء : ماني تارك يدك
الوجد بدموع : خلاص بعد عن طريقي ابغى ورقه طلاقي اليوم الصبح قبل بكرا
فيصل رفع حواجبه : واو اعجبتني مصدقه عمرك انتي اطلقك؟
الوجد بدموع : تطلقني ورجلك فوق راسك
فيصل : قبل اطلقك بدبسك بورع مني
الوجد اخذت نفس : ماني جايبه لك بيبي دوره عند غيري وماعندي بيبي ابوه انت
فيصل : لاتجبريني يابنتت
الوجد صفقت فيصل كف ونطقت : وسخ ماتستحي على وجهك ماعندك خوات انت ؟ تقول كلام وسخ ليه يلا انقلع
فيصل ماستوعب الكف : ليش وش انا قايل انتي حرمتي !
الوجد سحبت يدها : ماني حرمتك انا طليقتك يلا برى
فيصل على راسه مليون علامه استفهام وتعجب مو فاهم شي
دخلت الوجد بعد مابردت خاطرها بكف هي من زمان بخاطرها تصفق فيصل ولقتها
دخلت الوجد ونطقت : اوهه ياخالتي كفر فيصل خربان
ام عبدالاله : ماعليه جمان بتروح للرياض مع اخوها تجيب كم غرض روحي معها
جت جمان وهي لابس العبايه : بنات تبون شي من الرياض؟
الوجد : لاياخاله ماودي اثقل عليكم
ام نواف : وهي صادقه خالتس روحي مع جمان وجهتكن وحده
جمان : جوجي بتروحين معي؟ حياك والله تونسيني بالطريق
الوجد بلعت ريقها من طرى عليها تهديد فيصل تدري بينكبها او يتضارب مع اخو جمان : لا انتظر للصباح
جمان مسكت يدها : اقول خلي عنك تعالي البسي عبايتك وامشيي بس
سحبتها جمان لمكان العبايات ولبست الوجد عبايتها الي ماتخلو من الفيونكات ولبست نقابها عشان مايعجعج فيها فيصل
جمان : الله كيوت عبايتكك
الوجد : حياتيي والله
طلعو من البيت ووقفو ينتظرون عبدالاله يجيب سيارته
فيصل متكي على سيارته ويدخن ويسولف مع عزيز وباسل وعبدالاله وياكلون من الحلا الي جابته الوجد
جمان : عبودد يلا عاد ماصارت سوالف !
التفت عبدالاله : اي زين فيصل عنده سالفه قويه
فيصل رفع انظاره وطاحت عينه على البنت الي متكتفه وصاده بوجهها ومعها شنطتها وزعلانه هو يعرفها من شكلها وغير عبايتها الـ " 🎀"!
عبدالاله راح يجيب سيارته والتفت عزيز المطفوق وشاف الوجد ونطق : ياعيال عانو عبايه البنت بس واضح زعلانه
فيصل ضرب راس عزيز : اشيل عيونك الزايغه ذي
باسل : اما عاد حرمتك يلا عزيز اعتذر لفيصل
عزيز يحك مكان الضربه : انا اسف بس ماتوقعت يعني عبايه حرمتك تكون كذا انت شديد بس مدري
فيصل رص على اسنانه ويعاين في الوجد ونطق : روحو لاكفر فيكم
باسل بهمس : عزيز مشاكل زوجيه انسحب عان الغيره طلعت من عيونه
عزيز وباسل انسحبو وتقدم فيصل للوجد ورمى الدخان بالارض : وين رايحه؟
جمان : يقولون سيارتك خربانه وقلت انا اخذ الوجد
الوجد ماتطالع بفيصل نهائياً ولاترد عليه
فيصل مسك عضد الوجد وسحبها له :عايني فيني يابنت الاوادم
جمان : اتركها !
الوجد ابتعدت عنه : ياليت تترك يدي
فيصل بعصبيه : وين رايحه جاوبيي
الوجد : للمريخ ولاكوكب زمردا ارقم البنات هناك اشوا منك بعد عن طريقي بس
عبدالاله جاء : يلا اركبو
جمان: يلا جوجي
ركبت جمان والوجد تعدت فيصل وركبت
فيصل رفع حواجبه بصدمه والتفت لعبدالاله ونطق : اجراء بسيط ياليت تنتظر شوي
عبدالاله : المشاكل الزوجيه ذي خلها بعدين برجعها ماني بماكلها
جمان : خلاص فيصل درينا انك غيور بس كتمتها بالغيره
الوجد : مابغى اروح معك خلاص
فيصل بغيره : غصب بتروحين معي
جمان تنهدت : مافهمت يالله ! سيارتك خربانه
عبدالاله شرق بالماء : انتي الخربانه يجمان سيارته ماشاء الله انشط من هالقرنبع
فيصل فتح الباب ومسك يد الوجد وحاول معها : يلا انزليي
الوجد سحبت يدها وتكتفت : ماني وجدك خلاص
جمان دقت عبدالاله وهمست : ورع تصرف اخاف يتهاوشون !
عبدالاله : صاحيه انتي ادخل بين فيصل وزوجته تراه فيصل مو عزيز ولاباسل هالدلوخ والله ان رنن كف ماسمع بعدها افقد السمع !
تنهد فيصل ومسح على شعره ونطق : اسف مالقيت انزلك الا بهالطريقه
مافهمت عليه الوجد لكن سرعان ماصرخت بـ ؛نزلني
من حست انها على كتفه
فيصل سكر الباب وجمان تصور ومصدومه : بناتتت انهرت تكفون وش هذا نزلها غصبب
ارسلته لقروب البنات الي فيه حنان !
حرك السياره عبدالاله وراح والوجد ضربت ظهر فيصل : نزلنييي
تجاهلها فيصل وفتح باب سيارته ونزلها بالمرتبه ونطق: ماودك تسمعين اعتذاري؟
الوجد : مابغى اسمع خلاص !
فيصل : لابتسمعين وغصب بعد
الوجد دفت فيصل : بعد عن طريقي بنزل
نزلت من السياره بس ماسمح لها تمشي بطريقها لانه شالها ورجعها بالمرتبه : انثبري
الوجد تنهدت : خلاص يامسلم اتركنيي مابغى اسمع شي منك انت قلت كلمه وتتحمل
فيصل : طيب بنمسك خط وببرر لك فوق الساعه ارضي خلاص
الوجد : لاتحاول ماراح اسمعك !
فيصل تنهد بضيق وسكر الباب وركب السياره وحرك السياره وهو ساكت
كل الطرفين ساكتين محد منهم يتكلم الين طلعو برى الديره بالطريق المظلم الطويل
قطع الصمت فيصل : انا اسف اني سمعتك كلمه ماتليق فيك وترى هالكلمه ماطلعت من قلبيي طلعت نغزه شيطان ولاانتي روحي وقلبي مانتي بأنانيه اصير انا الاناني ولاتصيرين انتي
الوجد اجتمعت الدموع بمجاحر عيونها لانها صعب ترضى بأعتذارات فقط لان ابوها وامها اعتذرو ومارضت كيف رجلها يمكن ماترضى بعد لان الكلمه ماهي كويسه بحقها : قلتها وطلعت من قلبك وسألتك ثاني مره وفعلاً قلتها لاتقعد تغرقني اعتذارات مايطيبون خاطري الي سويته ماينغفر غير يدك الي رفعتها عليي !
فيصل : رفعت بس ماضربتت ياوجدي لاتحرقين قلبيي لاتجفيني والقلب يبيك
الوجد بدموع : نفس الشي مافي فرق
فيصل بدا يعصب ونطق بعلو صوته : فيي فرق اني اضربك واني استهدي بالله وماضربك واتذكر الحب الي بيننا ومامد يدي عليك
الوجد بدموع : لو مافي شجره وراي كان بتضربني
فيصل بحده وعصبيه : اموت ولاامد يدي عليك !
الوجد مسحت دموعها : لاتحاول تقنعني اذا بابا قال هالكلام قبلك وطبق غير كلامه لاتحاول
فيصل زفر بعصبيه والتزم الصمت خاف يقول كلام مايليق بها
الوجد : خلاص خلينا ننهي الي بيننا قبل يصير عندنا اطفال
فيصل رص على اسنانه بغضب : يابنت الاوادم لاتطرين هالكلام واحلمي بالطلاق والورع بيجي اليوم قبل بكرا
الوجد رجعت تبكي : افف مابغىى
فيصل ناظرها وهز راسه بيأس ورجع يناظر الطريق
الوجد حطت يدينها على وجهها واستمرت تبكي
فيصل : امنعيني من الدموع يابوك خلاص!
الوجد بدموع : مالك دخل ابكي ولاماابكيي خلاص اتركني رجعني لماما وبابا وانتهينا !
فيصل وقف السياره على جنب ونطق : وش تبين انتي بالضبط؟
الوجد ناظرت عيونه : مستحيل اكمل معاك الي شفته بالمزرعه بحد ذاته سبب وثانياً كلامك !
فيصل مسك فك الوجد بقوه ونطق بعصبيه وصراخ : طلاق ماني مطلق لو تنطبق السماء على الارض ماني بمطلقك وانتي صدق انانيه همك نفسك لاتحاولين تنكرين لانك تشبهين عمتك شيخه واشين منها بعد
الوجد غمضت عيونها بألم من كلماته اكثر من يده الي على فكها كلام اقرب شخص لك يعور ولو هي كلمه فقط! شعور كلمه من اقرب شخص يحفر القلب سواء كلمه سيئه او كلمه حسنه
فيصل بعصبيه وصراخ : لاتسوين نفسك المجروحه ! انتي الي ماسمحتي لي أفهمك الموضوع
دموع الوجد نزلت على يد فيصل الي على فكها
همست بـ: اكرهك
فيصل ترك فك الوجد بقوه وتجاهلها وحرك السياره
الوجد حطت يدها على عيونها ولصقت بالباب وتبكي بدون صوت
فيصل شاد على الدركسون ويناظر الطريق وحواجبه معقده ومرتكي على الباب ويده على على جانب وجهه ومعصب
:سمحتي لناس تدخل علاقتنا وتخربها !
الوجد بدموع وماتناظر فيصل : الكلام ينطبق عليك
سكتت فيصل وظل يناظر الطريق والهدوء بينهم مرعب قبل كم ساعه ماشين من نفس الطريق يضحكون وابتساماتهم ماتفارق وجييهم رجعو من العزيمه الصراخ والدموع مافارقت وجيههم
هدوء الطريق ومافي صوت غير صوت السياره وشهقات الوجد
فيصل ادرك انه خربها بينهم نهائياً كان يمديه يكحلها ويراضيها بكم كلمه وينسيها زعلها بس هو عماها وكرر عليها الكلمه وحرجها بكلامه مستحيل ومن سابع المستحيلات ترضى عليه ! دامها نطقت بأكرهك بين دموعها يعني مشاعرها صادقه بكرهه
الوجد تبكي ويدها شاده على عبايتها بخوف منه ومن تهديداته ومين هذا الشخص الي جنبها وليش يصرخ ويهددها مو مستوعبه ان الشخص الي جالس جنبها هو نفسه الي تحبه وتعشقه وتنكر ان هذا هو نفسه فيصل الحنون عليها مستحيل هو !
مه الاسف هذا الافكار تدور حول راس الوجد فقط وانكارها ماله فايده فيصل هو نفسه فيصل
مسافه الطريق من العواصف والحطام بين الطرفين ووصلو المزرعه
وقف فيصل السياره وعلى امل انها تنزل معه لكن شافها تنزل من السياره وتمسح دموعها بس دموعها تنزل ومتجهه لبيت الجد مو لبيت العم محمد
تنهد فيصل والود وده يناديها بس يدري ماراح تسمعه وتلبي طلبه وتجي
مسح على شعره بضيق ولحقها
اما عند الوجد الي تمشي بخطوات سريعه وتبكي بكل خطوه تخطيها مجروحه منه
دخلت البيت واول شخص طلع لها طاحت بحضنه تبكي
رفع يدينه مصدوم من الوجد الي طاحت بحضنه تبكي واول شخص يحضنه
الوجد بدموع : جديي
الجد سلطان بتردد حط يدينه على ظهر الوجد : علامتس يابنتي ؟
جاء مازن وهو يقشر البرتقال : احلام العصر بدون مكيف
دخل فيصل وشافها تبكي بحضن الجد سلطان مثال للقساوه ومن الصدمه وقف مكانه مانطق بحرف
مازن عقد حواجبه : حويجه شفيتس انتي؟
ماردت الوجد على اسألتهم واستمرت تبكي
تقدم فيصل ومسك عضد الوجد ونطق : امشي معي
الوجد التفتت لفيصل وسحبت يدها
الجد : فيصل وش انت مسوي لها ؟
فيصل تنهد بغضب : وجد امشي معي لاتدخلين العوايل بالمشكله
مازن نزل البرتقاله على الطاوله والتفت لفيصل : لاترفع صوتك عليها !
فيصل : مشكله بيني وبينها وبحلها معها
الجد : دامها ماتبي ماتاخذها وبتجلس عندي لين هي بنفسها ترضى عليك !
الوجد مسحت دموعها : وين نودي ؟
مازن : روحي لغرفتها تلقينها به
رفعت انظارها لفيصل تناظر فيه للمره الاخيره لانها معصبه وتبكي وافكارها مشتته وكل تفكيرها كيف تبتعد عن فيصل !
بادلها فيصل بالتواصل البصري وكله خوف يفقدها
قطعت الوجد التواصل البصري الي بينهم وراحت وفيصل ماشال أنظاره عنها وهي تمشي الين اختفت عن انظاره
الجد : فيصل علامك عليها انا صح معترف وميقين اني ضريتها بس خسرت الوجد للابد ماعادها تعتبرني جد لها لاتخسرها
فيصل عقله وقلبه وتركيزه مو معهم ويناظر مكانها الي كانت متواجده فيه ومن قفت عنه اخذت قلبه وعقله معها
مازن اخذ برتقالته : يبه معليك انا بفهمه لاتشيل هم
الجد هز راسه بيأس : ايه زين قواك الله وترى بيذن الفجر بعد شوي
راح الجد والتفت مازن لفيصل ونطق: امش للدكه وطلع كل الي بخاطرك
مازن مسك فيصل الجامد مكانه وطلعو للدكه وجلسو فيها
تنهد فيصل ونطق : ياولد احبها بس ضريتها
مازن : ماودي اخوفك بس ترى الوجد اذا تعلقت بشخص واذاها بكلمه ترى ماتسامح اكبر مثال امها وابوها ضروها بقول وفعل وللحين ماتتكلم معهم ولاتناظرهم !
فيصل اسند راسه على المركى وناظر السماء الي يتوسطها البدر والنجوم الي حول البدر : جايك ابيك تخفف عني مابيك تخوفني وتشغل بالي عليها
مازن اكل برتقالته اخيراً وخلصها وانسدح جنب فيصل : ابيك تدرك اهميه الوجد
فيصل زفر بضيق : علي الطلاق مدرك واحبها وقربها قرب الوريد والله مدري وش صار وماني مستوعب الي صار كيف صرخت عليها ورفعت يدي عليها وهددتها !
عقد حواجبه مازن : وجع ضاربها؟
فيصل : لا ضربت الشجر وراها وخفت عليها وحضنتها عشان ماضرها
مازن ؛ لو لو لو افترضنا انك مديت يدك عليها تدري اني انا شخصياً اسطرك
فيصل : يد انمدت على الوجد ياجعلها للكسر
مازن من قلب : اميننن
فيصل حط يدينه تحت راسه : ابيها
مازن ؛ اصبر اقل شي سنه عشان ترضى عليك
فيصل : اصبر لعيونها
،
لمياء بضحكه ؛ بناتتت تكفون شوفو القروب انهرتتت ضحك يالله كيوت وربي كولد برو
لينا فتحت القروب : يالبيهه احتاج كلوركس مو كولد برو بس
شيهانه ابتسمت : ياحليلهم
ام نواف : عاد ورونا جانا فضول اقربن
لمياء : اسف لهم بس برسلكم ياخالاتي
حنان جاها فضول عن الفديو الي معجبين فيه وفتحت جوالها ودخلت القروب وارتخت ملامح وجهها بصدمه من شافت فيصل يحاول يراضي الوجد هي الوحيده الي تدري ليش فيصل شال الوجد على كتفه كانت تظن انها خربت بينهم ماظنت انه يراضيها بنفس الساعه !
ضحكت ام عبدالاله : هو علامه عليها
ام نواف وهي تناظر الفديو : اكيد مزعلها وبيراضيها
ناظرتهم حنان بقهر وغبنه
رحاب بهمس : قايله لك ماتقدرينن تخربين بينهم انا من قلت للوجد ان فيصل يبي حنان ماصدقتني
لمياء تضحك وتسجل فويس: كش ياجمان ليش وقفتي التصوير
جمان ردت بفويس : وش اسوي ياختي عبود مستعجل
ام لمياء : منا حليلهم الله يديمهم لبغض
جاهلين تماماً ان فيصل والوجد متهاوشين!
،
غرفه العنود الي كانت تكلم فارس ويستشيرون بعض على اثاث بيتهم
العنود : ابيض مو عملي بيتوسخ بسرعه
فارس : اتفق ماش الابيض ماش
العنود ضحكت : تجاملني انت؟
فارس تكى بذوبان من ضحكتها : لا وينن انا اقول لك رايي بدون مجامله
العنود : ايي عبالي تسلك لي
دخلت الوجد تبكي ونطقت العنود : شفيك جوجيي
الوجد جلست وحطت يديها على وجهها وبكت
فارس معتبر الوجد اخته وعرف صوتها ونطق : بنت العنود وشفيها الوجد؟
العنود ؛ فارس بعدين اكلمك
قفلت الخط وسحبت الوجد لحضنها ومسحت على شعرها : الوجد شفيك!
الوجد بدموع ؛ مادري ببكي بس
العنود : غريبه بالعاده تبكين عند فيصل
الوجد تنهدت بدموع : نوديي لاتذكريني
العنود قامت : وش مسوي لك فيصل؟ بروح اهاوشه
الوجد مسكت يد العنود : لاتكفين اجلسي معي مابغاه ولاابغى طاريه
العنود عقدت حواجبها ورجعت مكانها وحضنت الوجد : طيب وش بينكم؟
الوجد بدموع : نودي مابغاه مابغاه اكرهه
العنود : هو !غريب في احد يكرهه حبيبه بيوم وليله؟
الوجد حطت شعرها ورا اذنها : ايوهه اناا ومو حبيبي
العنود : طيب قولي لي وش مسوي لك ! وليش كرهتيه قد كذا !
الوجد نزلت راسها بدموع : قد قالي اذا صارت مشكله بيني وبينك لاتقولين لحد انا وياك نحلها بين بعض ، بس انا ماني قادره احلها معه ولاني مستعده اسامحه
العنود : جعل يده للكسر شكله ماد يده عليك! مو طبيعي هالكره هذا كله اكيد ضربك
الوجد اخذت نفس : لا ماضربني قال لي انانيه
ضحكت العنود : اما عاد مقومه ومقعده الدنيا عشان هالكلمه ؟ اهخ بس لو تدرين وش يقول لي بتنجلطين
الوجد : عارفته يحب يمزح معاك بالمعايير بس هالمره قالها لي من قلبه !
العنود تهون على الوجد : مافي شي اسمه من قلب هذا حبيبك وزوجك مستحيل يقول كلمه من قلبه بهذي البشاعه حبك وباع الكل عشانك مستحيل تكون الكلمه من قلبه !
الوجد شبكت يدينها : صدقيني طلعت من قلبه كررها علي ثلاث مرات مو مره وحده لو مره وحده كان قلت انها بالغلط بس كررها علي
العنود عضت على شفايفها ماتوقعت ابداً ان فيصل يأذي الوجد بكلماته البشعه ونطقت : قومي جوجي صلي ركعتين وعيني من الله خير
الوجد وقفت : تمام
راحت الوجد للحمام يكرم القارى تتوضى اما عند العنود الي حالفه يمين بالله تغسل شراع فيصل ! بس تنتظر الوجد تنام
طلعت الوجد بعد دقيقتين تقريباً ومتوضيه ودموعها تسيل على خدودها : ابغى جلال صلاه
قامت العنود وفتحت الدرج وطلعت جلال صلاة واعطت الوجد : بروح اجيب لك ماء واجي
الوجد اخذت الجلال وابتسمت ابتسامه باهته ولبست الجلال والعنود طلعت من الغرفه وتعمدت تتأخر عشان الوجد تاخذ راحتها
الوجد صلت شفع ووتر وتبكي وهي ساجده سلمت من الصلاه ومسحت دموعها بأكمام جلال الصلاه وناظرت القارئين : كل ماضاقت فيكم الوسيعه صلو شفع ووتر والضحى كمان ولانتسون ذكر الله في كل وقت وفي اصعب اوقاتكم اذكرو الله ترى مالنا بهالدنيا احد غير ربي سبحانه وتعالي اختلو مع الله وابكو وفضفضو بترتاحون وحطوها حلقه بأذنكم مالنا الا الله
اخذت نفس وناظرت السقف تمنع دموعها تنزل بس ابت بالفشل دموعها اقوى منها وهزمتها ونزلت
دخلت العنود ومعها كوب ماء وجلست جنب الوجد ومدت كوب الماء
الوجد التفتت للعنود واخذت الكوب بيدين راجفه وشربت واسنانها تطق بالكوب بسبب رجفه يديها
تجمعت الدموع بعيون العنود من شافت رجفه ودموع الوجد : تعاليي
الوجد نزلت كوب الماء وحضنت العنود ونطقت بين دموعها : نوديي ماتوقعتها منه
العنود تمسح على ظهر الوجد : ياحبيبتيي انتي ارتاحي لاتشغلين بالك فيه بيجي بعد كم يوم ويتأسف منك
الوجد بدموع : مو قادره اطالع بوجهه ولاني قادره انسى كلمته مستحيل نودي اسامحه غلط بحقي وكيف تبغيني اسامحه ماقدر !
العنود : معك وقتك ياحوجيي يابعد هالعيون معك وقتك تفكرين فيه لاتفكرين الحين خطاء تراك معصبه منه وافكارك ابداً ماهي صح ! اهدي واذا هديتي فكري تفكيرك الحين اتخاذ قراراتك بوقت عصبيتك او بوقت فرحة خطاء بتندمين بعدين !
تنهدت الوجد : ماعرف وش اقول بس ببكي
العنود :طيب حبيبتي ابكي خذي راحتك بس لاتنامين ودموعك على خدك
الوجد : لاتشيلين هم ،كم باقي على اذان الفجر؟
العنود فتحت جوالها ونطقت :١٣ دقيقه ، شيهانه مابعد جت؟
الوجد هزت راسها يالنفي : لا بتجلس مع بنات خالاتها وهم قالو للصبح بس الظاهر بينامون عند جدتهم يوم يومين
العنود : اهم شي تستانس
الوجد : صادقه طيب جويريه مختفيه وينها؟
العنود : يوهه تكفيننن انهرت رايحه تعدي ورا طلال الين انقلبت الايه وصار هو يعدي وراها يبي يعرف من هي والحين جت تعبانه ونامت
الوجد : للحينها على طلال؟
العنود : بيني وبينك شكل بيصير بينهم قصه حب عظيمه
الوجد : الله يوفقها ويسعدها ويرزقها الرجال الي يصونها مايكسر قلبها يارب وكل بنوته بعد قلبي يحب البنات شسوي
العنود : اللهم امين يارب طيب حويجه شريتي فستان لعرسي؟
الوجد : ايوهه طلبت قبل اسبوع والظاهر بيجي بكرا
العنود : شوفيه بجوالك اخاف تنامين والمندوب يجي
الوجد عضت على شفايفها : جوالي بسياره اخو شيهانه
العنود عقدت حواجبها : شفيك ماتقولين اسمه؟
الوجد : مابغاه
العنود : جوالك معه قومي قولي له يجيب جوالك
الوجد : الوو هيه ؟ تونا متهاوشين شين شكلي بعد ماتلاعنا خير اجيه ! لايعع هو يجي اما انا اجيه لا وستين الف لا
العنود ضحكت : اجل اجلسي به جوالك مايرجع لك
الوجد : لا يجيبه غصب ونودي الشاطره تقول له
العنود رفعت كتوفها : مشاكلكم طلعوني منها انا ماني قايله لاحد شي
الوجد تنهدت : نوديي تدرين انتي وش صار بيننا ترضين اروح له ؟
العنود : ايه ارضى روحي له واطلبيه جوالك وين المشكله ؟
الوجد : مستحيل اروح له
العنود : احل بح جوال
الوجد : اففف منك ، اشتقت لميمي اخذتها شويهين ولارجعتها لي
العنود : بتجي ان شاء الله
استمرو بالسوالف الين سمعو صوت الاذان ورددو ورا الاذان وبعد ماخلص الاذان همسو بـ: اللهم رب هذه الدعوة التامة، والصلاة القائمة، آت محمد الوسيلة والفضيلة، وابعثه مقاماً محموداً الذي وعدته
قامت العنود تجيب جلال صلاه ثاني وفرشت سجادتها جنب سجاده الوجد وصلو ركعتين الفجر وسنه الفجر
،
الرجال طالعين من المسجد ويسلمون على بعض ويعزمون بعض والي يرفض والي يلبي العزيمه
الجد يتلفت يمين وشمال وشتت انظاره بجميع انحاء المسجد بس مالقى الداجين فيصل والدلخ الثاني مازن وهو محذرهم لاينامون وقت صلاه الفجر
: وينهم هالداجين؟
ابو نواف : لابد انهم راقدين انا اوريك بهم يايبه
ابو بتال : لاحول ولاقوه الابالله طول هاليلول سهاري ولمن جاء وقت الاذان رقدو
الجد : ايهه زين علاجهم عندي
تنهد ابو الوجد ونطق بتردد يسأل ابو نواف : هو الوجد رجعت مع فيصل؟
ابو نواف : والله يابو ماشفتها ولاشفت فيصل مير اني شفت سياره فصيل بس وانت تعرف فيصل مايرجع الا وهي معه لاتشيل هم ياخوي
الجد سمع طرف حديثهم وتنهد ندمان انه دمر علاقه ابو الوجد مع بنته بس لافات الفوت مايسمع الصوت وش استفاد غير الندم؟
بتال طلع من المسجد واستوقفه ابو بتال : شفت هالسرابيت؟
بتال بكذب : ايهه فيصل ومازن توهم يسلمون يابعد حي يصلون سنه
الجد ناظر بتال : والله من التسذب المكوم بعيونك
بتال بلع ريقه والتزم الصمت ونطقت ابو نواف : الكذب ياوليدي حبله قصير
ابتسم بتال بوهقه ونطق الجد : اجل انا قايلن لهم الصلاه بعد شوي وقال ابو قذله لاتشيل هم يايبه هين انا اوريكم بهم
مشى الجد سلطان بخطوات سريعه وكل خطوه يخطيها يستغفر ربي يجازي السيئه بالحسنه
،
الدكه
ادج ثنين بالحياه ذابحهم الحب واحد يحب شروق بس مو قادر يتواصل معها بسبب خوفه من الله لانها علاقه محرمه والمصيون الثاني الي حب والحب ذبح قلبه وليفته ماعادها تبيه
المفروض انهم يهوجسون حبايبهم بما ان الحب معذبهم لكن الي صار انهم نايمين بالدكه والديك فوق روسهم يصيح بس لاحياه لمن تنادي نايمين
شفيكم ذابحهم الحب ومن زود التعب نامو معلومه مشكوك فيها المؤلف فيصل والمنتج مازن
نايمين بشكل عشوائي وبدون بطانيه ولامخده وبالبرد هذا نايمين !
الجد من بعيد وبعلو صوته : لاجابكم جياب المطر ابك انتم عقوبه عاقبتونا وعاقبت المسلمين ولاحد سلم منكم
تحركو منزعجين من صوت الجد ولاهم منزعجين من صوت الديك
الجد دخل الدكه وبعصاته قومهم : ومتسدحين بعد قومو قامت قيامتكم
بعد مالقمو كم ضربه من العصا الي صنعت في العصر الحجري من قوتها قومتهم !
مازن وهو يفرك عيونه : واحد صفر للعصا الحجري ذا
فيصل يتمدد : تهانياً للعصا تستحق التكريم
الجد : جل مانا قايلن لكم لاترقدون
فيصل : جل من لايخطي ياجد
مازن قام وجحد فيصل : فيصل شيطان ماقرر ينام الا وقت الصلاه !! استغفر الله
فيصل : على قوله الوجد لك مين عم يحكي؟؟ "رياكشن"
الجد : قم صل يملا الي
فيصل قام ونطق : هابشر
راح مازن ووراه فيصل لكن الجد استوقف فيصل من مسك يده
فيصل عقد حواجبه والتفت : بغيت شي؟
الجد : الوجد يابوك لاتهملها وتاكلك الحسايف وتعيش بدوامه ندم
فيصل ابتسم وهز راسه بالرضى : ولايهمك ياجد بواجهها وبحل الي بيننا وياجد انا شاكر لك شكر جزيل انك وقفت معها وحاولت تصلح غلطتك
الجد : نحاول ياولدي
ابتسم الجد سلطان وراح وتنهد فيصل وراح يتوضى ويصلي بالمقلط مع مازن بما ان صلاه الجماعه راحت عليهم وفعلاً صلو واستغفرو ربهم
اخذتهم السوالف او بالاحرى الفضفضه الين دخلت الخدامه زينب : فيصل
فيصل التفت : هلا زنوبه
الخدامه زينب : قرقر واجد
ضحك فيصل ونطق : وشبغيتي؟
الخدامه : انا سوي قهوه شاهي وحطه في دكه روح اشرب
فيصل قام : ماتقصرين ي زنوبه
راحت الخدامه زينب ونطق مازن : اتحداكك يالشغاله البطله مشينا مشينا نتقهوى قهوه الصباح ونحل موضوعك مع جويجه
طلعو من المقلط واتجهو الدكه وجلسو فيها ومازن يقهوي فيصل بس فيصل يشرب هواجيس مو طبيعي وضعه جسمه مع مازن بس عقله مع احد ثاني
تنهد مازن من شاف فيصل يناظر فنجان القهوه ولايرمش بسبب التفكير الي شاغل باله : هونها تهون وانا اخوك
رفع انظاره فيصل لمازن : وين اهونها ووليفتي ماعاد تبيني
مازن : تزين بس انت حاول وامسك اعصابك انا للحين مافهمت السبب الرئيسي بالمشكله ولاودي اعرف لانها بينكم ولكن اكيد انك قايل للوجد كلمه او فعل انا اعرفها ماتزعل كذا الا انت قايل او فاعل والله اعلم
فيصل مسح على شعره بضيق : تخبر يوم يجبروننا نتزوج بعض وقلت ابي حنان عشان اتخلص من الوجد؟
مازن يصب القهوه السعوديه : ايه اخبرها هالسالفه
فيصل : اييه عليك نور الوكاد ان حدى بنات خالاتي قايله للوجد هالسالفه وقايله ان حنان وفيصل بينهم شي
مازن : الوجد ماتهتم لماضي احد مستحيل تزعل لان هالشي قبل حبكم لبعض
فيصل : مازعلت ادري بها ماتهتم للماضي بس الوكاد انهم قايلين لها ان فيصل وحنان بالمزرعه لحالهم
مازن عدل جلسته بصدمه : اعقبب !
فيصل قال لمازن كل السالفه بالتفاصيل وبكل حرف قالوه ومازن فاتح فمه بصدمه اول مره يسمع مشاكل بين الزوجين
مازن بلع ريقه : مدري والله وش اقول غير صم نحرك ولاتقول لها كذا
فيصل اخذ نفس بضيق وانسدح وراسه على المركى
العنود من بعيد وبعلو صوتها : وينهه المصروع !
مازن : جتك الثانيه الظاهر متهاوشه مع رجلها فارس
فيصل يعرف ليش العنود تصرخ وغمض عيونه
العنود دخلت الدكه : فيصل ياورع قم
فيصل حط يدينه ورا راسه : ايه يالعمه العصبيه وش بغيتي؟
العنود تخصرت : وجالس بارده مبرده وزوجتك تبكي داخل ونايمه والدموع على خدودها !
فز فيصل من مكانه ونطق :هاهه!؟ بشوفها
العنود : مافيه توها نامت عقب مااكلت مسكن
فيصل زفر بضيق : يالله يالله منك يالعنود شفيها وليش اكلت مسكن؟
العنود : من كثر الضيقه والصياح راسها عورها واكلت مسكن ويالله يالله نامت
فيصل جلس على المركى ونزل راسه وحط يدينه على شعره ويفكر اذا بدايتها اكلت مسكن كيف نهايه المشكله ؟
العنود جلست على حدود الدكه ونطقت : اتمنى فيصل تحل المشكله قبل زواجي لان ماودي الوجد تروح للزواج وعيونها حزينه
مازن : متى زواجتس انتي؟
العنود رفعت حاجبها : وجع انا اختك المفروض حافظ متى يوم زواجيي !
مازن : ياليلل عاد تخيل نهايه عمري احفظ تاريخ الحمدلله والشكر صدق
العنود : لو قلت متى ميلاد شروق؟
مازن بسرعه البرق قال تاريخ ميلادها وحافظه صم!
ضحكت العنود : الله يزوجكم صدق
مازن : امينن ، المهم متى زواجتس؟
العنود : بعد اسبوع
تنهد فيصل ووقف ونطق وهو ضايع ومشتت تفكيره : العنود يرحم والديك صحيها لاتنام وهي تبكي طالبك !
العنود : فيصل ضروري تنام لان لو استمرت قاعده تنهار اكثر من كذا
فيصل : طيب بشوفها على الاقل لو انها نايمه
العنود : وربي لو بيدي كان جارتها لك بس ابداً ماتبغى تشوف احد وحلفتني
مازن : معليه تحمل كلها كم يوم وتطس العنود لزوجها وماعاد يصير على الغرفه حارس يحرس حرمتك
فيصل مسح على وجهه : والله يامازن مو وقت ضحك
العنود : بحاول فيها تقابلك ولايهمك بس تبي جوالها
فيصل عقد حواجبه ويتحسس جيوب ثوبه: جوالها ؟ مو معي
العنود : بسيارتك تقول
فيصل : خليها تجي وتطلب جوالها وتقابلني
العنود : فيصلل حرام عليك البنت تعبانه لاتجبرها تجيك تطلب جوالها بتخرب بينكم زياده !
فيصل : بشوفها ومافي طريقه غير هالطريقه
العنود تنهدت والتزمت الصمت ونطق مازن : فعلاً مافي غير هالطريقه !
العنود وقفت : بقول لها اذا صحت
فيصل : اتحراكم
،

____________________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
حسابي انستا انزل فيه الروايه : Ot34828
*اعتذر عن الاخطاء الاملائيه*

فيصل رسمياً ابو قلب قاسي😔💔