تقديرا لجهودي اكتبوا تعليقاتكم 🤍🤍.
.
.
اللّهم إني أسألك إيماناً لا يرتد، ونعيماً لا ينفذ ومرافقة محمد صل الله عليه وسلم في أعلى جنة الخلد🤍🤍 .
.
.
لو ان الايام تشبه وجهك الطيّب
يمدي الاحلام جت قبل اتمناها🤍🤍.
.
.
ابتسم نايف على حركاتها الطفولية وبدأ يتذكر عطرها ويحاول يخفي ربكته وابتسامته
في حين انه عمار يستمع للحلقة وجوري تتأمل الشوارع حولها وتستمع
___
أنوار كانت جالسه قدام التلفزيون وبالها مشغول تماما
الجده نوره جلست بجمبها وشدت على ايدها
أنوار فزت وابتسمت لها واردفت بحنيه: علامك يمه؟
الجده نورة تنهدت بعمق واردفت: ضبطي حالك يمه وصحصحي شوي ويجون الباقين ابيك بأحسن حالاتك
تنهدت أنوار وقامت باست رأسها وتوجهت لجناحهم اول مادخلت جناحهم توجهت لدورة المياه " الله يكرم القاريء" ووقفت قبال المرايا وقامت تبتسم بسخرية بسبب آثار الدموع بدأت تاخذ شاور وسمحت لباقي مشاعرها تتحرر وتنهدت بعمق واردفت بصوت متقطع من كثر البكاء: انواري يمه هذا اللي كان لازم تسوينه من فتره طويله
اما عبدالرحمن اخذ جواله ومفاتحيه من على المكتب واتصل بنادر
نادر ابتسم اول ماشاف الاتصال وأردف بسرعه: السلام عليكم والرحمة اهلين يبه
عبدالرحمن تنهد وابتسم بخفه واردف: عليكم السلام والرحمة اهلين يبوك وينك لي يومين ما سمعت صوتك عسى المانع خير وانا ابوك
نادر ابتسم بداخله كان توه يجهز أوراقه لجل يرجع يكمل الامتياز بالرياض بس مخبي هالشيء عن أهله اردف بهدوء: تعبت يبه عاد تعرف جو ماليزيا الحمد لله هانت مابقى الكثير واخلص
تنهد عبدالرحمن واردف بهدوء: ماتشوف شر ياروحي انتبه لك وانا ابوك ادري تخصصك صعب بس مابقى الكثير وانت لا تبطي علينا
ابتسم نادر واردف بسرعه: لا توصي حريص اهم شيء انتبهوا لكم ، ناظر لساعته واردف: يوه يبه سلم لي على امي ونايف عندي اجتماع مهم احضره..
ابتسم عبدالرحمن واردف بهدوء: يوصل يبه اول ماقفل منه تنهد بعمق واردف: خل اشوف امك واعتذر لها بالأول وضرب رأسه بخفه واردف : ياغبائك ياعبدالرحمن وش العذر الجديد اللي بتقوله لانوار
بعد وقت تجمعوا الكل بالمزرعة كبار السن والشباب
الجد عزام اول ماوصل توجه لقسم الحريم واللي استقبلته الجده نوره برحابة وانشراح صدر اردفت برقه: كيف الدوام معك ابو عزيز ان شاء الله تمام؟
ابتسم الجد عزام وجلس جمبها وبدأ يسرد لها تفاصيل يومه قاطع حديثهم دخول إيلاف
إيلاف ابتسمت ابتسامه خفيفة وباست الجد على راسه ونفس الشيء مع الجده واردفت بهدوء: كيف أيامكم جعلها عامره بالسعادة يارب؟
الجد عزام بإبتسامه واسعه اردف بهدوء: دام أولادي وعيالهم تمام وش ابي اكثر من الدنيا الحمدلله
إيلاف ابتسم ابتسامه جانبية واردفت بهدوء: الله يديم لك يبه
الجوري بطفولية جات للجد وضمته وباست رأسه: انا قلت فيه شيء مختلف بالجو بس ما توقعته وجودك حركات عزام وش الأناقة والرزانه؟
ضحك الجد عزام وابتسم واردف: دام الجوري بحياتي وش ابي اكثر اكيد بتزين ايامي
باست راسه واسندت رأسها على كتفه واردفت: الله يديم هالضحكه ولا يحرمنا منه
إيلاف شمقت لها وشبكت ايدينها واردفت بصوت خفيف وصل للجوري: مب هي وجه النحس بنت أريام وش راح يجينا منهم غير وجع الرأس
الجوري تألمت من كلامها بس ما حبت توضح أستأذنتهم وتوجهت للحديقة
إيلاف ضحكت بسخرية واستأذنتهم ولحقتها أردفت بخبث: وش جالسة تسوين هنا؟ تتمنين احد يشفق عليك مثلا مب انتِ محط انظار الشفقة والسخرية
الجوري تنهدت بعمق وابتسمت في وجهها وأردفت بهدوء: انا تركت لك المكان داخل وطلعت وش جابك وراي؟ بتسمين بدني؟ ابشرك ما عادت تنفع هالحيل بطلت جوري اللي تصيح وراء كلامك
إيلاف طالعتها بإستحقار ودخلت اول مادخلت صرب كتفها بأنوار واردفت بتوتر: من متى انتِ واقفه هنا ام نايف؟
أنوار كانت منقهره منها وابتسمت بغباء واردفت: توي ليه صاير شيء؟
إيلاف تنهدت بإرتياح وأردفت بهدوء: لا ابدا توصين على شيء
أنوار رمقتها بإستصغار وتوجهت لجوري وابتسمت ابتسامه واسعه جلست جمبها وشدت على ايدينها واردفت بحنية: كيف بنيّتي؟
الجوري إبتسمت بإمتنان واردفت: والله صرت بخير من شفتك يمه
أنوار شبكت حواجبها وأردفت بفضول يخالطه قلق: صايبك شيء يمه المريضه قالت شيء
جوري ضحكت من قلبها واردفت بسرعه: لا يمه وان كان صايبني شيء اول من راح يعرفه انتِ ، واردفت بهدوء: يمه شفتي نايف؟ لانه صايبه رضوض وأشياء بسيطه
أنوار توسعت عيونها واردفت بقلق: يمه فيه شيء؟؟؟
الجوري شدت على ايديها واردفت بهدوء : لا يمه لو صايبه شيء بكلمك بهالثبات او راح يجي ابوي عزام ويضحك معنا ؟
أنوار تنهدت براحه واردفت: كيف اشوفه طيب يمه قلبي معه
ابتسمت الجوري تجاريها واردفت بسرعه: ماحد يقول لك شيء يمه بتصل على عبدالله يطلعه جناحكم وبجي معك اساعدك قبل يجون
ابتسمت لها بإمتنان ومشوا للجناح مع بعض
كان لبسها عباره عن فستان قصير مخصر بأزرار أمامية اسود وتحت بليزر بيضاء ورافعه شعرها بعشوائية مع كحل ابيض موسع عيونها وروج نود وماسكرا " كانت مبينه انيقه"
أنوار اول مافتحت باب الجناح تفاجأت بوجود نايف وتناست الجوري اللي كانت تمشي وراها ، قامت تبوسه وتسمي عليه
نايف أحمر وجهه واردف بسرعه: يمه مافيني الا العافية وبعدين وش كبري انا ماصار الا العافية
أنوار ودموعها تطيح على خدها تكلمت بإنزعاج: تخبي على امك يا نايف متى تبيني اعرف ان تكسرت؟
الجوري كانت عيونها على جوالهاا واردفت بإنزعاج: يممه عماروه مايرد والأخ عبيد مقفل جواله شكله انبترت حروفها ورجعت تركض بعد ماشافته يتأملها
نايف أبتسم على شكلها وأردف: يعني هي اللي قايله لك هالنتفه؟
ضربته أنوار على رأسه واردفت: وانت خير تبحلق عيونك اول مره تشوف بنت؟
نايف مسح مكان الضربه بخفه واردف بضحكه: اي يمه وين تعلمتي الملاكمه صايره ضرباتك توجع
أنوار توسعت عيونها واردفت: والله من قلة الخاتمه الحين انا ملاكمه ياللي مب قايلة؟
نايف باس راسها وتنحنح واردف بصوت مكتوم من كثر الضحك: لا يمه حشى لله بس يعني تعبير مجازي وضحك
أنوار بإبتسامه واسعه أردفت بحنية: يلا بسامحك الآن طس لهم لا اذبحك هنا
باس راسها نايف ومشى لقسم الرجال بينما أنوار أهتز جوالها يعلن استلامها مسج
أنوار شبكت حواجبها: من اللي إلى الآن يرسل نصية يتواصل فيها ، ذهلت بمحتوى المسج ومسكت قلبها تهدي نبضاتها
جوري من وراها: يمه؟
أنوار كانت تحاول تقفل جوالها وطاح بالارض
جوري شبكت حواجبها وأردفت بفضول ونزلت تاخذ جوال أنوار واردفت: علامك يمه؟
أنوار بإبتسامه زائفة هزت رأسها بمعنى مافيه شيء
جوري تنهدت وابتسمت ومسكت ايديها: اوديك غرفتكم يمه؟
أنوار بإبتسامه باهته هزت رأسها بالايجاب ورقوا جناح أنوار ..
____
بقسم الرجال توقفت سيارته وزفر هواء وماله خلق اي شيء تنهد وأردف: معليه عبدالرحمن تحمل انت تقدر , نزل و ساف نايف ضام عصاته و ساج في افكاره
عبدالرحمن بابتسامه خفيفة تنحنح واردف: باقي من اهل الأرض او من اهل السماء
ابتسم نايف وميل على ايدينه بألم وميل شفته وتنهد: تبيني من اهل الأرض او من اهل السماء انت؟
زفر عبدالرحمن هواء وجلس جمبه وأردف: من اهل الأرض طبعا
نايف عقد حواجبه واردف: عادي يبه اكلمك بموضوع؟
عبدالرحمن تنهد واردف: اذا نقدر نأجل الموضوع اكون من الشاكرين
نايف عقد حواجبه واردف بجدية: الموضوع يبه امي
قاطعهم مرور الجده اللي توقفت اقدامها قدام عبدالرحمن تماما ، أبتسمت واردفت : الحمدلله على سلامة ولدك
توسعت عيون عبدالرحمن واردف بقلق يخالطه خوف: نادر صاير له شيء يمه
الجده نورة ابتسمت بهدوء وشدت على كته: لا يمه هذا اللي جالس جمبك سوا روحه جنتل وجاته كم رضه خفيفه
نايف ضحك بوهقه واردف: يمه انا مب سوبر مان بس انا شغلي احافظ فيه على أرواح البشر ولا اقدر اني اغض الطرف عن الشغل خارج ساعات العمل تعودت
عبدالرحمن ابتسم براحه واردف: خفت بسم الله على قلبك
الجده نوره ابتسمت لعبدالرحمن واشارت له واردفت بتردد: امش معي ابيك بموضوع
عبدالرحمن هز رأسه بالايجاب ومشى معها لجناحها
اول مادخل عبدالرحمن واستقر مقابلها قفلت الباب وأردفت: ممكن اللي بقوله لك راح يصدمك وادري هالموضوع انت حساس تجاهه جدا بس ابيك تسمعني زين يمه ولا تقاطعني تمام؟
عبدالرحمن بهدوء اردف: ما اقدر اوعدك يمه تدرين فيه كثير مواضيع انا حساس جدا تجاهها
الجده نوره شبكت ايدينها ببعضهم وأردفت بتوتر: أنوار تبي طلاقها منك بس بالأول تبي تدور على هي..
قاطعها عبدالرحمن بعيون متوسعه واردف بسرعه: طلاقها؟ وعقب هالعمر بس يمه شلون أنوار أمانة خالت..
قاطعته الجدة نوره ودموعها تنزل وبإبتسامه سخرية: اص يمه ولا حرف لو تبي تحافظ على الامانه ما كان همشتها ولا كان اعطيتها مجال للشكوى ولا كان يمه خليتها تحس ولو شوي انك مجبور عليها او عي شيء انت مجبور عليها لحين يمه تفكر بالموضوع؟ لحين يمه تتذكر انها امانه؟ وانها ام عيالك ابطيت كم مره قلت لك شيل طيف هيام من عقلك شلتها؟ لا كم مره قلت لك أنوار شخص حساس حافظت عليها؟ لا همشتها إلى فاض صبرها وتدري وش نتيجة صبرها؟
عبدالرحمن كان منهار جدا ودموعه تنساب وهز رأسه بالنفي
الجده نورة تنهدت بعمق وأردفت بسخرية: بتجيب لك هيام مبارك عليك يمه هيام مقدما وعظم الله أجرك في خساره أنوار
عبدالرحمن تنهد وطلع برا البيت ..
___
بقسم الرجال ..
نايف تنهد بملل وأردف : عيال وش رأيكم نطلع؟
عقيق بحماس جلس مقابله واردف: طلعه كلها عيال؟
عبدالله ضرب راسه وجلس جمبه:على اساس كل طما طلعنا جبنا رقاصات ومقهوجيات وكذا؟
العيال كلهم لفوا لعبدالله وضحكوا
عبدالله توتر وضحك بقلق: لا تفهموني خطأ بس الأخ عقيق قلنا بنطلع قال الأهم طلعه كلها عيال
عقيق مسح جبهته بتوتر واردف: يبوي انت شخص متسرع انا اقول لك انه مانبي البنات معنا
عبدالله رفع حاجبه واردف بسرعه: للأسف انهم معنا خل يغيرون جو
نايف بإبتسامه لعبدالله وغمز له واردف: يا فاهمني
عناد صفق له واردف: كفو ماشاءالله تخططون من وراي؟ ماكأنه عمكم مابعد جاء؟
نايف بإبتسامه واسعه: كنا بنسويها سيبرايز ونجيك العمل ناخذك انت وحوسة الدوام
عناد ضرب كتفه واردف: اي يحق لك ماخذ ثلاثة أيام إجازة
نايف بإبتسامه جانبية: اي تعرف سوبر مان
رمقه عناد بنظره حاده ولف للعيال واردف: بروح للخيل
نايف بإبتسامه واسعه واردف بحماس: خذني معك شقلت؟
عناد ابتسم بخبث وقال: قدام وانا اخوك..
________
في قسم البنات ..
كانوا مجتمعين البنات في الحديقة و ديان تلعب لوحدها
ديان تنهدت بطفولية واردفت بضيق: لحين ليه انا اصغركم؟ قوموا العبوا معي
جوري ضحكت بخفة وقامت لها وضمت رأسها واردفت بطفولية: وقلبسسس بس بتقومون تلعبون ولا اصفقكم خل نلعب معها تكفوون لا تكسرون خاطر بنيّتي
ديان نطت بحماس وباست خدها و اردفت بإمتنان: يا كثر الحب
جوري توسعت عيونها واردفت بصدمه: لا لا يالنونو مين معلمك هالحكي ؟
ديان ضحكت بقوة واردفت: وشو عبالكم انا ما اسمع حكيكم؟
غسق قامت قربهم وباست وجه ديان واردفت بحب: يمه ياربي خذي قلبي اسمح لك
ديان مسحت مكان بوسة غسق وأردفت بطفولية: ما اسمح لك انا حق جوري بس
جوري ضحكت بقوة واردفت: اي هي حقتي وحدي صح دودي؟ وضمتها
قاطع حديثهم دخول إيلاف
إيلاف رمقة جوري بحدة وأردفت: تجتمعون بالجنه يارب
البنات كلهم بإبتسامه وامتنان اردفوا بمحبة: امين والقايل يارب
إيلاف إبتسمت واردفت: ايوه وليه داقين حنك هنا والدنيا قايمه قاعده برا قوموا ساعدوا الخلق
ديانا تنهدت بعمق واردفت بسرعه: تكفين ياخاله الخلق دوامات وتو نرجع يادوب فينا حيل نقول ياكريم
إيلاف بإبتسامه جانبية: عاد انتِ وهذا حالك الباقيات وش عذرهم؟
الجوري إبتسمت لهم وأردفت بهدوء: أستأذنكم جميعا..
إيلاف رفعت حاجبها واردفت تبي تستفزها: انتظري على وين؟
الجوري بإبتسامه هادية اردفت بهدوء: أبدا والله بشوف للغالي
.
.
YOU ARE READING
يَا إرتِوائي بعّد السنِين العِجاف
Actionمعزوفتي الأولى تجمع بين الإثارة والغموض والاكشن والإنتقام والكوميديا والرومانسيه تتحدث روايتنا عن عدة أبطال بأحداث متسلسلة ومشوقة وهي رواية عائلية يسعى شخص ما إلى الانتقام من هذه العائلة بسبب أحداث متعلقة بالماضي وكيفية تجاوز عائلتنا هذه الأحداث وت...
