فصلية وحب 2 💓

الحلقة ١٦

فصلية وحب 💗2

الحلقة ١٦

يمخالط رفيفك وي رفيف هواك
تسري بنبض روحي براحتك وتطوف

عريان السيد خلف

يوم مشؤوم كعدت براء جسمها كله ثكيل و ما تكدر تتحرك خطوة وحدة و حاطه بالها ويا الطفل لان كل مرة تحسه يتحرك ابطنها بس هالمرة ابد

-احمد الولد اليوم ابد ما تحرك

-عادي حبيبتي مو جنتي تكليلي مرات يبقى ساكت

-بس هسه خايفه خاف كتلنه

-براء لا تخبليني ترى هو حلم
حروح اني ما اتأخر عليج بس اقدم طلب اجازة و اجي

-ماشي دير بالك على نفسك

طلع احمد من البيت و كامت براء تشتغل و ترتب و هي بالها يجيب و يودي و قلقه على ابنها و تفكر بالحلم الي شافته لو هو بالاصل حقيقة

و على وضعها اندكت الباب

-منوو

-اني دانه

-تفضلي ؟؟

-شنو براء نحجي من وره الباب

فتحت الها براء الباب و فوتتها للبيت و دانه جايبه وياها عبلة حلويات و كيك جاهز و طلبت من براء تروح تسوي عصير راحت براء

كامت دانه تفكر بشي تسويه حتى تخلي براء تروح من بعد ما تجيب الها العصير حتى تحط بيه السحر

فتحت علبة الكلينكس و شالته كله ضمته بجنطتها

دقايق و رجعت براء جايبه العصير و المي و صحون و دانه فتحت العلب و ظلت توزع الاكل بالصحون

-اوووو ايدي اندمرت اكلج عيني ممكن كلينكس

-اي يمج بهاي العلبة

فتحت العلبة و جانت فارغة

-ماكو فارغة

-شعجب قبل يومين مليتها
حروح اجيب من غرفة النوم بسرعة و اجي

راحت براء و بلشت دانه تصب الها السحر بالعصير و رت منه بالصالة و عتبة الباب

رجعت براء و كعدت وياها و بلشت تاكل من الكيك و العصير المشؤوم الي حيودي حياتها صوب الهاوية

الرابعة مساءً بيت الدجال

- سويت كلشي كلتلي عليه يعني هسه براء رح تتمرض

-اي نعم

-تمام زين هسه اكدر اروح

-لا لان لازم تسويلي شغلة حتى يشتغل السحر

-هو انت مو كملت كلشي بعد شكو

-لازم انام وياج

-شنووووو

-هذا الموجود كلنا نشتغل هيج نستخدم جسد المرأة حتى نسوي الفاحشة و نشتغل على العمل بنجاسه

-لا مستحيل اني بعدني بنيه ما تزوجت حرام عليك

-طلعت الشغلة من ايدج من ساعة استغلت بالسحر بعد ممنوع التراجع

لزمها من خصرها و قربها اله و اغتصبها بالبداية قاومت بس للاسف قوته اكبر من انو تحاول تقاوم

كان هذا اول جزاء لدانه قبل حتى ما تبلش تأذي براء نست انو الدنيا تمشي على قانون كما تدين تدان

من بعد هذا اليوم فاتت بكآبة و ظلت تفكر انو حتى لو احمد عاف براء و تزوجها شلون رح تكدر تقنعه بسبب  هو ابن شيوخ و ما يقبل مرة معيوبه

*الساعة السابعة مساء بيت براء

براء واكفه تسوي عشا ما حست الا نزيف صار عدها

هي شافت الدم و تختبلت

-احمممممممممد الحكلي ابني راح مني

ركض احمد الها و شاف الوضع و انصدم لبس براء عبايتها و ركض بيها للمستشفى

اخذوها فوتوها لغرفة الطبيبه تاخرت جوه و احمد التوتر شاغل باله و يفكر ليش و شنو السبب

طلعت الدكتورة و كالت له تعال وقع لازم نسويلها قيصرية هسه

-ليش شكووو

-الله يعوضكم بس الطفل متوفي ابطنها

-نزل الخبر نفس الصاعقة على احمد وما يعرف شيسوي صار صفير بأذنه وكفت الدنيا ثواني و رجع كلشي تحرك من سمع صوت الدكتورة

-يلا ابني وقع ماكو وقت مرتك تنزف

وقع احمد و راح غرك بحزنه و تفكيره شلون رح يكدر يستوعب هو و شلون رح تستوعب براء

ساعة ونص و طلعوا  انطوه الطفل ملفوف بغطا فتحه و شافه و عيونه مليانه دموع جان بعده ثمن شهور كلش صغير

-ها بابا كسرت گلبي و ضهري و امك هسه شيصبرها

يتبع ...

لا تنسون التصويت و ارائكم ❤️

نور