سبحان الله وبحمده سبحان الله العظيم ♡
المستشفى .. بعد صلاه العشاء
الوجد جالسه على السرير وهاديه وتناظر يدها الي عليها مغدي وخاطرها ماش
دخل فيصل ومتعمد يسوي الحركه الي تحبها حاط الشماغ على كتفه والعقال على راسه نطق بأبتسامه : ياهلاا ويامرحبا
الوجد بهدوء : هلابك
فيصل عقد حواجبه وتقدم وجلس على السرير ومسك كفوفها ونطق : افاا علامك يابوك الخاطر اليوم ماش
الوجد رفعت انظارها لعيون فيصل : كيف نمت اول يوم قتلت شخص مجرم؟
فيصل : قلتيها مجرم يعني ماعليه حسايف وبعدين مايسمى قتل يسمى دفاع حبيبتي
الوجد : يعني يوم كنت على الحدود وتدافع عن الوطن واول عدو قتلته كيف نمت ؟
فيصل : مانمت من الفرحه وفخور بنفسي اني ادافع عن وطني
الوجد ابتسمت : وانا فخور فيك وكل العالم فخور فيك
فيصل : انا عارف انك مانمتي كويس تفكرين ب حارس ماجد صح؟
الوجد زمت شفايفها بضيق : ماني قادره انام بسبب التفكير كيف اني قتلت شخص !
فيصل : شوفي يابوك انتي تدافعين عن نفسك وعني اساساً كذا ولاكذا نهايته الاعدام هذولا مجرمين لاتهتمين ولاتشيلين هم انتي ماغلطتيتي
الوجد : غير كذا المحقق كمان شاغل بالي كيف كذا يعرف
فيصل رفع حواجبه بدهشه : المحقق؟ بس هذا الي شاغل بالك مو مخليك ترقدين الليل؟ برفع عليه شكوى ضده لانه اتهمك بالقتل من غير دليل
الوجد : لالا حرام تظلمه هو صادق انا قاتله بس مافي دليل
فيصل تنهد ورفع يده وحطها على خد الوجد : وجدي شيلي فكره انك قاتله رجاً ونامي ولاتفكرين وبالنسبه لشيخه وماجد ترى طلع حكمهم
الوجد : ايش نهايتهم؟
فيصل : ماجد اعدام وشيخه سجن وغرامه لانها متعاونه
الوجد ؛ بزور شيخه
فيصل : اذا صرتي بخير وشلتي فكره انك قاتله ابشري
الوجد زفرت بملل : طيب طفشانه متى اطلع ؟
فيصل عض على شفايفه بوهقه كيف يصارحها لازم تجلس اسبوع على الاقل تحت المراقبه
الوجد لاحظت ملامح فيصل ونطق : شصاير؟ ليش تقلب وجهك
فيصل : ولاشي ايه تقولين لي متضايقه تبين تتمشين ؟
الوجد التفتت تناظر الدريشه الي عليها قطرات المطر : بجلس تحت المطر
فيصل : دقيقه بشوف لك الدكتور قولي ان شاء الله يرضى
الوجد تكتفت وضيقت عيونها بممازحه : سطره وطلعني
فيصل تحمس : ولايهمكك ابشريي
الوجد ضحكت بخفه وطلع فيصل وهو مبتسم وسكر الباب وراه
مشى فيصل بممرات المستشفى يدور الدكتور المشرف على حاله الوجد وحصله ونطق : دكتور
الدكتور : فيصل ؟ عسى ماشر الوجد فيها شي؟
فيصل : لا مافيها شي بس متضايقه شوي وتبي تطلع تعرف البنات يحبون المطر
الدكتور : والله ي فيصل اعتذر منك صعبه مره تطلع خصوصاً ان اليوم مطر وهوا
فيصل : ليش؟
الدكتور : تسأل بعد ؟ هذا وانا قايل لك انتبه لها فيصل البنت شاربه كميات سم كبيره جداً لدرجه انها اثرت على مناعتها لو جاها الهوا وانمرضت ترى بتتعب زياده !
فيصل : اسمع ترى قالت سطر الدكتور وطلعني لاتخليني اسطرك
الدكتور عقد حواجبه : مافهمت؟
فيصل تكتف : يعني مصمم انك رافض تطلعها بالمطر؟
الدكتور : ايه ممنوع اساساً اذا طلعت ترى بتتعرض لمسائلات
فيصل : ايه زين يصير خير
الدكتور ناظر فيصل بشك
فيصل هز راسه بخفه بمعنى"شفيه؟"
الدكتور ميل شفايفه : ممنوع لاتطلع ترى ان طلعت بيطردونك بتهمه تهريب مريضه
فيصل رفع حواجبه : استح على وجهك عميد يهرب مريضه!؟
الدكتور : مدري ماني متطمن
فيصل ابتسم : تطمنن معليك مابسوي شي اصلاً بروح لدوام
الدكتور : اي زين تسوي
وقف فيصل يعاين الدكتور ومبتسم والدكتور يخز فيصل وشاك فيه
الدكتور : رح لدوامك
فيصل : لالا حلفت تروح انت
الدكتور زم شفايفه وراح بشك فيصل يلوح بيده لدكتور : مع السلامه
راح الدكتور وتاكد فيصل ان الدكتور راح وابتسم بوسع ثغره وضحك ومشى بأتجاه غرفه الوجد وفتحها
الوجد عقدت حواجبها : ابتسامتك خوفتني مهبب شي ؟
فيصل : مو تبين تطلعين؟
الوجد : بطلع بس ماني متطمنه حاسه ان وراك بلا
فيصل حط يده على فكه ونطق : لو لو لو لو يعني لو قلنا نطلع تهريب توافقين؟
الوجد هزت راسها : لا طبعاً !
فيصل : اهاا يعني نظامك خطف وتهريب
الوجد عقدت حواجبها : مافهمت تكلم بدون الغاز
فيصل تخصر وناسي هيبته : عاني فكرت نخلي الخطف اخر الليل الحين تهريب بس
الوجد : انت من تخصرت وانا غاسله يدي شفيكك وش تهريب وش خطفه مين بتخطف؟
فيصل القى نظره حول الغرفه يدور شي عشان يغطي الوجد وتضبط الخطخ والتفت وماحصل شي يساعده لكن اخذ شماغه الي على كتفه وتقدم للوجد وحط الشماغ على شعرها
الوجد : فيصلل وش تسويي
فيصل تجاهلها ومركز يضبط اللثمه قام فيصل وشال المغذي معه
الوجد بصدمه : يمجنون وش تسويي
فيصل مد يده : قومي قومي
الوجد : عمليه خطف جديده؟ خير ترى جاني فوبيا من الخطف مابغى مابغى
فيصل مسك يدها سحبها له : مو خطف تقدرين تقولين ارجعك
الوجد : فيصل ماتقدر تطلعني والله يمسكونك
فيصل حاوط كتوفها وفتح الباب وتلفت يمين شمال يتأكد ان مافيه الدكتور وهمس : ماهو فيه امشي بسرعه للمصعد
الوجد تنهد : مكثر مسلسلات بغيابي صح؟
فيصل حط يده الثانيه على فم الوجد : اسكتي شوي
مشى بحرص وحذر بأتجاه المصعد وضغط الزر ووقف ينتظر المصعد يفتح
واقف تماما قبال باب المصعد وجنبه الوجد واول ماانفتح المصعد ناظرهم الدكتور بصدمه : هاه؟
فيصل بلع ريقه ونطق : شلونك يادكتور
الوجد : اسـ...
قاطعها فيصل من حط يده على فمها مره ثانيه عشان الدكتور مايسمع صوت الوجد الانثوي
الدكتور : اني داري بتهربها
فيصل رفع حاجبه : اهرب مين؟ ابك هذا عمي مازن !
التفت فيصل للوجد ونطق : صح عمي مازن؟
الوجد هزت راسها توافقه الرآي
الدكتور استقعد لهم : طيب ليش مايتكلم ؟
فيصل يأشر على حلقه : عنده مشكله بالاحبال الصوتيه تعبان تعبان
الدكتور يعرف ويدري انها الوجد صحيح ان اللثمه على وجهها بس ولو عيونها واضحه انها بنت : عمك مازن عنده مشكله بطول القامه؟
فيصل عض على شفايفه يكتم ضحكته : اي مسكين يادكتور مازن قصير مشكله
الدكتور حط يده تحت فكه : اها يعني المطلوب مني اصدق الحين ؟
فيصل : الله الله صدقنا ليش حنا مانكذب
الوجد : اي صح حنا مانكذب حنـ...
سكتت من حست انها جابت العيد ورفعت انظارها لفيصل تشوف وجهه
فيصل تحولت ملامحه لملامح الغدور فيه
الدكتور : اجل عمك مازن؟
فيصل ابتسم بوهقه : اسمع دكتور انت الزم ماعليك صحه المريض وانا الزم ماعلي صحه حبيبتي وام العيال يعني في نقطه مشتركه بيننا خلينا نحافظ على نفسيتها ونطلعها تتونس
الدكتور : فيصل انت توك صغير وماتعرف تصونها زين صح انك معطيها كامل الحريه والحنان بس ولو انت الحين تجاهلت تماماً صحتها وركزت على نفسيتها ! طيب قلنا غيرت نفسيتها بتخسر صحتها انا مامنعتك من هذا الشي الا عشان مصلحتها اذا خسرت صحتها خلاص وش باقي بعد تخسره ؟ الصحه ضروريه اليوم برد ومطر وهوا بيضرها وبتجيها حمى وبتمرض ومناعتها منعدمه
فيصل زم شفايفه بضيق من ادرك تهوره ونطق : مشكور يادكتور يعطيك العافيه
التفت فيصل للوجد ونطق : اسف ماقدرت اطلعك
الوجد : خير فيصل لاتتأسف وانت ماسويت حاجه خلاص حصل خير يادكتور
ابتسم الدكتور وراح لمكتبه وفيصل والوجد رجعو للغرفه
،
بعد صلاه الفجر ..
فيصل راجع من المسجد دخل وتوقع ان الوجد صاحيه بس حصلها نايمه ابتسم بحب وانسدح على الكنبه وحط يدينه ورا راسه ويفكر ويحسب كم باقي يوم وتطلع الوجد من المستشفى وياخذها تسلم على اهلها وخلاص ياخذها لمكان محد يوصل له عشان مصلحتها
فكر بضع دقائق وفتح جواله يقلب فيه ولفت انتباهه رساله شيهانه
عقد حواجبه ودخل المحادثه وكانت محتواها
شويهين : فصيل ابوي وعمي جابر عجزو وهم ماسكين عمي تركي
فيصل ؛ ليه؟ علامهم عليه
شيهانه : عمي تركي ضاربه شي من صحت الوجد وهو مو على بعضه ويحلف ياخد الوجد ويروح ! قهرني
فيصل : يقولها بس مايطولها
شيهانه : فيصل انت تقدح على عمامي يعني ؟
فيصل : ماقدح ولااهايط انا شي احبه محد يقدر ياخذه مني
شيهانه : يعني؟ الي افهم من كلامك ان مستحيل عمي تركي ياخذها منك؟
فيصل : يحلق شنبي عكس ان خذاها
شيهانه : حاولو تحلونها بدون لاتدري الوجد لان حرام والله محد يطيق العيشه الي عاشتها !
فيصل : ازهليني بحاول قدر المستطاع احلها بدون لاتدري البنت
شيهانه : طيب انتبه لاتضر احد
فيصل : انا مسالم لكن الي يجي على دربي علي بالطلاق مارحمه
شيهانه : اقتنعت
فيصل : توصين على شي؟
شيهانه : ايه صرفاتك
فيصل : شتبين فيها هذي حقت الوجد
شيهانه : ولد! انا بشرتك بسلامه الوجد وقلت عطني بشاره وقلت اعطيك صرافتي كلها
فيصل : انا قلت؟ كذب
شيهانه : تعطني ولا بعلم الوجد عليك
فيصل : ياليل تضربيني بنقطه ضعفي ليه؟ خلاص زين بحول لك
شيهانه : غصب
فيصل : هاه؟
شيهانه "تم حذف هذه الرساله "
فيصل ضحك وطلع من المحادثه وفعلاً اوفى وعده لها وحول لها
اخذ نفس وقعد يناظر الدريشه وطرى على باله ضحكه الوجد الي ماسمعها من زمان
التفت لها وميل راسه بحب واختفت ابتسامته من شافها حاطه يدها على بطنها
تذكر الجنين رغم انه راضي بقضاء الله وقدره لكن ماتخطى فقدان جزء منها نطق وهو يتصنع الابتسامه :
هونها تهون يافيصل يابعد حي وجيد
الضنى بداله ضنى لكن الوجد مابعدها وجد
YOU ARE READING
لاتقارنين حبي لك بأي مخلوق انا حتى بغيابك احبك
Randomفيصل بحده وعصبيه نطق: ان ماخذيتك وربيتك ماكون ولد محمد الوجد ببرود وعناد : ان مارفضتك ماكون بنت تركي !
