لاتقارنين حبي لك بأي مخلوق انا حتى بغيابك احبك

Part43

سبحان الله وبحمده سبحان الله العظيم ♡

الوجد طالعه من الكلاس وجوالها بأذنها وتمشي جنب خيال
: وينك ؟
فيصل : بالدوام
الوجد : اها كويس بالتوفيق
فيصل : تعالي تعالي وشبغيتي؟
الوجد : اول قلت اطلعك من الدوام عشان ارجع للبيت بس عادي عندي خيال توديني بيتها والعصر اذا خلصت من دوامك تجي
فيصل : تستهبلين؟ متزوجك ليه؟ جايك بس تجهزي خمس دقايق وانا عندك
الوجد : فاصولياء لاتطلع من الدوام اجلس انا اروح مع خيال
فيصل : اقول خلي عنك هالكلام الفاضي وجايك لاتناقشيني
قفل الخط ينهي النقاش
الوجد عدلت شعرها : رفض
خيال زمت شفايفها : اوه خير كنت بعزمك انتي والبنات
الوجد : بجيك يوماً من الايام لاتشيلين هم انتي قولي لي وش مشاعرك اتجاه فهد
خيال ابتسمت بخجل وشتت انظارها : جوجي ماتفقنا تحرجيني كذا ! خلاص قلت احبه بس
الوجد جلست بـ الكرسي ونطقت بضحكه : بس ايش ياعروسه ؟ انا تكلمت مع فيصل وضبط الامور مع عمو محمد ابو فهد
اتسعت عيون خيال بصدمه وجلست جنب الوجد : جوجي تمزحين! وش الي تكلمت مع فيصل وابوه وكاننا عايشين بنيورك
الوجد : ي خيالي ياعيوني انتي بس تكلمت مع فيصل عن موقفكم اخر مره بعد كانت زله لسان بس فاصولياء فطين فهم السالفه وتكلم مع ابوه وش فيها؟
خيال مسكت راسها : يالله ياكميه الاحراج الله يسامحك حطيتيني بموقف محرج !
الوجد : اي احراج ياعيوني انتي كل الطرفين يحبون بعض وانا وفاصولياء فاعلين خير قررنا نجمع بينكم
خيال زفرت بضيق : وش بيقول عني فهد؟ بيقول قاطه نفسها لي
الوجد : تكفين لو تقولين فيصل يقول هالكلام اصدق لكن فهيدان لسانه عسل عسل مايقول كذا حتى تفكيره مثقف مايفكر بالتفكير هذا
خيال رفعت حاجبها بممازحه : عسل ؟
الوجد ضحكت وضربت كتف خيال بخفه : ياعيني على الغيورين
خيال تنهدت : اهخ بس احس متحمسه انا وياك نعيش ببيت واحد ونكون قريبات لبعض بعض ونتهاوش ونسهر مع بعض
الوجد ابتسمت ابتسامه باهته : ان شاء الله
خيال ميلت راسها من لاحظت ابتسامه الوجد الباهته : ليه الابتسامه كذا مليانه ضيق ؟
الوجد نزلت انظارها بضيق : مانقدر نعيش ببيت واحد انا وياك
خيال : ليه؟ مو انتي تعيشين ببيت عمك ؟
الوجد : الا بس فيصل مايبغى الرياض كلها يقول بنتقل جده واحس مابغى اترككم ! متخيله حتى دوامه قدم اوراقه بجده وحتى انا ملف الجامعه بياخذه وبيقدم بجامعه جده !تهاوشت معه وتكلمت معه واقنعته اني مابغى اطلع من الرياض بس فيصل عنيد مايترك كلمته
خيال مسحت على كتف الوجد : ياروحي انتي فيصل ادرى بمصلحتك مالزم تنقلين لجده الا انه شايف شي ماتشوفينه
الوجد عقدت حواجبه : مثل ايش شايف؟
خيال : مدري ممكن حركه او كلمه من عمامك او جدك ضايقت فيصل وهو خايف يوصل لك العلم !ترى اتفق مع فيصل انكم تنقلون اشتري راحه بالك
الوجد وقفت عند "كلمه من عمامك او جدك " تفكر لان كلام خيال منطقي فيصل مالزم ينقلون جده الا انه شايف او سامع شي مضايقه ! لهدرجه الموضوع سهى عن بال الوجد؟ ايش هي الكلمه؟ او عن تأخير حملها ؟ او عن ايش بالضبط ؟ كل هالاسأله تدور ببال الوجد
قطع هواجيسها بالموضوع يد خيال الي على كتفها
: جوجي جوالك
الوجد وعت على نفسها والتفت : هاه؟ جوالي ؟
اخذت الجوال وقرت الاسم وردت : هلا
فيصل : ياهلابك وجدي يابوك الجامعه زحمه انا بوقف عند السياره واذا شفتي واحد لابس لبس الدوام تعالي لي وانتبهي تراني واقف بعيد بيني وبين الجامعه خط سريع وقفي على الرصيف انا اجيك
الوجد : تمام جايتك
فيصل : انتظرك
ابتسمت وقفلت الخط والتفتت على خيال وحضنتها : انتبهي على نفسك
خيال بادلتها الحضن : وعلى نفسك لاتتضايقين من شي وطيعي شور فيصل وروحو جده واستانسو !
الوجد ابتسمت : لاتشيلين هم من عيوني
ابتسمت خيال وقامت الوجد ولبست عبايتها وحطت الطرحه على راسها وابتسمت لخيال وراحت
خيال جلست وغضت على شفايفها بأحراج والبعض من الحماس معقوله حبت فهد من نظره بس؟
نطقت : من اول نظره قلبي هديتو ليك خليتنا نبغيك ونشتاق اليك
،
الفندق
العنود ترتب شنطتها : ابوي يقول تعالو اليوم العصر
فارس تكى على الباب وبيده كاسه شاهي : والله انا اشوف نروح لابوي اول
العنود : فروسي حبيبتي ابوي مسوي عزيمه كذا بسيطه بيننا اكيد عمي بيجي !
فارس : تهقين يجي؟
العنود سكرت الشنطه : اكيدد بيجي
فارس : شفت فيصل بشوارع الرياض
العنود عقدت حواجبها : شجابه؟
فارس : دوامه اظن هنا
العنود : ياعزتي له المفروض ينقل للرياض مع حرمته ويأسس بيته
فارس : قالت لي شريق ان الوجد وفيصل مايطولون بالمزرعه بيطلعون
العنود : خير غرت من شروق طلعت اقرب للوجد
فارس : انتي اقرب لي من اختي شريق
العنود ابتسمت : يحياتيي والله طيب نمشي الحين؟
فارس : القايله من يمشي
العنود : صادق
،
واقف عند سيارته ويطالع يمين و يسار يدور الوجد بعيونه
شافها واقفه عل الرصيف والي يفصل بينها وبين فيصل شارع والسيارات تمشي بسرعه
فيصل من بعيد : خليك لاتتحركين !
الوجد التفتت لمصدر صوت فيصل
فيصل بعلو صوته : لاتتحركين انت تجيك
الوجد انصقهت فجأه وتوقعت ان فيصل قال لها تحركي تعالي وفعلاً تقدمت
فيصل شافها تمشي تقطع الشارع والسياره جايه مسرعه
حس بوقتها شاب شعره خاف يفقدها وركض لها بدون وعي واصتدم بجسم الوجد وحضنها وطاح على كوعه وطيحته قويه وعلى الشارع يعني جروح لانهائي
ومايسمع غير صوت بوري السياره
ومع الاسف الشديد طلاب الجامعه كانو يصورون الموقف الرومنسي هذا وبينتشر المقطع وبيزعل الجد وابائهم !
نطق بغضب : ياخبله
الوجد ابتعدت عن فيصل ونطقت وهي تبكي بخوف : شفيك ترمي نفسك للموت!
فيصل مسك يده بألم ونطق بغضب : اي ارمي نفسي اذا انتي خبله تقطعين الشارع والسيارت مسرعه !
وقف راعي السياره وشاف فيصل طايح بالارض وماسك يده بألم والوجد جالسه عنده تبكي :جاكم شي؟
فيصل : لا
راعي السياره : ماتشوفون شر وانا اسف ماشفتكم والحمدلله على السلامه
فيصل يحاول يقوم : الله يسلمك
راعي السياره تقدم يساند فيصل : بساعدك انتبه على نفسك
فيصل وقف والرجال ماقصر ساند فيصل
الرجال : وين سيارتكم بوصلك لها
فيصل : الجيب الابيض الي قدامك
الرجال تحرك متجهه للجيب وهو يعاون فيصل لكن فيصل وقف والتفت ومد يده الي تألمه بصعوبه : وجدي تعالي
قامت الوجد عن الارض وهي تبكي ومسكت يد فيصل
التفت لها فيصل وباقي على ملامحه الغضب : جاك شي؟
الوجد هزت راسها بالنفي
الرجال : تبيني اوديك المسشفى على وجهي
فيصل : مشكور ماتقصر لكن ان شفت بنت على بعد اميال وقف لاتمشي لين تقطع الطريق توى ماتقطع الطريق الا اذا قربت السياره
الرجال ضحك : ابشر
ركبت الوجد السياره والرجال راح
فيصل رفع انظاره للوجد الي بالسياره وتنهد بغضب من حركتها الي بغت توديهم البرزخ
فتح الباب وركب وحرك السياره بهدوء وصمت والغريب انه يسوق بس مايستخدم يده الي طاح عليها ابداً
لاحظت الوجد ونطقت : فيصل
فيصل بغضب انفجر : وش فيصل لعنبو ابليسك بغينا نروح البرزخ انا وياك ! وش هالحركه الطفوليه البايخه وتبين تسوقين بعد وانتي حتى الشارع ماتعرفين تقطعينه
الوجد بدموع : طيب وشدراني ان السياره جايه لاتصرخ علي
فيصل تنهد : طيب امنعيني من الدموع يابوك خلاص
الوجد مسحت دموعها: ابغى المستشفى
فيصل عقد حواجبه : ليش شصاير ؟
الوجد ؛ عشانك
فيصل رجع يناظر الطريق : مافيني الا العافيه ماني رايح
الوجد : ترى طيحتك قويه فيصل خلينا نروح نشوف اخاف فيك نزيف داخلي
فيصل : متعود
الوجد : لا مو متعود الان بتروح ولا شلون؟
فيصل : ماني برايح وش بتسوين؟
الوجد : طيب شوف وش بسوي
مسكت يد فيصل المصابه وشدت عليها مما ادى الي صرخ فيصل بغضب والم : وش تسوين انتي؟
الوجد : اتاكد ان يدك سليمه طيب وش تحس فيه الحين
فيصل : ماحس بشي اتركيني بحالي
الوجد : تحس انك بتستفرغ؟
فيصل : لا
الوجد : والله ي فيصل ان مارحت على المستشفى ترى ازعل ولاعاد اكلمك ولساني مايخاطب لسانك علمتك عاد ترى حلفت
فيصل تنهد : لاحول ولاقوه الا بالله ابك انتي علامك متولجتني
الوجد تكتفت : تحبني؟ رح للمستشفى
زفر بطفش ولف السياره متوجهه للمستشفى
ابتسمت الوجد وهي تشوف فيصل رايح للمسشفى يثبت حبه لها !
فيصل بهدوء : وجدي
الوجد : عيون وجدك
فيصل ابتسم : جعلني ماعدمك ، انا اسف اني صرخت وعصبت عليك
الوجد : شوف انا مسامحتك بس لاتصرخ علي ثاني مره ترى اشوفك مصدر اماني الوحيد
فيصل رفع يده بصعوبه وسحب الوجد له وقبل جبهتها : ان شاء الله اني اكون قد ثقتك فيني وماتغير عليك
الوجد ابتسمت : ان شاء الله تبقى فيصل عيون الوجد
فيصل ابتسم بوسع ثغره : يادنيتي انتي لاخلا ولاعدم
الوجد : يحياتي صاير كيوت
فيصل رفع حاجبه : اعقبي وش كيوت الله يسلمك
الوجد بضحكه : مادري حسيت كذا صاير كيوت مره مره
فيصل : خلينا من الكيوت وقولي لي وشلون اختبارك؟
الوجد فزت بفرحه : تخيلل مره مره سهل ! اسهل من شرب المويه والله مايستاهل انهياراتي امس
فيصل وقف السياره: ماشاء الله قلت لك انتي قدها وتوكلي على الله ولكل مجتهد نصيب
الوجد : صادق والله ليتني استوعبت كلامك امس
فيصل نزل من السياره : تبين تنزلين ولا تجلسين ترتاحين هنا؟
الوجد نزلت : اكيد بروح معاك وبسمع كلام الطبيب
فيصل : اجل يلا مشينا
الوجد تقدمت ووقفت جنب فيصل ومسكت يده السليمه ودخلو المستشفى
فيصل : اجلسي هنا انا بروح اعبي بياناتي واجيك
الوجد هزت راسها بالرضى وجلست وفيصل راح للرسبشن
بضع دقائق وجلس فيصل جنب الوجد ونطق : تعبانه ؟
الوجد : لا ليه ؟
فيصل حط راس الوجد على كتفه : مانمتي زين نامي على كتفي
الوجد ابتسمت براحه والتزمت الصمت
فيصل فتح جواله يتصفح مواقع التواصل الاجتماعي سرعان ما تحولت ملامحه لغضب وعروق جبهته برزت من شده غضبه من الي شافه ! الموقف الي صار قدام الجامعه منتشر !
رص على اسنانه بغضب ودخل على صاحب الحساب وارسل له
:السلام عليكم
معك الضابط الي بالفديو اذا ماعليك امر احذف الفديو ولا بتتعرض لمسألات وقضايا ومحاكم !
طلع من الخاص ورجع يشوف الفديو وكيف ان طرحه الوجد طايحه على كتوفها والهوا يلعب بشعرها وتبكي
هز رجله بغضب وغيره وزفر : لاحول ولاقوه الا بالله
الوجد ابتعدت عن كتف فيصل من لاحظت عصبيته : فيصل شفيك؟
فيصل يخفى عصبيته : مافي شي
الوجد : انت قلت لي لاتخبـ...
قاطعها فيصل الي منزل راسه وماسك راسه نطق بحده وهدوء : الوجد اسكتي دام النفس عليك طيبه
الوجد عقدت حواجبها من تغير نبره صوته عليها : شفيك علي انت اليوم بس تصرخ علي !
فيصل تنهد بعصبيه وخلل اصابعه بشعره وسكت ماوده يجادل الوجد ويتهاوشون
الوجد تكتفت بزعل وصدت عنه
رد صاحب الحساب مع خروج مساعد الدكتور ينادي فيصل
فيصل تجاهل مساعد الدكتور ودخل على صاحب الحساب
: لو مسحت انا الفيد في مليون شخص منزل الفديو ، الفديو ترند مايمديك تلحق ترفع قضايا
فيصل : الحق على كل من نزل الفديو واطلع رزق حق ١٠سنين قدام
: عشانك من القطاع العسكري بحذف لكن اسمعني زين الفديو منشر بشكل كبيرر
فيصل : يعطيك العافيه اذا تعاونت معي ومشكوو ماتقصر
: الله يعافيك
مساعد الدكتور بعلو صوته : فيصل
فيصل قفل جواله ولازال معصب واعصابه تالفه من شاف الفديو المنشر لهم : طيب !
قام ودخل جواله بجيب بدله الدوام والتفت للوجد : قومي امشي
الوجد : مابغى ! رح لحالك
تنهد بنفاذ صبر ومسك معصمها وقومها : قومي بس
قامت الوجد وهي مصدومه من حركته القويه بالنسبه لحجمها !
حاولت تسحب يدها : اتركني
فيصل متمسك بمعصمها بقوه مايبغى يتركها ودخل العياده معها وهي تهاوش وتطلبه يفك يدها
الدكتور : اهلاً ي فيصل
فيصل ترك الوجد : هلابك ي دكتور
الدكتور : مكتوب عندي ان يدك تألمك
الوجد جلست بالكرسي وتكتفت وملامحها معصبه وزعلانه
فيصل يناظر الوجد : ايه يادكتور يدي
الدكتور : اجلس نفحصها لك اتمنى مايكون كسر ولا شعر ان شاء الله
فيصل شمر اكمام البدله : بس جرح بسيطه انا متاكد
الدكتور مسك يد فيصل وشاف الكوع يسيل دم : عندك جرح
الوجد رفعت انظارها لفيصل وشافت كوعه المجروح وكشرت حاسه بالالم
بدا الدكتور يعقم الجرح ويسوي اللاجراءت الازمه وانتهى
فيصل ينزل اكمام البدله : مشكور
الدكتور : لاشكر على واجب لكن يام محمد لازم ضروري تنتبهين لجرحه حاولي بين فتره وفتره تشيكين عليه ولاتهملينه اسبوع اسبوعين بالكثير ان شاء الله يختفى الجرح
الوجد قامت واخذت شنطتها : تمام يعطيك العافيه
طلعت الوجد من العياده وهي زعلانه
الدكتور : اوه ي فيصل المدام زعلامه !
فيصل ابتسم بمجامله : ايه
طلع فيصل يلحق الوجد وحصلها برا المستشفى تمشي
مسك ذراعها واستوقفها ولفها له : بنت
الوجد التفت : خير؟
فيصل : بتناقش معك بخصوص شي
الوجد سحبت يدها بقوه : ماتناقشني وانت تصرخ علي
فيصل تنهد يكتم غضبه : ياوجد يرحم والديك امشي اركبي السياره لاالعن خيرك
الوجد عقدت حواجبها : تلعن خيري؟ تعقب
فيصل بعصبيه : الوجد !
الوجد : اتصلت على خيال تجي تقدر تروح تكمل شغلك الي خلاك تصرخ وتعصب علي
فيصل مسك عضدها وسحبها معه لسياره : انا اعلمك ليه صرخت عليك
ركبها السياره وسكر الباب وركبت من الجهه الثانيه والتفت عليها وهو مشتعل غيره وعصبيه : بنجلس بالرياض يوم او يومين
الوجد : على اي اساس نجلس هنا ونودي بتجي العصر
فيصل : خايف عليك من الي ينتظرك بالمزرعه
الوجد : مافهمت مين الي ينتظرني ! لاتتكلم بالالغاز يرحم امك
فيصل تنهد : الموقف مصور وانتشر وشعرك ووجهك طالع وانا الكل يعرفني وبيدرون انك حرمتي وجدي وعمامي مايخلوني ولايخلونك
الوجد شهقت وحطت يدها على فمها بصدمه : كذاب!
فيصل : ليت اني اكذب
الوجد تنهدت : افف طيب مشتاقه لنودي!
فيصل حرك السياره : بنشوفها اليوم اكيد خلاص بدبر الوضع
تنهدت الوجد بخوف من تفكير جدها المتحجر اذا شاف المقطع منشر وش مصيرهم؟

__________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
حسابي انستا انزل فيه الروايه : Ot34828
النجمه تدعم الروايه

مالت 👏🏻🙌🏻 علي كل بارت اقصر من الثاني بس زي ماشفتو المقطع الي نزلته تيك بقره تائهه في بحر العلم😭

بخاطري البارت الجاي فيصل يتسطر 🥹