فصلية وحب 2 💓

الحلقة الاخيرة (الجزء الاول)

فصلية و حب 💗 2

خليني اعلــه بالـك طيف لــو عــادت ايامـي يعــــود
او خليني اويه دمك شوك من شوكي البلايه احدود

لـ عريان السيد خلف

الحلقة ١٨ و الاخيرة

احمد يسوق و عيونه تنط شرار متوجه لبيت اهله
-والله يا يمه لو صدك مسويها الا اتبرى منكم ليوم القيامة

شيوصلني بعد

جان الطريق كله يفكر شنو حيكون موقفه كدام براء و اهلها لو صدك هاي فعلة اهله ...

وصل لبيت اهله نزل من سيارته و فتح الباب كراج جبير جانت العاملة و اخته يغسلون بالكراج

- الاء امي وين

-ها خويه شلونك

-امي وين

-شنو شبيك احمد
امي جوه

يمااااا يماااا وينج

فات احمد للبيت و صياحه هز البيت هز

-ها شني شبيك اليوم ذاكرنه

-يمه شسويتي لبراء هسه تحجيلي

-شمالها المكموعه شمسويتلها

-يمه سحرتو براء سويتولها سحر ما كفاكم كتلتو اخوها كدام عينها هنوب سحووووووره يمه براء حامل يمه ابني مات دفنته بيدي لييييش يمه ليش

-خايب شمالك تسودنت انا امك اسوي هالسوايه انا ما اودنها و اشوف دم ضروسي و لا اشوفها ولو رايده اضرنها بنص بيتكم و احط صبعي بعينها لجن موش اني الامشي بدرب السحوره

-جا ياهو اليسويها يمه تعبت انا تعبت تهجولت و الظيم حالي و توني استقريت مرتي تخبلت و ابني راح مني ولكم يهالوادم كابلوني و تعالو ليه

-موش اني الاسويها شوف مرتك منو اليكرها لو رجال لو مره منو اليدخل بيتكم

- يمه براء ما تعرف احد و محد يدخل بيتـ.... قطع كلامه و صفن

همس بصوت ناصي محد يدخل بيتنا بس دانه
اي اي دانه دانه

-شنهي منو هاي دانه

-البنيه الي جنت احبها و مرة جبتها لهنا

-هاااا اي ذكرتها
ما يراد اثنين يحجون بيها غيره و كيد نسوان هاي تحبك و هاي اقوى دافع حتى تدمر حياتك انت و مرتك

-ولج دانه منو يخلصج من ايدي

-تهده يايمه و فكر بعگل موش هيج الحجي

-يمه جاي اكلج دفنت اول ابن الي بأيدي والله اشرب من دمها

طلع احمد يركض و امه تصيح وراه و هو طالع شاف عمه ازلامه وصلوله خبر بجية احمد للبيت

-ها يالردي شعدك هنا

-شوف عمي حدي مغتاض ومالي خلك حجي زايد گلبي ما يحمل عوفني بحالي