فصلية وحب 2 💓

الحلقة ١٥

فصلية و حب 💗2

الحلقة 15

انه كتلك 
ياحبيبي الدنيا سوگ
وهاي شراية ملامح
محد يموت اعله حزنك
ذوله شراية رخيص وانت غالي
انت اغلى من العمر والعاشگين

لـ حسين المحسن

الدجال : شنو اسمها و اسم امها و مواليدها

دانه : ما اعرف بس اسمها براء

-مايصير لازم كل هالمعلومات

-شلون هسه

-عندج صورة الها

-هم لا

-لعد شلون جايه و اخذتي من وكتي كومي بابا كومي

-عندي ملابسها

-ملبوسات بيهن ريحتها

-اي

-بس هم ما يكفي

-خليهن و جيبي اسمها و اسم امها و مواليدها

-تمام رح احاول و ان شاء الله ما اتأخر عليك

-ها و بعد شغلة

-تفضل

-صورة للبنيه

صفنت دانه و فكرت انو هي الاسماء بالكوة رح ادبرها شلون ادبر الصورة

طلعت من بيت الدجال و التفكير شاغل بالها و افكار تجيبها و توديها وما تعرف شلون جانت حاطه ابالها المستحيل حتى تدمر حياة احمد و براء و مو مهم الثمن و لا الجهد و لا الوقت

و بينما هي رايحه بتفكيرها تذكرت صديقتها ام الموارد البشرية و معلومات احمد بالدوام اكيد اكو شياء تخص براء من ضمن الفايل مالته لان الي يتعين ياخذون منه معاملات و من هالامور

رجعتلها فرحة الانتصار و ارتاحت ..

ثاني يوم دوام اول ما وصلت دانه توجهت لغرفة صديقتها و للاسف جانت بعدها مامداومه لذلك ظلت دانه تنتظرها على احر من الجمر

انتظرت ساعتين و ماكو اخر شي راحت لقاعتها

خلصت محاضراتها و رجعت لكت صديقتها موجوده

حجت وياها طبيعي سلام و سوالف

اخر شي كالت الها انو محتاجه فايل احمد مانعت صديقتها بالبداية بس دانه حاولت بكل طرق و كدرت تأثرت عليها و اخذت الفايل

و من ضمن الفايل لكت هوية لبراء و اخذت منها كل معلوماتها بهالسهولة و بالمكر

ثاني يوم توجهت دانه لبيت الدجال و انطته كل معلومات براء و هو كلها انتظري ايام و تشوفين معاناتها توصل للموت

-لا لا ما اريد تموت اريد بس تتعذب لحد ما يعوفها رجلها

-هذا هو الي تريديه يصير

-انطته الفلوس الي متفقين عليها

و بلش يشتغل بالسحر و كلها يومين و تعاي اخذيه

*بيت براء الساعة الواحدة بعد منتصف الليل

براء نايمه حسيت حركة يمي بالغرفة فزيت و شفت 3 نسوان طوال لابسات اسود و ما طالع شي منهن يم راسي

و حسيت ثكل على صدري كأنما احد متربع فوكايا  حاولت اصرخ ما كدرت كأنما صوتي مكتوم و جسمي مربط
وره دقائق من العذاب غمضت عيوني و طلبت من الله يخلصني من هالشدة و استجمعت كل قوتي و صحت احمد

هو رأساً فز

- ها حبيبي شبيج

-احمد شوف شوف هذني شنو يردن مني

-منو اسم الله شبيج

-هذن النسوان خنكني

-حبيبي حلم هذا تعاي لحضني

-لا مو حلم متأكده شفتهن مثل ما اشوفك هسه

-صدكيني حلم

-تعاي خلي احضنج و اسمي عليج

حضني احمد و ظل يقرأ قران يم راسي و اني مقتنعه بالي شفته متأكده ما جان حلم

غفيت و شفت نفس النسوان و نفس المشهد بالضبط بس هالمرة وحدة حطت ايدها على بطني و اني اعيط و ابجي و هي تضغط على بطني و اتوسل بيها حتى ما يتأذى ابني

كعدني احمد و اني اعيط بالحلم و بالحقيقة و حضني

-براء شبيج شنو رجعتي شفتي نفس الحلم

-احمد مو حلم صدكني كلش داحس بيه عبالك حقيقه والله حتى وحده ضغطت على بطني و هسه عندي الم

-اسم الله عليج

من بعد هذا الكلام احمد هم حس بخوف و توتر و بقى الليل كله كاعد يم راسها و هي طول الليل بس تهذي و جسمها مثل النار

و للاسف جان شيطان الانس يتعاون ويا شياطين الجن حتى يأذوها

يتبع ...

لا تنسون التصويت و ارائكم

نور ♥️