" කොල්ලා දැන් වැඩ කරනවනේ......"
" එහෙමද ?"
" ඔව්....ගිය සතියෙ දුන්න පේපරෙත් බාගයක්ම කරලනෙ.....ලොකු දෙයක් හැබැයි ...."
ඒඩන් උදාසීනව ඈනුමක් හැරියෙ කෙනෙක් කනෙන් මිරිකල දාලා පේපරේ හදනකන් මැරෙන්න හදපු හැටි මතකෙට එද්දි.....
ඒත් එක්කම අනුක් අයියා ට්‍රේ එකක තියපු තේ බන්දේසියත් අරන් පහළ තට්ටුවෙ දිග කෑම මෙසෙ ළගට ආවෙ අනුක් අයියා එනව දැකල ඒඩන්ට ඉන්ඩිවිජුවල් ක්ලාස් එකක් කරන්න ආව ධනුක පුටුවෙන් නැගිටිද්දි....
" ඉදගන්න ඉදගන්න ළමයො...."
ඒඩන් ගස් ගෙම්බෙක් වගේ බලන් ඉදියේ කෑම මෙසෙත් බදාගෙන..... අනුක් අයියා රැව්වම ඒඩන් කොන්ද කෙලින් කරගත්තෙ ධනුක තේ කෝප්පෙ අතට ගනිද්දි....
ධනුක කියල කියන්නෙ අනුක් අයියට ඉදිය හොදම ගෝලයා කියල කිව්වොත් වැරදි නෑ..... ධනුක කියන්නෙ ඉතිං එයාලගෙ ගෙදරට ආගන්තුක කෙනෙකුත් නෙමෙයි..... BSC එක කරන කාලෙ ඉදන්ම දැන් කොල්ලා ස්පෙෂල් කරන කාලෙ වෙනකන්ම තාමත් ගොඩාක්ම හිතවත් අනුක් අයියට..... අනුක් අයියත් එහෙමයි.....කොහොමත් ඔය ගුරුගෝල සබදතා කියන්නෙ ලේසියෙන් කැඩිලා බිදිලා යන දේවල් නෙමෙයි.... අදටත් අනුක් අයියා ගිහින් කැම්පස් එකක හිටගත්තත් , ස්කෝලෙක හිටගත්තත් , සුපර් මාකට් එකක හිටගත්තත් එයාගෙන් ඉගෙනගත්ත ගෝලයෝ නොසෑහෙන්න ඇවිත් එයා එක්ක කතා කරනව....සමහර අයගෙ මුහුණු එයාට මතකත් නැහැ....ඒත් ගුරුවරයෙක්ට තියෙන එකම අභිමානය ඒක.....තමන්ගෙන් ඉගෙනගත්ත දරුවො අවුරුදු ගානකට පස්සෙ මුණගැහෙද්දි ඒ දැනෙන සතුට.....
" දැන් මොකද ධනුක ....? මූ කරගනීද වැඩේ "
සැක්..... ඒඩන්ට කුඩ්ඩම්මගෙ සැලකිලි....
" ගිය සතියෙට වඩා වැඩ කරපු බවක් පේනව සර්..... පේපර් එකත් බාගයක්ම හදල....."
අනුක් අයියා ට්‍රේ එක පැත්තකින් තියල ධනුක අතට දුන්න පේපරේ දිහා බැලුවා....පියෝ මැත්ස් පේපර් එකක්....
" අවකලනය ගාන සම්පූර්ණයෙන්ම ලකුණු එන්න කරල..... පුදුමයි...."
ධනුක කියද්දි අනුක් අයියා ඔලුව වැනුවෙ පිටු එක දෙක පෙරලමින්...
YOU ARE READING
CAROL 🌼
Non-Fiction" ඩේසි මල........!! " ඒ සන්සුන් රූපය සන්සුන් දෑස් වලින්ම ඒ හිතුවක්කාර නිල් පාට ඇස් දිහා බැලුවා... " ඔයාගෙ Espoir ඩේසි මල එනකන් බලාගෙන ඉන්නව.....!" . . . . . . . Start - 2024 / 04 /29 End - ?
