يَا إرتِوائي بعّد السنِين العِجاف

P10

.
.
اللهُم إنّ نسألك الحُسنى و زِيادة🤍🤍.
.
تقديرا لجهودي تفاعلوا 🤍‼️.
.
.
‏جيتني مثل رد الجميل اللي تخبى بوجه
‏الأيام صُلحي ورحابتي ورضاي وظلالي
__
اميره ضغطت على رأسها بألم واردفت: عاد أمري لله امشي ، وبسرعه اردفت : وش صار على المحقق الخاص صاير اخبار جديدة ؟
رغد بهدوء واردفت بثبات: اذا تبين تعرفين امشي المستشفى اول
أميره تأففت ومشت وراء كلام رغد ...
___
عند عبدالرحمن وأنوار والجوري كانوا توهم واصلين المستشفى ..
أنوار كانت تحس خطواتها ثقيله استندت على الجوري واردفت بألم: هو بخير صح؟
عبدالرحمن شد على كتفها واردف: بخير والله بخير تكفين أنوار مابي يصيبك شيء
أنوار شدت على كف الجوري وسمحت لدموعها تنساب بأريحيه
الجوري كانت تحس ان الدنيا ثقيلة وانها ما تقدر تتنفس كانت تحس بكتمه قوية أردفت بثقل: خاله أنوار بروح دورة المياه وارجع لك تمام يمه؟ ،أنوار كانت تصيح ومو معها سحبت حالها ببطء وراحت المصلى اول ما دخلت طاحت بطولها وقامت تصيح هي تكرهه هالاجواء وبشده كانت تصيح وكأنها طفل محتاج لأمه..
اميره كانت ضامه حالها تنتظر المغذي يخلص وتفكر باللي حولها قطع حبل افكارها صوت الصياح اعتدلت بجلستها وقامت قربها وهي تمشي بطريقة غير سوية إلى أن جلست جمبها وضمتها ، الجوري بادلتها وقامت تحكي حكي مب مفهوم
اميره كانت تطبطب على ظهرها واردفت بلطف: وش فيك يا أمي فيك شيء صاير شيء لك؟ احد صاير له شيء علمييني لا تكتمين تكفين علميني وش صاير لك ممكن اقدر اساعدك
جور ناظرتها بإمتنان واغمى عليها بإيدينها
اميره بعد ثواني قليلة جدا استوعبت اللي صاير لها شالت المغذي من ايديها وصارت تنزف ما انتبهت كانت شيلتها طايحه على كتفها وحالتها متبهذله جدا وقامت تصارخ نيرس دكتور فيه احد هنا؟
انتبه عناد لها وجاء لها واردف بقلق: شفيك اختي؟؟ وش صاير!!
اميره بنفس متقطع اردفت بسرعه : في..ه بنت طايحه مادري ... شفيها
عناد انتبه للجوري وسألها بربكة: احد داخل؟ ، اميره هزت رأسها بمعنى لا دخل عناد شالها وتوجه لجناح نايف وهو ينادي بأعلى صوته لعبدالله: جيب الدكتور وقام يصارخ بقهر: ليه مافيه مسؤولية ماتشوفون المرضى وش هالاهمال أغبياء انتم؟
جات النيرس وقامت تقيس ضغط الجوري وحطوا لها مغذي
عناد تذكر اميره اخذ نفس يتمالك حاله وتوجه لمصلى النساء: شاف اميره ومعها رغد تنحنح واردف لها بإمتنان : شكرا لك لولاك بنت اخوي مادري وش صار لها ؛ ومد بطاقة عمله لها
رغد استغربت وضعهم واردفت بإستغراب: عفوا؟
أميره ابتسمت له واردفت بهدوء: ولو واجب علي البنت شلونها ؟ عساها بخير؟!
عناد بإبتسامه هادية هز رأسه بالايجاب واردف بهدوء: غرفتها 302 اذا شفتي حالك بخير تقدرين تمرينها , و حط بطاقة عمله على الكرسي المقابلها واردف بهدوء: اذا اقدر اخدمك بأي شيء رقم العمل متواجد عليه أستأذنكم وشكرا مره ثانية ومشى ..
رغد بعدم تصديق طالعت اميره وبسخرية: وش ذا استاذه اميره مسلسل تركي او يوناني؟
اميره ضحكت بهدوء وصفقت كتفها: صدقيني لو مب صديقتي كان دفنتك هنا اعطيني بطاقة عمله
رغد مسحت مكان الضربة واردفت بألم: هذا وانتِ تعبانه ماشاءالله شلون لو مب تعبانه ؟ واعطتها بطاقة عمل عناد
أميره اخذت البطاقة  وحطتها بشنطتها وميلت شفتها وضحكت: يمكن كان انكسرت ايدينك او رجلك والله العالم ممكن ممكن كان نمتي هنا كم يوم وضحكت بكل مافيها من قوة ، قطع عليهم إتصال شيهانه "ام اميره"
اميره تنهدت بهدوء بقولها بنام عندك تكفين لا توضحين لها أن حن هنا تمام؟ وردت بإبتسامه: هلا حياتي
شيهانه بابتسامه: هلا بقلبي وعمري والله وينك يمه صارت 6 وشوي
اميره بإبتسامه رقيقة: والله يا اميمتي انا مع رغد احتمال انام عندها أو اظل ل11 وارجع البيت مشغولين بإحدى القضايا
شيهانه تنهدت بهدوء واردفت: تمام يمه بس لا تتأخرين ما تاكلين واهم شيء تعشي رغد عندك يمه؟
أميره بإبتسامه رقيقة اردفت: أبشري يمه اي عندي تبينها أبشري أبشري هاك
رغد خذت الجوال منها واردفت: هلا خاله كيف حالك يمه وكيف الدنيا فيك؟
شيهانه بإمتنان: كلنا تمام يارب لك الحمد يمه رغد لا اوصيك على أميره لا تخلينها تفوت وجباتها تمام عيني ودعتك الله
رغد بهدوء ابتسمت واردفت: أبشري يمه ما توصين حريص في امان الله
___
بالعناية
الدكتور آسر اردف بإبتسامه: الحمدلله طلعنا بأقل الاضرار انقلوه على جناحه الان وبعد نصف ساعه اعطوه هيدرومورفون ، طالع لنايف وابتسم : الف لا باس استاذ نايف
نايف هز رأسه بألم بامتنان
الدكتور طلع وقابل عبدالرحمن واردف مبتسم: ماشاء الله تبارك الله نايف صحى وهو بأفضل حالاته أخر الاوجاع يارب
عبدالرحمن ضم أنوار واردف ببكاء فرح: ولدنا بخير وتعدى مرحلة الخطر أنوار  الحمدلله
أنوار ابتسمت واردفت ببكاء:  الحمدلله
الجوري نقلوها غرفة ثانية ونقلوا نايف لغرفته وعدى باقي اليوم خفيف على أبطالنا
___
اليوم الثاني بغرفة الجوري الساعه سبع الصبح
جوري فتحت عيونها بصعوبه وابتسمت اول ماشافت الجالس مقابل سريرها الجوري بصعوبه: يبه ليه متعب حالك كانت خليت عبدالله او عمار و ريحت نفسك
عبدالعزيز فز اول ما سمع صوتها وجاء لعندنا واردف بخوف: صحيتي يمه فيه شيء يألمك؟ انادي احد؟
الجوري بإبتسامه باهته من التعب هزت رأسها بمعنى لا واردفت: لا يبه مافيني الا العافية ابي مويا بس
عبدالعزيز جاب لها مويا من الثلاجه واعطاها واردف بقلق: اكيد يبه انتِ بخير ومافيك شيء؟
عبدالله دخل واردف بإبتسامه خفيفة: صحت الدنيا أستاذة جوري علامك يمه طيحتي قلبنا عليك
الجوري بإبتسامه هادية: والله مب في ايديني اعتذر جدا؛ وتذكرت أنوار وحال نايف واردفت بقلق: كيف امي أنوار؟ وعمي عبدالرحمن عساهم بخير
عبدالعزيز اردف بإبتسامه: توه عبدالرحمن قبل ساعه طلع من هنا وأنوار أزعجته هو ونايف عشان اللي صار
جوري شبكت حواجبها واردفت بهدوء: ليه وش دخل عمي مب كان فيه مهمه ؟
عبدالله اردف بسرعه يرقع اللي صاير: لانه ما انتبه له
الجوري بعدم اقتناع هزت رأسها بالايجاب
عبدالله بسرعه وطالع الجوري بحده: وانتِ ان شاءالله ناوية تجلطيني تدرين الضغط كم وصل أمس وبرضه مرتين داخله تنويم!! بغى قلبي يوقف خير
عبدالعزيز توسعت عيونه واردف بسرعة: نعم!!! متى المره الثانية وانا مالي علم!!
الجوري ابتسمت بتوهق واردفت: والله يبه مب صاير شيء عبدالله King drama مسوي انه مختم الدنيا ولو مب مصدق انه يكذب ماما أنوار قريبة غرفتها
ضي استاذنتهم بالدخول واردفت بهدوء: الحمد لله على السلامة جوري شلونك؟ وكيف تحسين حالك؟
الجوري بإبتسامه هادية: الحمدلله احسن بس فيه ألم خفيف براسي
ضي بإبتسامه واسعه أردفت: اثر المغذي والمنوم طبعا اليوم برضه بتكونين في استضافتنا 
الجوري تنهدت وهزت رأسها بالايجاب
ضي خذت العلامات الحيوية الضغط ووو واردفت: واضح الان أفضل أن شاءالله ارجع الصبح لك ودعتك الله انتبهوا لها
،،،
بجناح نايف
انوار كانت على اعصابها على حاله الجوري طالعت عبدالرحمن واردفت بقلق: رح شف لهم اذا احتاجوا شيء واذا هي صحت او لا
عبدالرحمن هز رأسه بالايجاب وطلع وهي كانت تمشي بالغرفة على احوالها
نايف شبك حواجبه واردف بفضول: صاير لأحد شيء يمه؟
أنوار مسحت دموعها ولفت له واردفت بهدوء : لايمه مب صاير الا كل خير اهم شيء انت مافيك شيء جلست جمبه وقامت تمسح وجه بإمتنان وهي تحمد الله على قومته بالسلامه
ضي دقت الباب تستأذن الدخول اول مادخلت ابتسمت لنايف واردفت: وشلونك الان استاذ نايف؟ عساك بخير تحس بألم في كتفك او شي
نايف شبك حواجبه من اسلوبها المستفز وشلون عادي كذا واردف بهدوء: لا الله يسلمك متى اطلع؟
اخذت علاماته وكل شوي تناظره واردفت بتفكير: أظنك تقرب لجوري عبدالعزيز؟
أنوار توسعت عيونها واردفت: اي اخت الدكتور عبدالله فيه تعليمات ننتبه لها والاكل له شروط
نايف بقلق واضح عليه اردف بربكه: وش فيها الجوري؟
ضي انتبهت لانوار وقت توترت واردفت بهدوء: كانت هنا امس الظهر ابدا على العموم استاذ نايف راح نعذبك الأسبوعين الأولى ماراح تجهد حالك او تشيل ثقيل طبعا راح تكون عندنا هالثلاث ايام الجاية عشان نطمأن على جرحك استأذنكم ، اول ماطلعت نايف لف لأنوار واردف بقلق: يمه عمي عبدالعزيز صاير له شيء جوري فيها شيء تكفين يمه طمنيني
أنوار ابتسمت بقلق وقامت تجيب مويا بارد و اردفت بربكه: ماصار الا كل خير مافيهم الا العافية قالت لك أمس تنومت هنا وكنا معها انا وياك شفيك
نايف حاول يقوم بس ما قدر يقوم واردف بألم: يمه وين عناد؟
أنوار بربكه اردفت بسرعه: اذا تحبني خلك بمكانك لبست شيلتها وطلعت لجناح جوري استأذنت الدخول ودخلت بعدها طلع عبدالعزيز
عبدالرحمن كان جالس مقابل الجوري وهو يحارشها ويضحك
اول مادخلت أنوار أبتسم وسمح لها تجلس مكانه واردف بحب: ما حبيتي تجلسين يعني يا ام نايف مب زين لك التوتر الحين ضغطك مرتفع من غير
ابتسمت أنوار بهدوء وهي تتأمل جوري واردفت لعبدالرحمن: رح لنايف لا يحس ويتوتر هو شايل هم ابو عبدالله لا يرتفع ضغطه على شيء ثاني
عبدالرحمن هز رأسه وباس راس الجوري وطلع
الجوري بإبتسامه واسعه: اشوف ام نايف مستانسه حاليا ان شاءالله الأمور كلها تمام؟
تنهدت أنوار وضمت الجوري واردفت بهدوء: لو ما جيتي بالوقت المناسب يمكن صار له شيء وانا والله ما اقدر على الفقد اكثر
ابتسمت الجوري وضمتها وأردفت بحنية: يمه أنوار خلاص صار اللي صار بس لحين لا تشيلين همنا شيلي هم نوير وعزام بيجون يقلبون المستشفى على راسنا حفيدهم الأول سوا عملية وكانت حياته بخطر وانتم خبيتم عنهم
أنوار ضحكت بخفيف واردفت لجوري: وانتِ وش فيك كل شوي طحتي صاير لك شيء ؟
تنهدت الجوري واردفت بهدوء: يقال لك إذا اسمتريت كذا راح ابدا في حالة اكتئاب حاد بس امس كانت أول جلسة والأمور مع عبدالله بيرتب جلساتي ماوراي الا كل خير
تنهدت أنوار واردفت بهدوء: الله يكتب اللي فيه الخير ، بعدها وصلت رسالة لها واردفت بحماس: وصل اللي ابيه دقايق واجيك نزلت للسواق اخذت هديتها ودخلت لها: مابي منك اي عذر ولا ابي اي كلمه ترفضين فيها
الجوري بإبتسامه هادية أردفت: وشو ذا المعروض وش فيه؟؟
أنوار مدت لها عقد ألماس وتنهدت وأردفت: هالعقد صممت لي ولأريام نفسه بالضبط وأتوقع انه باقي عند عبدالعزيز ومحتفظ فيه واتفقنا اذا وصل عمرك 17 نسوي لك نفسه وانا مكلمه المصمم من فتره يسويه وامس كان مخلصه على الرغم انه متفقين انه بعد ثلاث اسابيع بس الله يعطيه العافيه خلص قبل
ابتسمت الجوري وتذكرت موقف لها مع امها وقامت دموعها تطيح مسحتهم بخفه وابتسمت..
أنوار استغربت منها واردفت بهدوء: وش فيه يمه؟
الجوري ضمتها وأردفت بإمتنان: شكرا يمه ماتدرين وش يعني لي هالعقد..
أبتسمت وأردفت بإنزعاج: يلا يمه ما بطول عشان ما تقوم جنون الأخ وين انا مختفيه ؛ لبست شيلتها وعباتها وطلعت متوجه لجناح نايف
الجوري قاومت المها جسدها وتوجهت لدورة المياة تجدد وضوئها وصلت الضحى
__
عند نايف اول ما دخلت أنوار أستنشق عطر جوري فيها واردف بهدوء: يمه الجوري متنومه هنا صح؟
أنوار شبكت حواجبها وأردفت بفضول: شلون يمه؟ منو؟
نايف تنهد بعمق واردف بهدوء عكس شعوره: شلون يمه شلون هي هنا؟
تنهدت أنوار وهزت رأسها بالايجاب وأردفت: اي يمه وش راح تسوي مثلا؟
تنهد نايف وشد على ايده وأردف بقلق:ليه يمه وش فيها؟
سردت له أنوار اللي صار واردفت بهدوء: باختصار  مالك ذنب  باللي صار
تنهد نايف بإرتياح وقام يطقطق بجواله
أنوار بفضول يخالطه اهتمام اردفت بإبتسامه رقيقة: يمه بسألك
نايف بهدوء: ممم
أنوار بإبتسامه واسعه:تحب الجوري أنت؟
نايف كان يشرب مويا وقام يكح ووجه صار احمر
أنوار بخوف يخالطه قلق: وش فيك يمه علامك غصيت؟.
نايف اخذ نفس واردف بغضب: قايل لك يمه مب وقت هالسوالف انا مب مستعد هالوقت أبدا!!
أنوار شبكت حواجبها وأردفت بهدوء: ويت يمه انا ما قلت لك تزوج الان

.